Tuesday, 29 June 2010

කෑදරකමද? ආසාවද? ආදරයද?

මයියාට ආදරය ගැන එක එක දේවල් හිතෙනවා..ඒ උනාට පොඩි ප්‍රශ්ණේකට තියෙන්නේ, ආදරය කියලා කියන්නේ මොකක්ද කියලා මයියාට තාම හරියට මීටර් වෙන්නේ නැති එකය..ආ...ඉස්සෙල්ලාම කියලා ඉන්න ඕනෙ..මයියා මේ කතා කරන්නේ කොල්ලො, කෙල්ලො අතර නැතිනම් ගැනු මිනිස්සු අතර ඇති වෙන ආදරය ගැනය.....

මයියට හිතෙන විදිහට ඔය ආදරය යැයි කියලා කට්ටිය කියන එක අකාර තුනක් ය. ඒවාට මයියා නම් දාලා තියෙන්නෙ කෑදරය, ආසාව, ආදරය කියලාය.

මේ ආදරය යැයි කියලා ඇති වෙන 'කෑදරය' නම් අදුනා ගන්න නම් ගේමක් නැ..මොකද මෙතැනදි තියෙන්නේ එකිනේකාගේ ලිOගික ආශාවන් සOතර්‍පනය කර ගැනීමේ අදහසක් විතරක් නිසාය..මට හිතෙන විදිහට මේ සම්භන්දයේන් ඉස්සරහෙන්ම ඉන්නෙ පිරිමි පරාණය. බැරි වෙලාවත් මේක ආදරය යැයි කියලා හිතාගේන බැන්දොත් එහෙම බඩුම තමාය..ගොඩක් වෙලාවට ඉවර වෙන්නේ දික්කසාදයෙන්ය..නැතිනම් පවුල සී සී කඩය...හැබැයි මයියා මේහෙම කිව්වයි කියලා , එකෙන් ලිOගිකත්වය ආදරයකදි වැදගත් වෙන්නේ නැතෙයි කියලා නම් මයියා අදහස් කලේ නැත.

ඊලගට මයියා මේ 'ආසාව' කියලා කියන දේය බලමු..මේක නම් ආදරය යෙන් වෙන් කරලා ගන්න හරිම අමාරුය. මෙකේ බොලදම අකාරය තමයි අපි අනේකාගෙ ප්‍රසිද්ධියට, ජනප්‍රියතාවයට , සමාජ තත්වයට, ධනයට සහ ඔය සිOදු කීම වැනි හැකියාවන්ට ආසා කිරීමය. ඒ අසා කිරීම ආදරයක් ලෙස වරදවා ගන්නවාය. සමහර විට මේක හිත ඇතුලේ හැOගිලා තියෙන දේයක් නිසා, තමන්ටම මේක තේරුම් යන්නේ නැත. මේ 'ආසාවේ' තියෙන පැටලුම්ම අකාරය තමයි අපි අනේකාගේ පෙනුමට, කථා ව්ලාශයට, අදහස් වලට, පෙනුමට , හැසීරීමට අසා කිරීමය. මෙවා ආදරය කියලා ගැනීම නිවැරදියි කියලා කියන්න බැ..හැබැයි මේ ඔක්කොම ආදරය වැඩි කරන්න බලපාන කරුණු බව මයියා පිලි ගන්නවා ය.

ඔන්න ඊලගට තමයි මයියා ආදරයට එන්නේ..ආදරය කියලා කියන්නේ ඉහත කී සියල්ලේම අඩු වැඩි වශයෙන් එකතුවක්ය..හැබැයි ඒ ඔක්කොම එකතු වු පලියට සැබැ ආදරය ක් ඇති වන්නේ නැත. තව මොකක්දෝ, මයියට කියන්න තේරෙන්නේ නැති අමුතු දෙයක ද එකතුවක්ය..හරියට අතයි, පයයි, ඇගයි තිබ්බ පලියට මිනිහෙක් වෙන්නෙ නැත..එයට ජීවයක්ද තිබිය යුතුය.එවිට තමයි මිනිහෙක් වෙන්නේ.......ඒ විදිහට ඉහත කී සියල්ල තිබුනත්..මයියිට කියන්න තේරෙන්නෙ නැති මේ 'අමුතු දේ' නැතුව ආදරය සම්පූර්න වෙන්නේ නැත...
ඉතිO මේ වගේ හරිහමO ආදරය ක් ලැබීමත්, තමන්ට ලැබුනු දෙය හරි හමO ආදරයක් කියලා තෙරුම් ගැනීමත් වාසනාවක්ය, මුදලින් මිල කරන්න බැරි, වචනයෙන් විස්තර කරන්න බැරි අමුතුම ලැබීමකි..


ඔය වගේ සෑබෑ ආදරයක් ලැබුනොත්,මයියා හිතෙන විදිහට එය ලබා ගැනිමට, එය රැක ගැනීමට මොන කැප කිරීම කලත් කමක් නැත. මොකද සැබෑ ආදරය එතරම් විරල වටිනා දෙයක් නිසාය. හැබැයි මොන කැපකිරීම කලත් අනෙකාගෙන් බලෙන් ආදරය ලැබීමේ කැප කිරීම කරන්න යන්න නම් එපාය...මොකද ආදරය කියලා කියන්නේ දෙන දෙයක් මිස ලබා ගන්න පුලුවන් දෙයක් නොවන නිසාය.....

Saturday, 26 June 2010

ගමන දිගයි..යුග හතරයි....ඈවරයි..දෑවරයි

මේක නම් මයියාට හිතුනු දෙයක් නෙමේ. මයියා කොහේදි හරි අහපු දැකපු දේයක්. එත් හරියට මතකයක් නම් නෑ කවදා කොතනකදි කියලා. හැබැයි ඔය කාපු බීපු වේලාවලට මයියා එලියට දාන කථා සOග්‍රහයේ..මේකත් එක කථා වස්තුවක් තමයි..

හරි දැන් එහෙනම් කථාවට බහිමුකෝ..
කථාව නම් මේකයි..දැන් ඔය කොල්ලෝ, කෙල්ලො යාළු වෙනවා නෙව, යාළු වෙලා කාසාදත් බැන්දයි කියමුකො..කසාද බැදලා, දරුමල්ලො හදලා, ලොකුමහත් කරලා, අන්තිමේ වයසට ගිහිල්ලා පොලොවට පස් වෙලා යනවා..ඕක ඉතින් ජීවන චක්‍රය නොවැ..

කතාවේ හැටියට ඔය ඕනැම කොලු කෙලි සම්භන්දෙක අවස්ථා 4 ක් තියෙනවලු..

පලමු අවදියේදි කොල්ලයි කෙල්ලයි ලව් කරන අවධිය.අනේ ඒ කාලේට කොල්ලායි කෙල්ලයි හරිම එකිනෙකාට ආදරෙයි. අනේකා ගෙ තියෙන වැරදි, නොගැලපෙන දේවල් උනත් ඉස්මතු වෙනවා හොරයි..ඇයි ඉතින් දෙන්නම තම තමන්ගේ හොද දේවල් නේ අනිකට පෙන්නන්නෙ..මේ අවධිය ඉතින් හරීම සුන්දරයි..මේක ලියන කොට මයියටත් ඒ කලේ මතක් වෙනවා

දෙවැනි අවධිය එන්නෙ ජොඩුව බැදලා මාස කීපයක් , අවුරුද්දක්, දෙකක් යන කොට..එතකොට ඉතින් අර ලව් කරන කාලේ හOගගෙන හිටපු නොගැලපෙන ගතිගුණයි, නරක ගතිගුණයි දෙන්නගේන් ටික ටික එලියට එනවා, එකට ජීවත් වෙන කොට ඉතින් හැමදාම ඔවා හOගගෙන ඉන්නත් බැ නෙව......මේක ඉතින් ටිකක් දරුණු අවදියක්...රන්ඩු වැඩියි, නොරුස්සන තැන් වැඩියි..සමහර වේලාවට කෙලවර වෙන්නේ දික්කසාදෙන් තමා..ඔන්න කොහොම හරි අමාරුවේන් මේකත් පහු කරලා තුන් වේනි යාමයට පහන් වෙනවයි කියමුකෝ..

තුන් වෙනි යාමයෙදි තමයි දරු මල්ලො ලැබිලා, ජිවිතේ නියම ප්‍රශ්ණ ටික එලියට එන්නේ..ඒ ප්‍රශ්ණ වලට මුහුණ දෙන්න නම් කැමැත්තෙන් හෝ අකමැත්තෙන් දෙන්නට එකට වැඩ කරන්න වෙනවා. මේවගේ දෙන්නා එකට වැඩ කරන කොට ,ඔන්න දෙන්න අතර අවබොධය විවිද අකාර වලින් වැඩ් වෙනවා..අඩු ලුහුඩු කම් ඉවසන්න පුරුදු වෙනවා..අවසානය වෙන කොට ටික ටික ප්‍රශ්ණ ටික අඩු කර ගෙන , අවසාන අවදිය වුන හතර වේනි යාමයට සැපත් වේනවා..

තියරියේ හැටියට මේක තමයි ගැඹුරුම ආදරය ඇති වේන , ආතල් ම අවදිය..මේ වේන කොට දෙන්නා හොදටම එකිනේකාව දන්නවා. අනෙකාට තරහා යන තැන්, අකමැති දේවල්, කැමති දේවල් ආදිය..මේ අවදියේදි දෙන්න ජීවිතේ අභියෝග වලට එක්ව මුහුන දීලා, ඒවයේ ප්‍රතිපල ගැන සතුටු වේන ගමන් අනේකාට ගැඹුරු ලේස ආදරය කරනවා..

මයියාට හිතෙන විදිහට මේ තියරියෙ ඇත්තකුත් තියෙනවා වගෙයි..මුල් යුග දෙක නම් මයියා පසු කරලා ඉවරයි..මය්යා හිතෙන විදිහට , දැන් මයියා ඉන්නේ තුන් වේන අවදියේ..

එකෙන් කමක් නැ..මයියට හිතුනා මේ තියරිය තව ටිකක් ඉස්සරහට ගෙනියන්න..මය්යා හිතන විදිහට..මේ ප්‍රධාන යුග හතරත් , ඒ වගේම වු තවත් අනු යුග හතරකට බේදෙනවා..ගලපලා බලන්නකො ඔගොල්ලන්ටත් මේ සීන් එක සෙට් වෙනවද කියලා..

Friday, 25 June 2010

හෙළ උරුමේද, හෙළ කරුමේද?

මයිය ට දේශපාලනය ගැනත් සමහර දේවල් හිතෙනවා..ඒ උනාට මයිය ට කියලා දේශපාලන පක්ශයක් නම් නැ..මයියා දේශපාලන පක්ශ වලට කඩේ යන එක නවත්තලා දැන් අවුරුදු කීපයක් වෙනවා. හැබැයි එ වෙන්කොට කඩේ යන්න තිබ්බ ගොඩක් පක්ශවල ට මයියා කඩේ ගිහිල්ලයි තිබ්බේ..

හරි එහෙනම් ඉතින් මාතෘකාවට බහිමුකො...
මේක ලියන්න හිතුනේ මේධානන්ද හාමුදුරුවන් හෙල උරුමේ නායක කමින් ඉවත් කල/ ඉවත් උන බව දැකීමේන්..

1994 දි සුදුනෙලුමයි, පොතයි ගඩොලයි අරගේන, වසන්ත රාජා ලව රූපවාහිනියේ දාගේන , සිOහල කියන වච්නේ උච්චාරනය කේරුවත් ජාතිවාදීයෙක් කියලා හOවඩු ගැහුව කාලයක් තිබ්බා...වර්තමාන දේශපාලනය ගැන මොන විවේච්න තිබ්බත්, සිහල උරුමය ප්‍රමුඛ ජාතික බලවේගය ඒ තත්වය අද වෙනෙවිට වෙනස් කරන්න සමත් වෙලා තියෙනවා..

මාක්ස්වාදය කතා කර කර, බොරු ජාතිකත්වයකට සිග්නල් දාපු ජ්විපෙ තමන්ගේ නිරුවත එලි උනේ හෙල උරුමය නිසා..තමන් ගේ චන්ද ගොඩ හෙල උරුමයට යන එක වලක්වන්න තමයි දේශහිතයිශිය හැදුවේ..අන්තිමට ජ්විපේ ට උනේ තමන්ගේ ආකර්ශනීමය කතිකයාවත් ජාතික බලවේගයට පුජා කරන්න..මේ ඔක්කොම හෙලෙ උරුමයේ දේශපාලනයයේ බලපැම ලOකික දේශපාලනය මත වැටීම නිසා සිටදු වු දේවල්..

වර්තමානයේ මහින්ද මහත්තයගේ ජාතික නැබුරුවත් එක්ක හෙල උරුමයේ අවශ්යතාවය නොපෙනුනත් , අනාගත වෙනස්වීමකදී මේ තත්වය වේනස් වෙන්න්න පුලුවන්..

ඇත්ත්ටම හෙල උරුමයේ අඩු පාඩු නැතිවා නොවෙයි..සොම හාමුදුරුවන් අපවත් වුන වේලාවේ තිබ්බ මහජ්න කැලඹිම අතිසාර්තක දේශපාලන වික්‍රමයක් කර ගත්ත හෙල උරුමය , නැවතුනේ පාර්ලිමේන්තු ආසන 10 ක් අරගේන. අනේ එත් සොම හමුදුරුවන් ගේ අපවත් වීම ගැන පත් කරපු කොමිසම ගැන අහපුවම, දැන් චම්පික මහත්තයා කියන්නේ , වැඩේ කරපු මනුස්සයා හැOගිලා කියලයි..

එතකොට අර පොරොන්දු උන අන් ආගමික පණතයි, මතට තිතයි..එවායෙත් සැර බාල වේලා..

දැන් එතකොට මයියා මොකක්ද මේ කියන්න තනන්නේ..

මයියා කියන්නේ ජාතිකවාදීන් දැන් කල යුතුව ඇත්තේ විසීරි ඇති ජාතික මතවාතීන් එකතු කිරීමයි..නලින් ද සිල්වයි, චම්පිකයි නයාට අදු කොල වගේයි..ගුණදාස අමරසේකර පැත්තක..එස් එල් ගුනසේකර තනියෙම..තිලක් මහත්තයව ගොඩ දේනෙකුට විහිලුවක්

කොට්ටේ යුගයේ ඉදන් අතීතයේ (එවකට හිටපු හොදම සටන් කරුවන් උන වීදිය බණ්ඩාරයි, ටිකිරි කුමාරයයි පෘතුගීසීන්ට විරුද්දව එක්ව සටන් කිරීම පැත්තක තියලා , දෙන්නා හොදට එකිනේකාට විරුද්ධ ව ගහ ගත්තා) ඉද්න්ම සිOහලායාට වැරදුනේ පොදු හතුරාට විරුද්දව කටයුතු නොකර , පුද්ගල ප්‍රතිලාබ වෙනුවෙන් වැඩ කිරීමට ගොස්..මේ වැරැද්ද දැන්වත් ජැතික බලවේග වල නියමුවන් තේරුම් ගත උතුයි..

අවසාන වශයෙන් කිව යුත්තේ .. ජාතියක් වශයෙන් ශක්තිමත් වනවා වගේම ,,චින්තන ව්ප්ලවයක් තුලින් වර්තමාන සිOහල ලකුන ..දේශපාලන , සමාජීයා අවකාශය තුල තැබිය යුතුයි ( නැත්නම් ඉතින් සිOහල කියලා රැක රැක ඉන්න ඔනේ මොකටද? ලෝකේට මොකක් හරි දේයක් කියලා දේන්න එපැයී),...ඒ සදහා බුදු දහම හා එහි හරයන් මුල් කර ගත යුතුයි... අතීතය ගැන පුරාජේරු කතා කර කර හිටියට වැඩක් වෙන්නේ නැත..

මයියා ගේ පලමු සටහන

ඔන්න මෙච්චර දවසක් බ්ලොග් කියව කියව හිටපු මයියාත්, සිOහල බ්ලොග් එකක් ලියන්න ඕනැ කියලා හිතුවා.

මයියා ට සිOහල බ්ලොග් එකක් ලියන්න කියන්න ඕනැ කියන අදහස ආවේ එයා විභාගයකට සෙට් වෙන අතරේ. ඔය විභාග කාල වලදි තමයි සමහර අයට හොද අදහස් පහල වෙන්නේ. මම මේ විභාගේ ඉවර උනාම අරක කරනවා..මේක කරනවා ආදී ලෙස..ඒත් විභාගේ ඉවර උනාම මුකුත් මතක නැ...මයියා ට ඕක කීප පාරක්ම වෙලා තියෙන නිසා, මේදා පාර විභාගේ ඉවර උන දවසට , පහුවෙනිදම ඔන්න හිතා ගත්ත වැඩේ පටන් ගත්තා..

එතකොට මයියා කියන්නේ කවුද? එක නම් මම කියන්න බලාපොරොත්තුවක් නැ.. හැබැයි මම දැනටම ඕගොල්ලො අතරේ ඉන්න කෙනෙක්. සමහර අය මාව අදුනනවා මගේ ඇත්ත නමින්.

ඉතින් මම ඉස්සරහට දිගටම ලියන්න තමයි බලාපොරොත්තුව. මම ලියන්න හිතන් ඉන්නේ සමහර ම්ගේ අත්දැකීම් හා සමහර දේවල් ගැන මට හිතෙන හැටි..