Wednesday 30 November 2011

අධිවේගයේ යැම හෙවත් වැදි බණ......

සාමාන්‍යයෙන්, ලංකාවේ රියැදුරු අසුනේ වාඩි වෙනවයි කියන්නේ, පොඩි අංජනම් බැලිමේ හැකියාවකුත් තියෙන්න ඕනේ කියන එකයි..මොකද කොච්චර මාර්ග සංඥා, අරවා මේවා මොනා තිබ්බත්, ඉස්සහරෙන් යන වාහනකාරයා වමට සිග්නල් දාලා දකුනට කපයිද, පැත්තෙන් එන ත්‍රීවීල්කාරයා ඇගට කපයිද, අතුරු පාරෙන් එන මොටර් සයිකලකාරයා එක පාරට ප්‍රධාන පාරට දමයිද වගේ නොයෙකුත් ප්‍රශ්ණ නිරාකරණය කර ගැනිමේ හැකියාවක්, ලංකාවේ පාරක වාහනයක් එලවන කොයි කවුරුත් සතුව තිබිය යුතු අනිවාර්‍ය හැකියාවක්..ඒකයි ලංකාවේ රියැදුරු මහත්තයෙකුට අංජනම් බැලිමේ හැකියාවක් මදක් හෝ පිහිටිය යුතුයැයි මයියා නිගමනය කලේ....

වාහනයක් එලවන එක ලංකාවේ මෙච්චර ඔලුව කැක්කුමක් උනාට, දියුණු රටක වාහන එලවන එක එච්චර අමාරුවක් නෑ. ඒකට අවශ්‍යවන්නේ ඉස්සරහ යන වාහනය දිහා බලං යෑමත්, මාර්ග සංඥා හා සම්ප්‍රදායන් ‍රැකීමත් පමණයි. ලංකාවේ රියැදුරන් කොච්චර කලබලකාරි, නොහික්මුනු කට්ටියද කියලා තේරුම් යන්නේ පිටරටක ගිහිල්ලා වාහනයක් අතට ගත්තම තමා.....

කොහොම උනත් ලංකාවේදී ඉතා අවිනීත රියැදුරෙක්ව සිට, කැන්ගරු දේශයේදී $1500 ට ( රු, 150,000) ට ආසන්න පොලිස් දඩ ආන්ඩුවට ගෙවා,ඊට අමතරව කන්ඩෙම් වන්නටම කාරයක් හප්පා ගැනිමේන් පසු, විනීත රියැදුරෙකු වීම දක්වා කාලය තුල මයියා ලැබු අත්දැකිම් මේදා පාර පෝස්ට් එකට නිමිත්ත කර ගැනීමට මයියා කල්පනා කලා. ඒකට මූලිකම හේතුවක් උනේ මෑතදී මහජනයාට විවෘත කරන ලද ආශ්චර්‍යයේ පිවිසුම කියලා කියන දක්ශිණ අධිවේගී මාර්ගයේ දැනටම සිදුවෙලා තියෙන අනතුරු සංඛ්‍යාව 40 ට ආසන්න බව දැක්කට පස්සේ...

අධිවේගී මාර්ගයක ධාවනය කිරීමේදී , සෑම තිස්සේම කල්පනාකාරී විය යුත්තේ තමන්ගේ ධාවනය වේගය ගැනයි. කුඩා වේග වලදී තමන්ට පාලනය කර ගත හැකි කරුණක්, අධිවේගයේදී පාලනයෙන් තොර වීම ඉතා සාමාන්‍ය සිදූවීමක්. මාර්ගයේ ධාවනය වන සෙසු වාහනද ඉතා අධි වේගයෙන් ධාවනය වීම නිසා, සුලු අත්වැරදීමක් උනත් මහ අනතුරක් බවට පත් කිරීමට ගත වන්නේ ඉතා ක්ශණික මොහොතක්....ඒනිසා පහත දැක්වේන කරුනු අධීවේගී මාර්ග තුල ධාවනය කිරීමේදී උපකාරී වෙතැයි මයියා උපකල්පනය කරනවා...

1.) වේග සංඥා පුවරුවලට අදාල නියමිත වේග සීමා වලට යටත්ව වාහනය ධාවනය කිරීම:
සාමාන්‍යයෙන් පාරක වංගු වල අරයන් ( horizontal allignments) හා ඒවායේ සැකස්ම (super elevatiaons)තීරනය වන්නේ නියමිත ධාවන සීමා අනුවයි. වේග සංඥා වල දැක්වෙන්නේ මේ අදාල වේග සීමාවනුයි. අධික වේග වලදී මේවයේ නිරවද්‍යතාවය ඉතා වැදගත්....ඒ නිසා අදාල වේග සීමාවලට යටත්ව ධාවනය කිරීම අත්‍යවශ්‍ය කරුනක්

2.) මංතීරූ ( lane) මාරු කිරීමේදී පැති කන්නාඩියට ( side mirror) අමතරව , බෙල්ල හරවා බලා තමන්ට සමීපව වාහනයක් නැති බව සැක හැර ගැනීම;

පැතිකණ්නාඩියට අසු නොවන බ්ලයින්ඩ් ස්පොට් ( blind spot) එකක් තියෙනවාය. අඩුවේග වලදී පැති කණ්නාඩියෙන් පමණක් බලා මංතීරු මාරු කලත් ලග තියෙන වාහනයට තිරිංග යොදා අනතුර වලක්වා ගත් හැක. එහෙත් අධිවේගයේදී මේ සෙල්ලම් බැරිය. එම නිසා තමන් මංතීරුව මාරු කිරීමට අදහස් කරන්නේ නම් පැති සංඥා ලාම්පු ( siganal light) දල්වා නිසි කාලයක් ලබාදී , පැති කන්නාඩියෙන්ද බලා, ඊට අමතරව බෙල්ල හරවා තමන්ට සමීපයෙන් වාහනයක් නොමැති බව සැක හෑර දැන ගැනීමේන් පසුව පමණක් මං තිරූ මාරු කල යුතුය.

3.) ඉදිරියෙන් යන වාහනයක් පෑති සංඥා ලාම්පු (signal) දල්වා මංතීරු මාරු කිරීමට යනබව සංඥා කල පසු එයට ඉඩ දෙන්න...

ලංකාවේ අති බහුතර රියැදුරන් කලබලකාරිය...අනෙකුත් වාහන තුට්‍ටුවටවත් මායිම් නොකරේ..අධිවේගයේදී එකෙක් අනතුරට ලක්වීම යනු, තව කීප දෙනෙක් නිකරුනේ එයට සම්මාදන් වීමය. ඒ නිසා අධිවේගයේදී සාමුහික විනය ඉතා වැදගත්ය....අනෙකාගේ ඉල්ලීමට ඉඩ දෙන්න...

4.) අධිවේගී මාර්ග වල නික්ම යෑම් ( Exits) මාර්ග කීපයක් පවතී. තමන්ගේ ගාමනාත්තයට අදාල නික්ම යෑමේ මාර්ගය ගැන හොද අවධානයෙන් යුතුව ගමන් කරන්න...


සමහර විට මේ නික්ම යන මාර්ගය ( Exit) ලබා ගැනීමට අතපසු වේ. ඒවැනි විටෙක කිසි ව්ටෙක තිරිංග යොදා වාහනය නතර නොකරන්න...පසුපසට ධාවනය නම් කිසිලෙසකවත් නොකරන්න....තමන්ට අදාල නික්ම යෑමේ මාර්ගය (Exit) අතපසු උනොත් කලබල නොවී දිගටම වාහනය ඉදිරියට ධාවනය කරන්න. ඊලගට හමුවන නික්ම යෑමේ මාර්ගයේන් ඉවත් වී ගොස නැවත් අනිත් පසින් අදිවේගී මාර්ගයට ඇතුලු තමන් පැමිනි දිසාවට ධාවනය කර අදාල ස්ථානයට පැමිනෙන්න. නැතහොත් නික්ම යෑමේ මාර්ගය ලබා ගෙන වෙනත් විකල්ප මාරගයක් භාවිතා කරන්න
අමතර පේට්‍රල් ටිකකුත් , ඇතුන් ලවා වත් ඇද්දිය නොහෑකි කාලයත් පොඩ්ඩක් වැය උනාට කරන්න දෙයක් නැත. ජීවිතය ඊට වඩා වටිනවාය...

5.) තමන්ගේ වාහනයේ ටයර් හා ධාවන තත්වය පිලිබදව නිරතුරුව සැලකිලිමත් වන්න..ආරක්ශක බදපටි පැලදීමට අමතක නොකරන්න.

ගෙවීගිය කට්ට සහිත ටයර් සහිත් වාහන අධිවේගයේදී තිරිංග වලට ඔරොත්තු දෙන්නේ නැත. ඒවන් වාහනයක් හදිසියකදී තිරිංග යොදා නතර කාලත්,, ස්කිඩ් වී වාහනය නතර වන විට වෙන්න ඕනා හරිය වෙලා ඉවරය

6.) තමන් වාහනයක් ඉස්සර කිරීමට අදහස් නොකරන්නේ නම් හැකි සෑම විටම තමන්ගේ වම් අත පැත්තේ මං තීරුවේ ධාවනය කරන්න.


අඩිවේගය ආශ්වාදජනකය. මෙය විදීමට හැකි වන්නේ විදිමත්, හික්මුනු රියැදුරෙකුට පමනි.....අශ්චර්‍යට පිවිසෙන්නන්ට ජය...

P.S : just saw this user guide made by RDA 01/12/2011

Sunday 6 November 2011

කතන්දරශූරීන්ගේ ඕපන් සෝ(ර්)ස් චතුරාර්‍ය සත්‍යයේ නවතම වර්ශන් එක...........චාතුර්යා

මෙයට අදාල පලමු ලිපියට මෙතැනින් යන්න...


ඕපන් සො(ර්)ස් මෘදුකාංග වල දියුණුව අතිමහත්ය..

නොබෝදා කතන්දරශූරීන්
විශේෂයෙන් බ්ලොග් අවකාශයේ ලිංමැඩියන්ටත්....
පොදුවේ ලෝකසත්වයා කෙරෙහි කරුණාවෙනුත්
එලිදක්වන ලද
'කතන්දරගේ ඕපන් සෝ(ර්)ස් චතුරාර්‍ය සත්‍යයේ'
නවතම වර්ශන් එක
දැන් එලි දක්වා ඇත.


'කතන්දරගේ ඕපන් සෝ(ර්)ස් චතුරාර්‍ය සත්‍ය' යන්න දිග වැඩිය..
එමනිසා ඔසී ක්‍රමයට නම කෙටි කරමි...
එහි අළුත් නම 'චාතුර්යා' ය
කතන්දරගේ නම හැලිම ගැන කතන්දර තරහා වෙන්නේ නැත.
කොහොමත් ඕපන් සො(ර්)ස් වල කොපි රයිට්ස් නොමැත.
ඒ ඇරත් වචන වල තේරුම අනවශ්‍ය බැවින්
'චාතුර්‍යා' බැරි නම් ඕන මගුලක් දමා ගත්තාට වරදක් නැත....
මේ සංකල්පෙට නම් කොපිරයිට්ස් ඇත්තේය...
එහි අයිතිය ....
මේ බ්ලොගයට නිතර යන එන බුවාගේ ය.
හැබැයි ඔන්න ටෙලියේ ගිය
චාතුර්යා බලා
සිත සසලවා ගත් නංගිලා නම්
'චාතුර්යා' නම කෙලසීම ගැන
කැමති වෙන්නේ නැත...

පලමු චාතුර්යා එකෙදී මාරයා පරාජය උනේය...
ඒ ගැන වැඩි කථා ඕනෑ නැත..
අබුද්ධස්ස කාලේ ඒවා ටොයිස් වැඩය..

දෙවන චාතුර්යා එක නම් නියමය...
එය අත්විදීමට නම් පේරා ඉන්ජිනියරින් යා යුතුය..
අහෝ ඛේදයකි....
මේ චාතුර්‍යාව නම් 'අධිනිෂ්ක්‍රමනය' කලෝ නම් ස්වල්පය...
වැඩි දෙනා මේ චාතුර්‍යාව වැලද ගත් අයය...
ඒ තුලින්ම දුක පරාජය කල අයය.
සමහරෙක් නම් ඒ මගින්ම
දකුනු කුරු දිවයිනේ
කැන්ගරුවෝද දැක්කෝය...
එකල චාතුර්යා මෙකල අවිචර්‍යා වන්නේය..
නැග්ග ඉණිමගට පයින් ගැසීමක් මෙහි ඇත්තේ නැත..
මන්ද මේවා ඉනිමගේ නගින කාලේ හිතුනු දේවල්ය..

චාතුර්යාගේ අලුත්ම වර්ශන් එක නම් තෙවෙනි එකය..
ඒ අනුව කුඩ්ඩාගේ කුඩු ගැසීම ද චාතුර්යා එකකි..
එය වන්නේ මෙහෙමය..
දුක නම් කුඩුය...කුඩු නැති වීමය
දුකට හේතුව... කුඩු ගන්න මුදල් හිග කමය..
දුක නැති කිරීමේ මාර්ගය නම් හොරකම් කර මුදල් සෙවීමය..
දුක නැති කිරීම නම් ඒ මුදලින් ...
ආතල් එකේ ශොට් එක ගැසීමය..
ඒ අනුව කුඩ්ඩගේ කුඩු ගැසීමද
'කතන්දරගේ ඕපන් සො(ර්)ස් චතුරාර්‍ය සත්‍යකි'....
මෙහි 'අධිනිශ්ක්‍රමණයක්' නම් නැත..

චාතුර්යාගේ හතර වෙනි වර්ශන් එකක්ද ඇත...
එයට අනුව අම්මලා දරුවන් දමා.....
මැදපෙරදිග යෑම ද චාතුර්යා එකකි..
දුක නම් දරුවන් බඩ ගින්නේ ඇඩීමය..
දුකට හේතුව නම් මුදල් මදිකමය...
දුක නැති කිරීමේ මාර්ගය නම් රට යෑමය..
දුක නැති කිරීම නම් අම්මා රට යෑම හා
තාත්තා කැමති අතක් බලා ගැනීමය..
මේය තුන්වෙනි වර්ශන් එකටද වඩා වැඩි දියුණුය...
මන්ද..
මෙහි 'අධිනිෂ්ක්‍රමණ්යක්ද' ඇත..
මාරම ආතල්ය..

ඉතිං මහතුනි...
බුදුවීමේත්...කුඩුගැසීමේත්....රට යැමේත් වෙනස කිම?
වෙනසක් තේරුනොත්
තවම ඔබ ලිං මැඩියෙකි..
තරහ අවසර...

ආතල් ගත් ඔබ සැමට
ස්තූතියි..


------------- පිදුම -----------
ලිංමැඩියන් කෙරෙහි පතල වූ මහා කරුනාවෙන්
'ඕපන් සෝ(ර්)ස් චතුරාර්‍ය සතය්‍ය ' ලොවට දයාද
කල කතන්දරශූරින්ට..



උපහාසයත් අපහාසයත් අතර වෙනස
තේරුම් ගෙන
එහි ප්‍රීතීප්‍රමෝදයේ කිමිදෙමින්.......
මෙය ලියු මම
-----------මයියා-------------



ප:ලි:
කතන්දරශූරීන්ගේ නම සදහන් වීම නිසා කුමක්දැයි බැලීමට
පලමු වරට මෙම බ්ලොගයට ගොඩ වී
වැඩකට ඇති යමක් නොදැක
සිත් අමනාපයෙන් හැරී යන
ඔබට
මීට පෙර ලිපිය හෝ එම ලිපියේ කමෙන්ට් ටික කියවීමෙන්වත්
වැඩකට ගත හැකි යමක් ලබා ගැනිමට
හැකි වේයැයි
මයියා අවංකව කල්පනා කරයි...

Friday 4 November 2011

වැල යන අතට මැස්ස ගැසීම හෙවත් චතුරාර්‍ය සතය්‍ය හා අභිනිශ්ක්‍රමණය පැටලවීමට අනුබල දීම

චතුරාර්‍ය සත්‍යය ලෙස අප බොහෝ දෙනා අදුනා ගෙන තිබෙන්නේ බුදුදහමේ දැක්වෙන සංකල්පයක්ය. මෙහි චතුරාර්‍ය කියන වචනය විභේදනය කර ගතහොත් එය චාතුර්+ආර්ය්‍ය ලෙස ගත හැක.මෙහි චතු යනු සතරක් යන අදහසින් යොදා ඇති අතර ආර්ය යනු උතුම් හෝ ශ්‍රේෂ්ඨ යන අදහසක් ගම්‍ය වෙනවා ලෙස ගත හැක. ඒ කෙසේ වෙතත් බුදුදහම තුල චතුරාර්‍ය සත්ය්‍ය ලෙස යොදා ගන්නේ මෙහි වචනාර්ථයටත් වඩා වෙනස් තේරුමකින් යුක්තවය. ඒ අනුව ආර්ය්‍ය ලෙස ගෙන ඇත්තේ ' කාලයේ පහර කෑමට ලක් නොවන සදාකාලික සත්‍යය' වෙනුවෙනි. ඒඅනුව ලෝකය කෙතරම් දියුනු උවද, නැතද, කොතරම් පහසුකම් තිබුනද නැතද, චතුරාර්‍ය සත්ය්‍ය ලෙස හදුන්වා ඇති සංකල්පය වලංගුය.

මෙහි සදාකාලික යන්න මදක් විමසා බැලීමට සුදුසුය. උදාහරනයක් ලෙස ගතහොත් මා ඉදිරිපිට ඇති බිත්තිය සුදුපාටය.එය කවුරු කොහොම කිව්වත් මේ වෙලාව තුල මයියාට සාපේක්ෂ සත්‍යකි. එහෙත් මේ කියමන තුල සදාකාලික වලංගුතාවයක් නොමැත. මන්ද කාලයේ ගලා යෑම හමුවේ මේ බිත්තිය සදාකාලික සුදුවර්ණයෙන් පවතින්නේ නැති අතර , සුදුපාට සම්භන්දයෙන් මයියාගේ පවතින අදහසද කාලයත් සමග වෙනස් වීමට බොහෝ දුරට ඉඩ ඇත.

එහෙත් චතුරාර්‍ය සත්‍ය ලෙස බුදුදහමේ දැක්වෙන්න මෙහි දැක්වූ සියලු සාපේක්ශතාවයන් අභිබවා යන්නක් බව එහි කියැවේ. කෙසේ නමුත් තවත් එකක් කිව යුතුය. මෙය හුදෙක් විශ්වාසයක් පමනක් බවය. එනම් මෙය සාදනය කර පෙන්විය නොහැක්කක් බවය. එහෙත් බුදුදහමේ කියැවෙන අන්දමට ඕනෑම අයෙකුට මේම චතුරාර්‍ය සත්‍යයේ දැක්වෙන්න තම තමන්ගේ නැණ පමණට ජීවිතයට සමීප කර ගත හැක්කකි. ඒසේ කිරීම තුලින්ම මෙම සත්‍යය වඩ වඩා ප්‍රත්‍යක්ශ කර ගත හැකි බවක් එහි ඉගැන්වේ.

කරුනු මෙසේ තිබියදී, අයෙක් තමන්ට පමණක් හෝ පුද්ගල කණ්ඩායමකට පමනක් , තමන්ගේ ජීවිතයේ එක් අවදියක පමණක් සත්‍ය වන යම් සංසිද්ධියක් හැදින්වීමට 'චතුරාර්‍ය සත්‍ය' වචනය යොදා ගන්නේ නම් එය එතරම් ගැලපෙන ක්‍රියාවක් බව මයියාට හැගී යන්නේ නැත. විෂේශයෙන්ම කාලයේ ගලා යෑම හමුවේ ලෝකයේ සියලු සංකල්ප කාලයේ පහර කෑමට ලක්වෙන අවස්තාවක, පුද්ගලානුබද්ධ වූ ඇතැම් සිදුවීමක් 'චතුරාර්‍ය සත්‍ය' යන වචනය පෙරදැරි කොට ගෙන ඉදිරිපත් කිරීම, එම වචනයේ සැබෑ තේරුම දන්නා, එය විශ්වාස කරන බොහෝ දෙනෙකුගේ බුද්ධියට කරන සියුම් සරදමක් ලෙසය මයියා ට හැගී යන්නේ....

බුදුදහමේ සාහිත්‍ය තුල කියැවෙන 'අභිනිශ්ක්‍රමණයද' මෙයාකාරම ඉතා උසස් සිදූවීමක් විස්තර කිරීමට යොදා ගන්නා වචනයකි. තමන්ගේ ලෙයින් උණු උණුවේ උපන් බිලිදා හැර දමා, සියලු ලෝකවාසී සත්වයා කෙරෙහි උපන් කරුනාවෙන්, ආත්ම ගනනක් පෙරුම්පුරාගෙන ආ යම් අධිෂ්ඨානයක් වෙනුවෙන් කිසියම් පුද්ගලයකු සිදුකල ගිහිගෙය හැර යාමක් මෙම වචනයෙන් විස්තර කෙරේ. 'අභ්නිශ්ක්‍රමනය' යන්නේ වචනාර්ථය කුමක් උවද එහි බුදුදහමේ 'සාහිත්‍ය' තුල යොදා ගැනෙන්නේ මෙවන් අති ශ්‍රේෂ්ඨ අරමුනක් වෙනුවෙන් ගිහි ගෙය හැර දමා යාමක් වෙනුවෙනි. එසේ නොමැතිව , සාමාන්‍ය පුද්ගලයකු සත්‍ය සොයා යෑම වෙනුවෙන් ගිහිගෙය හැර දමා යාමක් 'අභිනිශ්ක්‍රමණ්ය' ලෙස හදුන්වන්නේ නැත. මුල කී අකාරයටම,කිසිවෙක් තමන්ගේ පෞද්ගලික සුඛ විවරනය තකා, තමා අදුනාගත් දුක් සමුදායක් අතහැරීම නම් කුමන අකාරයටවත් 'අභිනිශ්ක්‍රමණයක් ' ලෙස හදුන්වා ගැනීම නම් මදක් විසුලු සහගතය.

මයියා මේ වචන සම්භන්දව මෙසේ පෝස්ට් එකක් දැමීමට තීරනය කලේ කතන්දරගේ වර්තමාන පෝස්ට් එකක වචන යොදා ඇති සම්භන්දව , මයියාට පේන වරදක් පැහැදිලි කිරීමටය.කතන්දරම වරක් නිවැරදිව ප්‍රකාශ කර ඇති අන්දමට බ්ලොග් අවකාශය සමාජයේ නිවැරදි ප්‍රතිමුර්තියකි. අප සමාජය යනු පබාලා පාර්ලිමෙන්තු යවන , මැර මර්වින්ලා ඉහලම චන්දයෙන් පාර්ලිමේන්තු යවා වන්දනාමාන කරන, පුද්ගල ප්‍රතිරූප ඉදිරීයේ එහෙයියන් වන කොන්ද කඩා ගත් සමාජ්යකි. වැල යන අතට මැස්ස නොගසා, තමා විශ්වාස කරන සත්‍යක් වෙනුවෙන් පෙනී නොසිටින තාක් කල් බ්ලොග් අවකාශයද මේ කී සමාජය නැමැති මඩගොහොරුවේ එරී දගලන්නෙකි.

මේකට අදාල දෙවෙනි ලිපිය

කතන්දරශූරීන්ගේ ඕපන් සෝ(ර්)ස් චතුරාර්‍ය සත්‍යයේ නවතම වර්ශන් එක...........චාතුර්යා



Monday 3 October 2011

ඇමෙරිකානු බිල්ලා හා ජ්විපේ බිල්ලා: Is Kumar Gunarathnam a CIA agent?

හේතූ කාරනා කවරක් උවද ඇමෙරිකාව ප්‍රමුඛ යුරෝපා ප්‍රජාවට වර්තමාන රාජපක්ෂ රෙජිමය දිරවන්නේ නැති බව දැන් සක් සුදක් සේ පැහැදිලිය. විකිලීක්ස් වෙබ අඩවිය මගින් නිරාවරණය කෙරුනු වර්තමාන ශ්‍රී ලංකා ඇමරිකානු තානාපතිනී පැට්‍රේශියා බුටෙනිස් මහත්මියගේ රහසිගත කේබල් පණිවුඩ, ඇමරිකානු දකුණු ආසියා කලාපීය ප්‍රධානී රොබට් ඔ බ්ලෙක් මහතාගේ පසුගිය ශ්‍රී ලංකා සංචාරයන් හා එහිදී ඔහුගේ වැඩපිලිවෙල, වර්තමාන මානව හිමිකම් සමුළුවේ ශ්‍රී ලංකාවට එරෙහිව සම්මත කිරීමට යත්න දරන යෝජනා, දරුස්මාන් වාර්තාව හොර රහසේම සමුළුගත කිරීමට ගත් උත්සහයන් මේ සදහා ඕනවටත් වඩා නිදසුන්ය. කෙසේ නමුත් එලිපිට නම් රොබට් මහතා රෙජිමයේ වෙනසක් සදහා ඇමෙරිකානු උත්සහයක් පිලිබද අදහස ප්‍රතික්ශේප කර ඇති බව ද සදහන් කල යුතුය.

කෙසේ නමුත් මයියා ට පෙනෙන අයුරට නම්, ඇමෙරිකාව රෙජිමයේ වෙනසක් බලාපොරොත්තු වන බව ප්‍රයෝගික යථාර්තය ය. මෙහිදී රෙජිමයට විරුද්ධ ඇමෙරිකාවේ විකල්ප ජොකියා වන්නේ ඒජාප නායක රනිල් වික්‍රමසිංහ මැතිතුමාය. එසේ වන්නේ මුලු ශ්‍රී ලංකා දේශපාලන සිතියමේම බටහිරට විශ්වාස එකම ශ්‍රී ලාංකික දේශපාලඥයා රනිල් නිසාය. මොන තරම් පක්ශය ඇතුලේ කැරලි පිට කැරලි ගැසුවත් රනිල් මහතා කෙලින් සිටින්නේ ඇමෙරිකාව හා ඉන්දියාව යන දෙපල එතුමාට දී ඇති යම්කිසි සහතිකයක් නිසා විය යුතුය. 'ආණ්ඩු පෙරලනවා කියා සංකල්පයක් නැති බවත්, ඇත්තේ ආන්ඩු වැටෙනවා කියා දෙයක් බවත්' වරෙක එතුමා ප්‍රකාශ කර ඇත්තේ මේ නිසා විය යුතුය. මන්ද එතුමාට අනුව ඇමෙරිකාව හා ඉන්දියාව එකතු වී රාජපක්ශ රෙජිමය වට්ටනු ඇති අතර, ඔ‍ටුන්න ජනපති මහින්දගෙන් ගලවා තමන් වෙත ලැබෙන තෙක් ඉවසා වදාරා සිටිය යුතුය. තවද එකක් කිව යුතුය. අමෙරිකාව හා ඉන්දියාව රෙජිමය පෙරලා රට බාර දෙන්නේ රනිල්ට මිසක් යු එන් පි යට නොවන බවය. කොටින්ම කිව්වෝත් සජිත් ප්‍රේමදාසටවත්, කරු ජයසූරීයටවත් ඉන්දියාවේ කෙසේ වෙතත් ඇමෙරිකා ප්‍රමුඛ යුරෝපා සහය නැත්තේය.කේක් කෑල්ල කටට වැටෙන තුරු රනිල් ආතල් එකේ සිටින්නේ මේ බව ඔහු හොදින් දන්නා නිසාය.

රෙජිමයේ වෙනසක් අපේක්ෂාවෙන් ඇමරිකානු ප්‍රමුඛ යුරෝපා තානාපති කාර්ය්‍යාල කොතරම් දහං ගැට යෙදුවත් ලංකාව තුල භූමීයේ යථාර්ථය රාජපක්ශ පාලනයට වාසිදායකය.රටට වාසිය කෙසේ වෙතත් ආණ්ඩුවේ ස්ථාවරත්වය උදෙසා ජනපති මහින්ද තමන්ගේ දේශපාලන තුරුම්පු නියම කාලයට, ක්‍රමේට, සෙල්ලම් කරන්නේය. අන්තර්ජාතික දේශපාලනය තුල කෙසේ වෙතත් රට ඇතුලේ නම් රාජපක්ශ දේශපාලනය ගම් දනව් සිසාරා ආක්‍රමණය කර හමාරය. කඩින් කඩ පවත්වන ඡ්න්ද වල විජයග්‍රාහකයා රාජපක්ශ ය. රනිල් යටතේ යූඑන්පී සාම්ප්‍රදායික ඡ්න්ද පදනම සේදී යමින් පවතින්නේය. පශ්චාත් යුධ සමය තුල ආකර්ෂනීය සටන් පාඨ නොමැතිකමෙන් ජවිපේ සාමාන්‍ය සාමාජිකයන් තුල පක්ශය කෙරෙහී විශ්වාසය හීන වෙමින්ය. ඇමෙරිකානු සහය ඇතිව හෝ නැතිව, රාජපක්ශට එරෙහි සියලු බලවේග එකම කොඩියක් යටතට එක්කාසූ කල ජනරාල් හිරේය. ඔහුව බලයට ගෙන ඒමට උත්සහ කල දේශපාලන බලවේග සී සී කඩය.කොහොමත් ජනරාල්ගෙන්, රෙජිමයට එල්ල වන දේශපාලන තර්ජනය හීන වනතෙක් , ජනරාල් හිරෙන් නිදහස් වේයයි සීතීමද උගහටය. මේ තත්වය තුල, එනම් ප්‍රජාත්‍රන්තවාදී රාමුව තුල රාජපක්ෂ පෙරලීම නම් පවතින සමාජ යථාර්තය තුල ප්‍රායෝගිකත්වයෙන් බොහෝ ඈතය. මේ බව කාටත් වඩා හොදින් දන්නේ ඇමෙරිකා ප්‍රමුඛ බටහිර තනාපති කාර්ය්‍යාලත්, යූඑන් පී නායක රනිල් වික්‍රමසිංහයත්ය.


ප්‍රජාත්‍රන්ත රාමුව තුල කොර ගන්නට බැරි දේ ඊලගට වෙන්නේ සිවිල් කැ‍රැල්ලක් හරහාය. ඉතිහාසයේ පලමු වරට 1953 දී ඉරානයේ මොහොමඩ් මොසාඩේ බලයෙන් පහ කරමින් ඇමෙරිකාව හා බ්‍රිතාන්‍ය රහස් ඔත්තු සේවා පටන් ගත් මේ සිවිල් කැරලි සෙල්ලමේ නවතම අත්හදා බැලීම ලිබියාවේ ගඩා‍ෆි ය . ශක්තිමත් ප්‍රජාත්‍රන්ත ව්‍යුහයක් යටතේ, මහජන ඡ්න්දයෙන් පත් නොවන්නට මේ සෙල්ලම මේ වන විට රාජපක්ෂලාට විරුද්ධව ද කර හමාරය. මහජන ඡන්ද බලය නිසාම ලිබියාවේ තරම් ලේසියෙන් ලංකාවේ මේ සෙල්ලම පෙන්වීමට අපහසුය.ජනාධිපති මහින්ද ද මේ බව හොදට තේරුම් ගෙන මහජන ඡ්න්ද බලය යටතේ දාන්න පුලුවන් හැම සෙල්ලමම රටේ යහපතට කෙසේ වෙතත් ආන්ඩුවෙ පැවැත්ම පිනිසම දමන්නේය. ශ්‍රී ලංකා දේශපාලනයේ හොදම කටහැකරයන් ටිකද රාජපක්ශ සෙවනේ සිටීම ද රෙජිමයට විරුද්ධ කැ‍රැල්ලක් සදහා එක්තරා බාධාවකි.කෙසේ නමුත්, කීප දෙනෙකු හැරෙන්නට , නිසි කාලය පැමිනි පසු මොවුන්ගෙන් බහුතරයක් රාජපක්ෂගෙන් ගැලවීම ද ඒතරම් අමාරු කාරියකුත් නොවන්නේය. නැව ගිලෙන්න යන බව දන්නා කොට නැවෙන් එලියට පැන ගැනීමට තරම් මේ දේශපාලන මීයෝ සටකපටය.

රෙජිමයේ වෙනසක් සදහා අනිත් හරහට හිටින කාරණය නම්, හෞතික වශයෙන් මෙවන් කැ‍රැල්ලක් ආරම්භ කිරීමට කණ්ඩායමක් ලංකාව ඇතුලතින් සොයා ගැනීමට නොහැකි වීමය.උතුරේ යුද්ධයෙන් හොදටම බැට කා හෙම්බත්ව සිටින උතුරේ තරුණයා නැවත වරක් නුදුරේදී ආයුධ අතට ගනියී යැයි සිතීම විහිලුවකි. අඩියෙන් අඩිය යොදවා තිබෙන හමුදා ආරක්ශාව අස්සේ තවත් එවැනි කැ‍රැල්ලක් ගැන සිතීම, උතුරේ සිටින දරුණුම අන්තවාදියෙක් උවද දෙවරක් සිතා බලන කාරණයකි. ග්‍රීස් යකුන් පිටිපස සිටින්නේ කවරෙක්දැයි අවසාන නිගමනයකට පැමිනීමට කරුනු කරනා ප්‍රමාණවත් නොවූවද, ඒ පි‍ටුපස නැගෙනහිර මුස්ලිම් අන්තවාදය සිටී නම් එයද රාජපක්ශ රෙජිමයට එරෙහි යොදා ගැනීමකට ඉඩ කඩක් ඇත. නමුත් මුස්ලිම් අන්තවාදයේ ප්‍රධානම් දුර්වල කම නම්, දෙමල ඊලාම් ත්‍රස්ත්‍රවාදය මෙන් ප්‍රදේශයක් , ජන කොට්ඨාශයක් මූලික කර ගත් ශක්තිමත් මතවාදයක් එය හට නොමැති වීමය. කොටින්ම කියතොත්, ප්‍රභාකරන් මැවූ සිංහල බිල්ලා හෝ ජවිපේ මැවු ඉන්දියානූ බිල්ලා මෙන්, බහුතර මුස්ලිම් තරුනයාගේ ආවේගශීලිත්වය එලියට ගැනීමට තරම්, හරි හමං බිල්ලේක් මවා ගෑනීමට මුස්ලිම් අන්තවාදය තවමත් සමත් වී නැත. කෙසේ උවත් ඒ සදහා ඉඩ කඩක් නැත්තේම යයි පැවසීමට ද නොහැකි බව මයියා පිලිගනී.

මේ නයින් බලන කල රෙජිමයට විරුද්ධව ආයුධ අතට ගැනීමට තරම් හරි හමං බලවේගයක් උතුරෙන් හෝ නැගෙනහිරෙන් සොයා ගැනීමට ඇමෙරිකාව අපෝහොසත්ය. ඉතිරි වී ඇත්තේ දකුනේ සිංහල තරුණයාය. 71 කේ කැ‍රැල්ලේන් පසුව අවුරුදු 17 කට පසුව නැවත වරක් 88 දී සිංහල තරුණයා ආයුද අතට ගත්තේය. දැන් 88 සිට අවුරුදු 23 ක් ගත වී ඇත්තේය. ඒ අනුව බලන කල නැවත සිංහල තරුණ නැගිටවීමක් සදහා ඉන්ජෙක්ශන් ගසන්නට කාලය හරිය. කාලය හරි උනාට වැඩක් නැත. මන්ද ඒ සදහා නායකත්වයක් දීමට බලවේගයක් සිංහල දේශපාලන සිතියම තුල නොමැත. දැන් තියෙන්නේ ඉස්සර තිබ්බ ජෙවීපි එක ද නොවන්නේය. ඉස්සර තිබ්බ ජේවීපි එකට ආන්ඩු බලයේ හෝ පාලිමේන්තු බලයේ රස දැනී තුබුනේ නැත. සෝමවංශලා , අනුරලා පාර්ලිමේන්තු ප්‍රජාත්‍රන්තවාදී ක්‍රමය හරහා තමන්ට ලැබී තිබෙන සිවිල් බලය අතහැර දමා නැවත කැලෑ වැදීම සිදු කරන්නේ නැත. සෝමවංශ ඒ සදහා නාකි වැඩිය. නාකි වෙනකොට ආයෙත් කැලේට යන්න හිතෙන්නේ නැත. ප්‍රභාකරන්ට, කරුනාට සිදු වූයේ ද එයයි. අනුර ලාට නම් යුඑන්පී එකත් එක්ක ගනුදනු කොට පාර්ලිමේන්තු බලයේ රසය වැටී ඇත. කොහොමත් මයියාට හිතෙන විදිහට අනුර යනු ජෙවිපි එකට විදේශීය ඔත්තු සේවාවක් විසින් ඇතුලු කරන ලද හෝ බිලිබා ගන්නා ලද පුද්ගලයෙකි. ටිල්වින් නම් නැවත කැලෑ වැදිය හැකියි සිතිය හැකි මුත් කැලෑ වැදීම හරහා තමන්ගේ පක්ශය විනාශ වේයැයි ඔහු සිතනවා විය හැක.

කරුනු කාරනා මෙසේ සිදුවෙද්දී , 653231890v දරන ව්‍යාජ හැදුනුම්පත හා M1938494 දරන ව්‍යාජ ගමන්බලපත්‍රය දරන, රත්නායක මුදියන්සේලාගේ දයාලාල් නමින් පෙනීසිටින ජවිපේ කාඩරයන්ගේ සැබෑ නායකයා, ප්‍රේමකුමාර ගුණරත්නම් ගේ ලංකා දේශපාලන ආගමනය, සිදුවන්නේ මේ අතරතුරය. මනා සංවිධාන ශක්තියකින් හා විවිධ කුසලතාවලින් සමන්විත පේරාදෙණිය ඉංජිනේරු පිඨයේ හිටපු සිසුවකු හා 88 භීෂණ සමයේ ජිවීතය බේරා ගත් ජ්‍යෙශ්ඨ ජවිපේ සාමාජිකයකු වූ මොහුගේ ශ්‍රී ලංකා ආගමනය ( ඕස්ට්‍රේලියාවේ සිට) වර්තමාන ශ්‍රී ලංකා දේශපාලන සමතුලිතතාවය බිද දැමීමට හේතූවන්නේය. සෝමවංශ ප්‍රමුඛ ජවිපේ පාර්ලිමේන්තු නඩය , නැවත සංධාන දේශපාලනයකට නොයන බව පුන පුනා ප්‍රකාශ කරද්දීත්, සංධානගත දේශපාලනයේ දෝශ පෙන්වා දෙමින් ජවිපේ වඩාත්ම ‍රැඩිකල්වාදී තරුණ කොටස් සමග ප්‍රේමකුමාර ලා ජවීපේ අයිතිය සදහා සටන් වැදීම ගැඹුරින් විශ්ලේෂනය කල යුතුය.

තාරුණ්‍යය ජව සම්පන්නය. හිතුවක්කාරය. ප්‍රතිඵල ලබා ගැනීම සදහා නොඉවිසිලිමත්ය. 88 භීශණ සමයේ කුඩා ලමුන් වූ චමීර කොස්වත්තලා, දුමින්ද නාගමුවලා, උදුල් ප්‍රේමරත්නලා දැන් තරුන වියේය. විප්ලවවාදී අදහස් වලින් ඔළුව කුරුවල් කරගත් මොවුන් , ප්‍රජාත්‍රන්ත රාමුව තුලදී ජ්විපේ දිගින් දිගට ලබන පසුබෑම් හමුවේ නොඉවිසිලිමත්ය. පවතින කුමන ආණ්ඩුවකට උවද විරුද්ධ වන මොවුන්ගේ සිහින රාජ්‍යය නම් නිර්ධන පංති අඥාදායකත්වය ය. 88 භීශනයේ අත්දැකීම් නොමැති මොවුන් සැබෑ මරණ බිය අදුනන්නේ නැත. බජාර් එකේ භාශාවෙන් කියනවා නම් තාම හොද හෝටලකින් කා නැත. හොද හෝටලයකින් කන තුරු මොවුන් හෙනම වීරවරයෝය.ඒ නිසාම ප්‍රජාත්‍රන්තවාදී රාමුව තුල ලබාගත නොහැකි බලය වෙනුවෙන් විප්ලවය දියත් කිරීමට මොවුන්ගේ පසුබෑමක් නොමැති බව නොකිවමනාය. ඒ වෙනුවෙන් ඇති එකම බාදාව යුද්ධයෙන් තෙම්පරාදූ වෙච්ච හමුදාවක් සිටීම හා මිනිස්සුන්ට කැරලි කෝලහාල එපා වී තිබීම පමණය. එහෙත් ශූර සංවිධායකයකු වන කුමාර ගුනරත්නම් නායකත්වය දෙන්නේ මෙවන් ජව සම්පන්න, ආවේගශීලී මුග්ධ කණ්ඩායමකටය.

මේ කණ්ඩායම ගැන තවත් කතා කල යුතුය.සෝමවංශලාට, අනුරලාට, ටිල්වින්ලට වේදීකාවේ වීරයන් වීමට වේදීකාව යට සිට දාඩිය කදුලු වැගිරුවේ වර්ථමානයේ ප්‍රේමකුමාර් සමග අත්වැල් බැදගෙන සිටින මේ කන්ඩායමය. ජවිපේ හීනය වූ සාමාජවාදී සමාජය වෙනුවෙන් අවිආයුධ අතට ගන්නට, ඒ වෙනුවෙන් තම මුලු ජීවීතයම කැප කරන්නට, තම මුලු පෞද්ගලික ජීවිතයම පක්ශයට පූජා කල, ආත්මාර්ථකාමය වෙනුවට සහෝදරත්වය මුල් කර ගත්ත, එහෙත්, සමාජවාදී විප්ලවයෙන් ඔළුව කුරුවල් කරගත්ත, මේ කන්ඩායම සූදානම්ය. කොටින්ම නිර්ධනපංති විප්ලවය ගැන හීන මවන දැඩි මතධාරී ජවිපේ කේඩරය මොවුන්ය.ජ්විපේ සැබැ ශක්තිය වන්නේ ද මොවුන්ය. 88 භීශණය අවසානයේ ජවිපේ නැවත නැගීටීම තුල ලංකා සමාජය තුල ඔප්පු කල පෙන්වූයේ මොවුන්ගේ ජීව ගුණයයි.ඒ නිසා කොතරම් මෝඩ උවත් මොවුන්ගේ කැපවීම හා අධිෂ්ඨානය පිලිබද නම් සැකයක් ඇති නොකර ගත යුතු ය.

තාත්වික හෝ අතාත්වික සමාජ අසාධාරණයට විරුද්ධව නිරායාසයෙන් ගොඩනැගෙන 'තරුණ' ප්‍රතිවිරුද්ධත්වය ප්‍රචන්ඩකාරීය. 88 වන තෙක් ජවිපේ තම බලය ලබා ගැනීමේ ක්‍රමය ලෙස විශ්වාස කලේ මෙම තරුණ ප්‍රචන්ඩත්වය පවතින රජයට එරෙහි යෙදවීමය. එය කම් ඔ ගෝ චිකාගෝ ප්‍රතිපත්තියකි. හරිගියොත් ආන්ඩු බලය ය, නැති උනොත් සමූලඝාතනය ය.තම තරුණ කාලයේදී දැඩි අවේගශීලි ප්‍රචන්ඩකාරී දේශපාලනය නිරතවන ඇතැමුන්, කාලයත් සමග වයසට යෑමේදී, ආවේගයශීලිත්වය අතහැර , සම්මුතිය හා බහුතරය මතය සමග එකග වෙන්නේ, ප්‍රයෝගිකත්වය හා උපයෝගීත්වය පිලිගනිමිනි. අද සෝමවංශලා, ටිල්වින්ලා පසු කරන්නේ ඒ අවධියය. දේශපාලනයෙන් තෙම්පරාදූ වූ ප්‍රේමකුමාර ගුනරත්නම් ද මේ කාණ්ඩයටම වැටිය යුතුය. විශේෂයෙන් ඕස්ට්‍රේලියාව තුල පවතින සමාජ සුබසාධනය මුල් කර ගත් ධනවාදය පිලිබද පලමු ගනයේ අත්දැකීම් සහිත පුද්ගලයෙකු වශයෙන් (වීරවOශගේ එලිදරව්වෙන් පසු 2006 වර්ෂයේ සිට ඔහු තම පවුල සමග ජීවත් වී ඇත්තේ ඕස්ට්‍රේලීයාවේ සිඩ්නි නුවරය) ඔහුගෙන් මෙවැනි වලපල්ලට ගිය ආයුධ සන්නද්ධ විප්ලවීය මතවාදයක් බලාපොරොත්තු විය නොහැක. එහෙත් සතය්‍ය පුදුම සහගතය. ඔහු තම අනුගාමිකයන් හා කථා කරන්නේ 'සැබැ වමක් ' ගැනය. සෛධාන්තික වමකට, ප්‍රජාත්‍රන්ත රාමුව තුල ලංකාවේදී රාජ්‍ය බලය ඇල්ලිය නොහැකි බව ඉතිහාසය යලි යලිත් සනාත කර අවසානය. එසේ නම් ප්‍රේමකුමාර්ලා ගොඩ නගන සැබැ වම රාජ්‍ය බලය ලබා ගන්න යොදාගන්නේ කවර උපක්‍රමයක්ද?. විප්ලවය හැරෙන්නට ඒ සදහා වෙනත් විකල්පයක් නැති බව ප්‍රායොගික හා සෛධානතික යථාර්ථය ය. පවතින සමාජ හා දේශපාලන වටපිටාව තුල වර්ථමානයේ , විප්ලවයක් සදහා කිසිදු ඉඩකඩක් නොමැති නමුත්, රාජපක්ෂ ආන්ඩුව නීතිය කා හටත් එකලෙස ක්‍රියාත්මක නොකිරීම හා දූෂන වංචා පිලිබද නිහඩ බව හමුවේ, මෙවන් විප්ලවයක් කිරීමට අවශ්‍ය පසුබිම අනාගතයේදී නිර්මාණය වීමට නියමිතය. ඇතැම් විට මෙය කාලය පිලිබද පුරස්නයක් පමනී. නිසි කාලය පැමිනි විට ඇමෙරිකාව ප්‍රමුඛ බටහිර තානාපති කාර්ය්‍යාල තම බලල් අත්වන රාජ්‍ය නොවන සංවිධාන හා පුවත් පත් හරහා ඒ සදහා අවශ්‍ය ජනමතයද ලංකා සමාජය තුල නිර්මානය කරනු අවිවාදිතය.

එසේ නම් කුමාර මහතාගේ දේශපාලන ආගමනය හරහා සිදු වී ඇත්තේ කුමක්ද? වර්තමානයේ ඔහුගෙන් සිදුවන්නේ කුමන ක්‍රියාවලියක්ද? පාර්ලිමේන්තු ප්‍රජාත්‍රන්තවාදයේ රසය වැටී ඇති , මුහුකුරා ගිය නායකත්වයක් යටතේ, ජවීපේ තුල මිය යමින් තිබෙන තාරුණ්‍යයේ විප්ලවීය ජවය, තව අවුරුදු කීපයක් වෙනුවෙන් මිය යා නොදී ‍රැක ගැනීම ඔහුට පැවරී ඇති රාජකාරීය ය. ඔහු දැනුවත්ව හෝ නොදෑනුවත්ව සේවය කරනුයේ ලංකාව අරාජික කිරීමේ අමෙරිකානු මාස්ටර් ප්ලැනක් වෙනුවෙනි.ඔහු ඇමේරිකානු ඔත්තු සේවා විසින් බිලි බා ගත් පුද්ගලයකු සේ එක එල්ලේ වර්ග කිරීමට කරුනු කාරනා නොමැති උවද ඒ සදහා ඉඩකඩක් නැත්තේම ද නොවේ.

එසේ නොමැති නම් ඔහුගේ මේ ව්‍යායාමය ජවිපේ තුල තම නායකත්වය තහවුරු කර ගැනීම සදහා දියත් කල පෞද්ගලික උත්සහයක් වීමටද ඉඩ කඩක් ඇත . මේ සදහා ඔහු ප්‍රජාත්‍රන්ත රාමුව තුල ජවිපේ දිගින් දිගට ලබන පසුබැම් හමුවේ නොඉවිසිලිමත් ජවිපේ තරුණ කොටස් පාවිච්චි කරනවා වීමටද පුලුවන. කෙසේ නමුත් වාර්තා වන අන්දමට, උතුරේ ද්‍රවිඩ තරුනයන් සමග වඩා බද්ධ උනු ජවිපයක් නිර්මානය කිරීම කුමාර මහතාගේ අරමුනක් බව පෙනෙනවා.. මෙය උතුරත් , දකුණත් එකවර කැ‍රැල්ලකට යොමූ කිරීමේ මූලික උත්සහයක් වීමට ද ඉඩ තිබෙනවා. මෙවන් කැ‍රැල්ලක් හමුවේ, නාහෙට අහන්නැති රාජපක්ශවරුන් පලවා හැර ශ්‍රී ලංකා දේශපාලන සිතියම තුල තමන්ට අවශය්‍ය ඉත්තන් එහාට මෙහාට කිරීමේ කර්තව්‍යය ඇමෙරිකාව හා ඉන්දියාව මූලිකත්වයෙන් සිදු කිරීමට නියමිතය.


දැන් ඉතින් මේ ලිපියෙන් මයියා බිල්ලෝ දෙන්නේක් 'මවා' හෝ 'පෙන්වා' දී තිබෙනවා. එනම් ඇමේරිකානු බිල්ලා හා ජෙවීපී කැරලි බිල්ලා ය. මෙය සැබවින්ම මවා පැමක්ද නැතිනම් භූමී යථාර්තය දැයි කියා තීරණය කල යුත්තේ මෙය කියවන සීමිත බුද්ධිමත් පාඨකයාය. මේ දේශපාලන ප්‍රහෙලිකාවට අදාල වැදගත්, නොවැදගත් සිදුවීම් නුදුරු වකවානුවේදී අප අතරම සිදුවන්නේය. එහෙත් එම ප්‍රෙහෙලිකාවේ හරස්පද සිරස්පද පුරවා අවසාන උත්තරය තීරනය කල යුත්තේ බුද්ධිමත් පාඨක ඔබය. කෙසේ නමුත් ලOකාව යනු ඇමේරිකාවේ තවත් එක් දේශපාලන පරීක්ෂනාගාරයක් නොවේවායි මයියා ගේ පැතුමයි......

P.S:

I published this article on 02/10/2011. The following links which depicts subsequent incidents will substantiate this argument. Judgement is yours!!!

16/10/2011
dissident groups receives funds from diaspora (HW this news has been challenged by dissident group)


20/10/2011
IUSF builds links with Jaffna
http://www.lankaenews.com/Sinhala/news.php?id=18541

13/12/2011
Divayina

Monday 26 September 2011

මං ආසම.....බොරුකාරයන්ට.....

අපේ රටේ දේශපාළුවෝ කටේ දිවේ නොගැවී කෙප්ප ඇද බෑමට අති රුසියෝය. මොවුන්ගේ ගල් පැලෙන බොරු පොරොන්දු ජනතාවත් ගොන්නු රෑනක් සේ අසා සිටින්නෝය. බොරු කෙලින දේශපාළුවා තමන් කියන්නේ බොරුවක් බව දනියි. එය අසා සිටින ජනතාවද මෙය බොරුවක් බව දනියි. එහෙත් කිසිවෙකුටත් වගේ වගක් නැත. විහිලුම කාරණය වන්නේ තමන්ගේ එදිනෙදා වැඩද පාඩු කරගෙන මේ මෝඩ ජනතාව ටෙලිවිශන් එක ඉස්සහරට වී බොරුකාර දේශපාලුවාගේ කතා, බොරූ බව දැන දැන අසා සිට, නින්දට ගොස්, ඊලග දවසේද බොරු කෙලිනවා බලන්න ටෙලිවිශනය ඉස්සහරා පැලපදියම් වීමයි. බොරුවක් කිව්වයි කියා දේශපාළුවාටද ගානක් නැත. ජනතාවට ද ගානක් නැත. ජනතාව දේශපාලුවා ප්‍රශ්න කරන්නෙ නැති අතර දේශපාළුවාට ප්‍රශණයක් පැන නගිනේද නැත. ඒ වෙනුවට මේ මෝඩ ජනතාව ආකර්ශණියම බොරු කියන්නා වැඩිම ජන්දයේන් පාර්ලිමේන්තුව්වට පත් කර යවා , මේ බොරුකාරයන් රට ආශ්චර්‍යක් කරනවා බලන්න හීන මවයි. රටේ අශ්චර්ය්‍ය කෙසේ වෙතත් දේසපාළුවාගේ ආශ්චර්ය්‍ය දැක අවසානයේ හිත හදා ගනී.

ආන්ඩු හා විපක්ෂ යන දෙයාකාරම බොරුකාර ‍රැලේ අලුත්ම චරිතය වන්නේ ජවිපේ නායක සෝමවංශ අමරසිංහ මහතාය.සුමානෙකට පමන පෙර පක්ශය ඇතුලේ මහත් අර්බුදයක් ඇති වී , පක්ශය දෙදරා යාමට ආසන්න මොහොතේත් මේ බොරුකාර නායකයා තමන්ගේ පක්ශය ඇතුලේ කිසිම ප්‍රශ්නයක් නැති බව ඇගට පතට නොදැනී කියා සිටියේය.දැන් දැන් සියල්ල මාධ්‍ය මගින් එලි කරන ලැබුවායින් පසු , තව දුරටත් තමන්ගේ බොරුව ඉදිරියට ගෙන යාමට බැරි කොට , මෙතෙක් කල් තමන් වාදනය කල තැටිය වෙනස් කර පක්ෂය තුල ප්‍රශ්ණයක් ඇති බව හෙතෙම පිලිගන්නේය. බොරු කියූ ඔහුටත්, බොරු ඇසු අපටත් කිසිම ප්‍රශ්නයක් නැත.


කිසියම් පක්ශයක් තුල සිදුවන සියලු කරුනු කාරනා මහජනතාවට එලි කල යුතු යැයි මයියා අදහස් කරන්නේ නැත. ඒසේ කල යුතු ද නැත. එහෙත් කුමන කාරනයක් සදහා උවද ඇගටපතට නොදැනි බොරු කියන මේ දේශපාලන සම්ප්‍රදායට විරුද්ධ වීම මහජනතාවගේ යුතුකමය. එය සෝමවංශ මහතාට පමනක් නොව , රනිල් මහතාගේ සිට මහින්ද මහතා දක්වා සිදු විය යුතුය. ඒ අතින් ටිල්වින් සිල්වා මහතා යම් තරමකට හෝ ජනතාවට බොරු නොකියා තමන්ගේ පක්ශය ඇත්ලේ ඇති මත ගෑ‍ටුමක් ඇති බවද ඒය පක්ශය ඇතුලේ විසදා ගන්නා බව ද ඉතා නිවැරදිව කියා සිටියේය.

පක්ශ පාට බේදයකින් තොරව බොරුකාරයන් නිරාවරනය කිරීම ජනතාවගේ යුතුකමය. එහෙත් ප්‍රශ්ණය වන්නේ මේ රටේ බහුතර ජනතාවද බොරු කාරයන් වීමය. දරුවෙකු මෙලොව උපන් දා සිටම ඔහුව හුරු කරන්නේ ‍රැවටීමට හා බොරුවටය. මෙසේ හැදී වැඩෙන දරුවා බිහිකරන සමාජය තුල බොරුව සාමාන්‍යකරනය වීම ගැන පුදුම විය යුතු නැත.

බොරු කියන්නාට නොකල හැකි පවක් නැත. බොරුවෙන් ජීවත් වන අප සමාජයටත්, ඉදිරියට ඉපදෙන්න සිටින දුවා දරුවන්ටත් දෙයියන්ගේම පිහිටය.

Thursday 22 September 2011

කාලය වෙනස් කරන්නට පැමින..කාලයට අනුව වෙනස් වීම හෙවත් වර්තමාන ජේවීපි අවුල


විජේවීර සහෝදරයා ජවිපේ හැදුවේ ජනතාවට උගන්වන්න මිසක ජනතාවගෙන් ඉගෙන ගන්න නොවේය. එහෙත් අවසාන විග්‍රහයේදී, භූමියේ යථාර්තය වී ඇත්තේ විජේවීරට පමණක් නොවෙ මුලු ජවිපේ යාන්ත්‍රනයටම ජනතාවෙගෙන් පාඩම් ඉගෙන ගැනීමටය..මාක්ස්වාදයේ මහප්‍රාණ වචන ටිකත්, සිංහල ජාතිකත්වයේ ආවේගශීලීත්වයත් කලවම් කර ජනතාවට මැජික් පෙන්වීමට උත්සාහ කල ජවිපේට අද සිදූ වී ඇත්තේ තමන් ජනතාවට පෙන්වීමට උත්සාහ කල ඊනියා මැජික් සංදර්ශනයේ බංකොලොත් මැජික්කරුවාත් , අඥාන ප්‍රේක්ශකයාත් යන භූමීකා දෙකම තමන් විසින් තමන්ටම රග දක්වා ගැනීමටය.1966 කැලැත්තෑවේ සාකච්චාවේ සිට , එනම් ජවිපේ මුලාරම්භයේ සිටම, අවුලක් වූ ජවිපේ මාක්ස්වාදී ජාතිකත්ව පැටලුම , ජීවිත දහස් ගණනක් බිලි ගත් අසාර්ථක ආණ්ඩු විරෝධී කැරලි දෙකකට පසුවත්, තවමත් විසදා ගත නොහී, නූතන තොරතුරු තාක්ශණ යුගයේ පවා, තවත් එක් ආණ්ඩු විරෝධී කැ‍රැල්ලක් සදහා අර අදිමින් සිටිනවා.

වාර්තා වන අන්දමට ජවිපේ නිල නොවන නායකයා ලෙස ඕස්ට්‍රේලියාවේ සැගවී කටයුතු කල 'කුමාර මහත්තයා' නොහොත් ප්‍රේමකුමාරන් ගුනරත්නම් ,වර්තමාන ජවිපේ අභ්‍යන්තර අරගලයේ එක පාර්ශවයක් නියෝජනය කරන අතර අනෙක් පාර්ශවය ජවිපේ නිල නායකයා ලෙස කටයුතු කරන සෝමවංශ අමරසිංහ ප්‍රධාන ටිල්වින් සිල්වා යන අයවලුන් නියෝජනය කරනවා.මුලදී මත අරගලයක් ලෙස අර්ථකථනය කලද දැන් දැන් පක්ශයේ අයිතිය සම්භන්දව නීතී මාර්ගවලට යෑමට තරම් කාරණාව දිග් ගැසී තිබෙනවා. මෑතකාලිනව සිදු වූ නන්දන ගුණතිලක හෝ විමල් වීරවංශ වැනි පුද්ගල කේන්ද්‍රගත බිදී යෑම් මෙන් නොව , මෙවර ඇතිවන බේදීම පක්ශයේ අයිතිය, මතවාදය හා ඉදිරි අරමුනු ඉලක්ක කර ඇතිවන ප්‍රධාන බිදී යාමක් බවට ඒත්තු ගැන්වෙන කරුනු කාරනා මේ වන විට සිද්ධවෙමින් පවතිනවා. 1993- 1995 කාලවකවානුවේදී පැරිසිය කේන්ද්‍ර කරගත් සෝමවංශ අමරසිංහ හා ලන්ඩනය මුල් කරගත් , විජේවීරගේ මස්සිනා වූ චන්ද්‍රා ප්‍රනාන්දු අතර සිදු වූ පක්ශයේ නම හා නිල ලාංචනයයේ අයිතිය පිලිබද ගැටලු සහගත තත්වයට පසු , එවන් ප්‍රධාන අරගලයක් පක්ශය තුල සිදුවන ප්‍රථම අවස්ථාව මෙය වනවා. පක්ශයේ බිම් මට්ටමේ ස්ථානගතවී ඇති ශක්තිමත් යාන්ත්‍රණය හරහා මුල් කී සදහන් වූ නන්දන ගුණතිලක හා විමල් වීරවංශ කෑඩී යැම්, ලාංකික දේශපාලනය තුල කෙසේ වෙතත් පක්ශ අභ්‍යන්තරය තුල කලමණාකරනය කර ගැනීමට ජවිපේ පක්ශයක් වශයෙන් ශක්තිමත් උවත් මේවර ඇතිවන දෙදරා යෑම , මෙම බිම් මට්ටමේ ජවිපේ ක්‍රියාකාරීන් වික්ශිප්ත තත්වයකට පත් කරමින් සිටිනවා. පක්ශයේ ප්‍රචාරක යාන්ත්‍රණය කුමාර හිතවාදින් සතුව තිබීම මෙයට එක් ප්‍රබල හේතුවක් වෙනවා. පක්ශයේ නිල පුවත්පත වන 'ලංකා' පුවත්පත කුමාර හිතවාදියෙකු වන ලසිත් නමින් හැදින්වෙන පුබුදු ජාගෝඩ විසින් මෙහෙයවීම හා පක්ශයේ අධ්‍යාපන අංශයේ ප්‍රකාශනය වන 'සාර්‍යා' කුමාර තමන් විසින්ම මෙහෙය වීම මෙසේ පක්ශයේ ප්‍රචාරක යාන්ත්‍රනයේ බලය කුමාර හිතවාදීන්ට නතු වීමට ප්‍රධාන හේතුව ලෙස දැක්වෙනවා.

පක්ශයේ භෞතික දේපල සම්භන්දයෙන්ද පවතින්නේ මේ ආකාරයේම ගැටලුවක්. මදනායක නැමැත්තකු නමට ලියා තිබු බත්තරමුල්ලේ පිහිටි පක්ශ ප්‍රධාන කාර්‍යාලය පසුගිය සුමානයේ ටිල්වින් සිල්වා විසින් තමන් අතට පවරා ගත් නමුත්, ඊට පසුව මෙම ගැ‍ටුම් ව්‍යාප්ත වීමේදී , මදනායක නැමැත්තා තමන් සතුව තිබූ පක්ෂයේ වාහන කීපයක අයිතිය ටිල්වින් සිල්වා වෙත පවරා දීම ප්‍රතික්ශේප කර සිටිනවා. ගම්පහ දිස්ත්‍රික්කයේ පක්ශ කාර්යාලය සම්භන්දවද මෙවැනිම ආකාරයේ ගැටළුවකට ටිල්වින් සිල්වා විසින් මුහුන දී සිටිනවා. මේ අතරතුර සෝමවංශ හිතවාදී පිලේ ඇතැමෙක්, ආගමන විගමන නිතී උල්ලංගනය කිරීම සම්භන්දයෙන්, දැනට ලංකාවේ ‍රැදී සිටින කුමාර මහත්තයා ආන්ඩුව ලවා අත් අඩංගුවට ගැනීමේ උත්සහයකද නිරත වී සිටිනවා. කෙසේ නමුත් කුමාර මහත්තයා සතු පක්ශයේ රහස් නැතහොත් සෝමවංශ කණ්ඩායමේ අප්‍රසන්න රහස් එලි වේයැයි බියෙන් මේ සදහා සම්පූර්ණ උත්සහය නොයෙදුවත් , කරුනු කාරනා කලමනාකරනය කර ගත නොහැකි මට්ටමට ගියොත් මේවැනි දෙයක් සදහාද ඉඩකඩක් පවතිනවා.

මතුපිටින් මොන අකාරයට පෙනුනත්, ජවිපේ වර්තමාන දෙදරා යාමට ද හේතුව එහි ජාතිකත්වය හා මාකස්වාදය පිලිබද ව ඇති අභ්‍යන්තර අවුල් සහගත තත්වයයි. කොටින්ම කියතොත් මේ සිදුවන්නේ ..ලංකා පොලොව තුල නිර්ධන පංතියේ විප්ලවයක් අපේක්ෂා කරන අතාත්වික දේශපාලන සිහින දකින්නන් කීපදෙනෙක් හා ඊනියා නිර්ධන පංතිය පිලිබද නිර්විඥාත්විකව තේරුම් ගත් ප්‍රායොගික දේශපාලන අම්බරුවන් කීප දෙනෙක් අතර ගැ‍ටුමකුයි...... අවුරුද්දේ 365 දවසෙම ඉර මුදුන් වෙන , මොනවා නැතත් කොස් ගෙඩියක් හෝ දෙල් ගෙඩියක් තම්බා බඩගින්න නිවා ගත හැකි සමාජයක , සාර් යුගයේ රුසියාවේ සිටි සීතලේ වෙව්ලන හාමත් කම්කරුවා නොමැති බව තේරුම් නොගැනීම ජවිපේ අවසානාවක් නොව, ඊනියා නිර්ධන පංතියේ ආඥාදායකත්වයක් උදෙසා තමන්ගේ වටිනා තරුන ජිවීත ලෙයින්, දහඩියෙන් හා කදුලින් කැප කල අඥාන, අසරන ලාංකික තරුනයාගේ අවාසනාවයි.... ලාංකීය බහුතරය ප්‍රකම්පිත වන්නේ කවදාවත් යථාර්තයක් නොවන කන්න බොන්න නැති හාමතේ මියයාමක් වෙනුවෙන් නොව මිලේජ්‍ය ත්‍රස්තවාදයකට ඒරෙහි ජාතිකත්වයේ ගිණිපුලිගු වෙනුවෙන් බව මේ දේශපාලන සටකපටයන් තේරුම් ගෑනිම මොවුන්ගේ ජාතිකත්ව මාකස්වාද අර්බුධයේ මූලික හේතුවයි. බලය වෙනුවෙන් ජාතිකත්වය නොව ජාතිවාදය උවද කරට ගැනීම.... , ඊනියා පංති සටනක් ගැන විශ්වාසයෙන් සිටින මේ දේශපාලන අවස්ථාවාදීන්ට ඉතා සුලු දෙයක්ය. අද සිදුවන්නේ මෙසේ හවුලේ කඩේ ගිය, ඒසේ කඩේ ගොස් අනාගෙන සිටින, .... නමුත් තමන් අනාගත් බව නොදන්නා හා තමන් අනාගත් බව තේරුම් ගත් කන්ඩායම් දෙකක් අතර ගැ‍ටුමක්ය.
( this was written on 21 st of Sept 2011: Mayya)

see Vijitha Herath Replies on 24/09/2011

see Divaina article on 25/09/2011

අශ්‍රිත ලිපි : http://www.sundaytimes.lk/110918/Columns/political.html

Friday 16 September 2011

මලක අසිරිය: Power of Weeds

'නිතර පස් පව්'

ටයි මහත්තයගේ දොස්තර හොද හිත කා‍ටුන් එක බලලා තියෙනව නම් දන්නවනේ... මේ මොකක්ද කියන්නේ කියලා. දිය රකුස් ගේ කණ්ඩායමේ මොටෝ එක...... දැන් ඉතින් පවුලක් පන්සලක් වෙලා , බණක් දහමක් අහගෙන හිටියට මොකද..., ඉස්සර මයියත් පස් පව් වලට පැනලා....මේකටම හරි යන්න මයියටත් හිටියා, නියම අපාය සහය..., ඒ කියන්නේ අපායට යන්න අඩගැහුවත් බොක්කෙන්ම එන ගජයෝ ටිකකුත්. මුන් ටික නම් තාමත් ඒ වගේම තමයි.... දැන් උනත් මයියා මුන්ට අපායට යන්න අඩගැහුවොත්.. උන්ගේ ඉතින් ආයේ ඇඹරිලි නෑ... හැබැයි ඉතින් මුන්ට ඒකට වෙලාවක් හොයලා දෙනවයි කියන එක නම් ඉතින්, කාලයත් නිරීක්ශකයාට සාපේක්ශයි කිව්ව අයින්ස්ටයින් නෙමෙයි අයින්ස්ටයින් ගේ අප්පොච්චා ආවත් බොරු.... මොනා උනත් දැන් නම් කාලය, අවකාශය හා පැට්‍රල් යනාදිය මයියා ගේ ගැන්සිය සෙට් වෙන්න ලොකුම පරහ බව නම් බොරුවකුත් නෙමේ...

මොන පස්පව කලත් මයියාලගේ සෙට් එක ප්‍රතිපත්ති ගරුකයි.පස්පව් සම්භන්දයෙන් අපේ ප්‍රතිපත්තිය තමයි 'කුඩුයි, බඩුයි ඇරෙන්න ඕනා දෙයක්'.......

බඩු ගැන කථා කිරිල්ල පැත්තක තියලා.... පලවෙනි එකෙන් පටන් ගන්නම්කෝ... කුඩු ගැන කිව්වම මේ කථා කරන්නේ තේ කුඩු නොවන විත්තිය කවුරුත් දන්නවනේ.ඒ දවස් වල තිබ්බ..ලොකුම නරක වැඩේ තමයි කුඩුගැහිල්ල... අපි කවදාවත් ලොකුම කැල්ල හොයන කට්ටිය නෙමෙයිනේ... ඒ හින්ද කට්ටිය කුඩ්ඩට නම් සෙට් උනා තියා ඒ ගැන හීනෙන්වත් හිතුවේ නෑ. ඒත් කුඩ්ඩ ගාවට තිබ්බ ඊලග නරක වැඩේ තමයි මල...වීඩ්ස් කියලා හැදිච්ච විදිහට කියන්නේ...ඒක නම් ඉතින්.. කට්ටිය නිකං ඇරියේ නෑ. ඉදලා හිටලා මලක අසිරිය විද ගන්න කට්ටිය පුරුදු වෙලා හිටියා...



අපේ මල් වෙලෙන්දා වෙලා හිටියේ රත්නේ අයියා. රත්නේ අයියගේ බෙල්ලේ එල්ලිලා තිබුනේ හරක් බදින්න ගන්න කඹයක් තරම් මහත රත්තරන් මාලයක්. හැබැයි මිනිහගේ බිස්නස් එක තැඹිලි. ලොකු ඉස්කෝලේ ඉස්සර තිබ්බ තැඹිලි ලැල්ල රත්නේගේ. මිනිහගේ කකුලත් නොන්ඩියි. දන්නවනේ ඉතින්, විකුණන්නේ තැඹිලි නම්, කකුලත් නොන්ඩියි නම් මිනිහගේ මේන් බිස්නස් එක මොකක්ද කියලා...කරේ තියෙන චේන් එක හරි , අතේ තියෙන බ්‍රේස්ලට් එක හරි කියන්නේ මල් විකීනීමට ඈත කියලා බෝඩ් එකක් එල්ලන් ඉන්නවා වගේ තමයි... ඕනෑම ටවුමක මලක් හොයා ගන්න කියාපු විදිහ.... හැබැයි හැමෝටම දෙන්නේ නෑ. පුරුදු කස්ටමර්ස්ලට විතරයි.....ඇස් බබලන සැබැ මල් රසිකයෙක් නම් ඒත් අවුලක් නෑ.

මේ කියන දචස් වල තණ්මල්විල පැවිල්ල....පොලෝසියත් හොද වෙලා.....ඒක හින්ද බඩු හිගයි. ඒත් රත්නේ අයියා කෙලින්....




 අපිත් ඉතින් විභාගයක් ඉවර වෙලා රත්නේ අයියගේන් බඩුත් අරං..ඊට අමතරව බොන දේවලුත් අරගෙන ගල්කිස්සේ මූදූ වෙරලේ...........



කාලය ගත උනා...මයියට මතක ඔලුව මැද්දෙන් සීතල හුලගක් යනවා විතරයි. ඔලුව දෙපැත්ත රස්නේයි.මැදින් හීතල......මේ විදිහට පැය දෙක තුනක් යන්න ඇති....ඒදා රෑ කට්ටියම බෝඩීමට ආවා. කොහෝම ආව ද කියල නම් අහන්න එපා..... විභාගේ ඉවර හින්දා, පහුවෙනිදටම කට්ටිය ගෙදර යන්න තමයි සෙට් වෙලා හිටියේ......

පහුවෙනිදා මයියට ඇහැරෙන කොට පොඩ්ඩක් දවල් වෙලා...ඒත් අවුලක් නෑ......වෙරි ගතියවත්, මත් ගතියවත් නෑ..ඒක හින්දා මයියත් ගෙදර යන්න පිටත් උනා. බස් එකට නැගලා, කොන්දා මල්ලි කොහාටද යන්නේ කියලා අහනකොටම මයියට වෙනසක් තේරුනා.ඒත් බය වෙච්ච බයවිල්ලට මයියා තේරුනේ නැති විදිහටම හිටියා. මොකක්දෝ වෙනසක් දැනුනු හන්දා ඇස් දෙක පියා ගෙනම හිටියා. ඔය විදිහට කොහොමින් කොහොම හරි ගෙදර ආවයි කියමුකෝ....ගෙදර අවාම තමයි මොකක්ද අප්සෙට් එක කියලා හරියටම තේරුනේ..අම්මා මොනවදෝ කියනවා....අම්මා කියන්න හදන දේ..මයියට තත්පර දශමෙනුත් දශමෙකට ඉස්සෙලා තේරෙනවා...අක්කා කතා කරන දේත් එහෙමයි....ඒත් මයියා හොද සිහියෙන්...සිහිය හොද උනාට මයියා ගේ කාලය, ගෙදර කට්ටියගේ කාලයට වඩා චුට්ටම චුට්ටක් ඉස්සරහෙන්.....කොටින්ම කියනව නම් මයියගේ අවකාශ කාල රාමුව, සාමාන්‍ය සම්මත අවකාශ කාල රාමුවට මිලිසකන්ඩ් ගානක් ඉස්සරහෙන්...

එදා දවස ඔහොම ගත උනා...මයියාට නිදා ගන්න ඕන උනත් නින්ද යන්නේ නෑ...එක එක දේවල් ඔලුවට එනවා...මයියට සාමාන්‍ය ලෝකයත් එක්ක සින්ක්‍රොනයිස් වෙන්න බෑ.මුලු ලෝකයම පිස්සුවක් වගේ...මිනිස්සු පිස්සු කෙලිනවා...මයියා ඒ දිහා බලං ඉන්නවා....ඒත් මිනිස්සු හිතන විදිහට මයියට පිස්සු.....ලෝකයම රග මඩලක්....මිනිස්සු ඒකේ පිස්සු කෙලින නළු නිළියෝ ටිකක් විතරයි...ල මිසරාබ්ලේ ලියපු වික්ටර් හියුගො.. මෙහෙම කියලා තියෙන්නේත් මලක් ගහලා වෙන්න ඇති..කථාව සහතික ඇත්ත....



පහුවෙනිදා දවල් ආයේ අපේ ගැන්සිය ටවුමේ සෙට් උනා......මයියා උන්ට කථාව කියවනවා...මයියා කොහොමත් ඉන්නේ උන්ගේ කාල අවකාශ රාමුවෙන් ඉස්සරහ නිසා, උන්ට මයියා කියන දේ ව්හිළු වගේ..ඒත් මයියාට හිතෙන විදිහට උන්ට පිස්සු....ජීවීතේ පිස්සුව තේරෙන්නේ නැති පිස්සො ‍රැල....ලෝකය මොනතරම් විහිලුවක්ද?..ඒ විහිලුවෙන් එලියට පනින්න මිනිස්සු බයයි...එතකොට ලෝකයාට ඌ පිස්සෙක් වෙන හින්දා....ඒ බය ඒ විදිහටම මයියටත් දැනුනා........

මේ වගේ දවස් දෙක තුනක් ගියා....මයියට බයයි , සතුටයි එක වගේ දැනුනා....මිනිස්සුන්ට මයියා ව පිස්සෙක් වගේ පේන හින්දා මයියා බය උනා....ඒත් ලෝකයම පිස්සන් කො‍ටුවක් කියලා තේරුම් ගත්ත එකට මයියා සතු‍ටු උනා..බයයි සතුටයි දෙකම එක ලග...දැනුත් මේක මතක් වෙන කොට මයියගෙ මයිල් ඉස්මයිල් වෙනවා............

කාලය ගෙවිලා ගියා..ටිකෙන් ටික මයියා අර පිස්සු කියලා හිතපු ඇත්ත ලෝකයට ආයෙත් එන්න ගත්තා...ඒ පිස්සු ලෝකෙන් ඈත් වෙලා ඉන්න කොට දැනෙන්නෙත් සතුටක්...ඒත් ඒ ලෝකෙට ආයෙත් එන කොට දැනෙන්නෙත් සතුටක්...මිනිස්සු ලෝකෙට එන කොට එන්නෙත් අඩා ගෙන.යන කොට යන්නෙත් අඩා ගෙන....ඒ සතු‍ටු කදුලු වෙන්න ඈති......

මේ සිද්ධියෙන් පස්සේ, කාලයක් යනකන් මයියා මලක් තියා... දුමක් දිහාවත් ආයේ ඇහැක් ඇරලා බැලුවේ නෑ...බීම ජාතිත් එහෙමයි.....සිද්ධිය වෙලා පියවි සිහියට ඇවිල්ලත් කාලයක් යනකන් මයියා මේ සිද්ධිය මතක් කරන්නවත් බය උනා. ඒත් කොහොම හරි මයියා ඒ දවස්වලම දැන් මයිලේඩි වෙලා ඉන්න, ඒ දවස් වල මයිකෙල්ලට කථාව කිව්වා..එයා මයියාගේ මූණ දිහා බලා ගෙන උන්නා..ඒ ඇස් වලින් ගොඩක් දේවල් කිව්වා.....


ලෝකයේ හිටපු, ලෝකය වෙනස් විදිහට දැක්ක සමහරක් දාර්ශනිකයෝ ගංජාකාරයන් උනේ කොහොමද කියලා මයියා ට හිතා ගන්න පුලුවන් උනා .... අහලා තියෙනවනේ ඉස්සර හිටිය පර්සියානු දාර්ශනිකයෝ ගැන...දැනටත් ඉන්දියාවේ ඉන්න සමහර බ්‍රහ්මණ බුවාලා මලේ පිහිටෙන් තමයි ඉන්නේ..මයියට හිතෙන්නේ, මල් දුමාරයෙන් සාමාන්‍ය ජීවිතේ දී අපේ මොලේ වැඩ කරන්නේ නැති කොටසක් උත්තේජ්නය කරනවයි කියලා...ඔය දර්ෂණවාදයට අදාල මෝලේට සම්බන්ද කෑල්ල මල් වලින් උත්තේජනය කරනවා...හැමෝටම එහෙම නොවෙන්නත් පුලුවන්....නරක බිරිදක් ලැබුනමත් ඔහොම වෙනවලු..අහලා තියෙනවද?...ඔබට හොද බිරිදක් ලැබුනොත් ඔබ සතුටින් ගත කරනවා...නරක බිරිදක් ලැබුනොත් ඔබ දාර්ශණිකයකු වෙන්වයි කියලා කථාවක්....අහලා නැතන්ම් ඉතින් දැන් අහ ගත්තනේ...

මේ කතාව මයියට ලියන්න හිතුනේ එක දෙයක් කියන්නයි...කොට්ටොරුවා හැම ගහටම කෙ‍ටුවත් වැරදි එක ගහකට කෙ‍ටුවම කථාව ඉවරයි..සමහර විට ඒ කොටන පලමු අවස්ථාව හා අවසාන අවස්ථාවත් වෙන්න පුලුවන්..මල් ගැහිල්ලත් එහෙමයි......බොරු නම් අංගොඩ පැත්තේ ගිහිල්ලා රවුමක් දාන්නකෝ....

ඒත් පිස්සෝ කියලා කියන්නේ පිස්සන් කො‍ටුවේ ජීවත් වෙන කට්ටියටද නැත්නම් ඒකෙන් එලියේ ජීවත් වෙන අපටමදැයි කියලා මයියාට වෙලාවකට හිතෙනවා...දැන් නම් එහෙම් කල්පනා කරන්න මලක් අත්‍යාවශ්‍යම නෑ.......

බුදුහාමුදුරුවෝ පස් පව් වැරදීයි කියලා තියෙන්නේ බොරුවට නෙමේ.......


මේ වීඩියෝ එකත් බලන්න අමතක් කරන්න එපා...





Thursday 8 September 2011

මයියාගේ කතන්දර හෙවත් මයිකථා : MY STORY BOOKS

ඊයේ පෙරේදා දවසක යාළුවෙක්ව හම්බ වෙච්ච වේලාවක හොද මාතෘකාවක් ඉබේටම වගේ ඇදිලා ආවා. ඒ ඉස්සර අපි කියවපු පොත් ගැනයි. ඉස්සර කියවපු පොත් කිව්වේ ඉතින් මැතක නම් නිවීහැනහිල්ලෙ පොතක් පතක් කියවන්න නොලැබුනු හින්දයි. යාළුවත් මයියා වගේම පොත් කියවපු කෙනෙක් හින්දා දන්නේම නැතුව කතාව ගොඩාක් වෙලා ඇදිලා ගියා. යාළුවගේ බිරිදත් පොත් රසිකයෙක් හින්දා කථා බහ නියෙමටම ආතල් එකේ රෑ 12 විතර වෙනකන් ඕහේ ඇදිලා ගියා. යාළුවා නම් තාමත් හොදට පොත පත පරිහරණය කරන නමුත් මයියා ට නම් ඒ වැඩේට කාලය ගොඩක් දුරට හරස් වෙලා. ඉස්සර පොඩි කාලේ නම් පොත පත කියවන්න තිබ්බ එකම බාදකය, පොත පත මිලදී ගන්න හැකියාවක් නොමැති කමයි. ඒ දවස් වල ඒකට තිබබ උත්තරය උනේ යාළුවොත් එක්ක පොත් හුවමාරු කර ගන්න එක තමයි. මයියලගේ ගෙවල් ගාව තිබ්බ පුස්තකාලයත් ඒ දවස් වල මයියාට ගොඩක් උපකාර උනා.

මයියාට මතක විදිහට මයියා ඉස්සෙල්ලම තනියෙන්ම කියවපු පොත, පොල් ගෙඩි සයිස් අකුරු තිබ්බ ලමා කථන්දර පොතක්. ඒක මේ 'දීප්ති' කියලා කූබියෙක් ගැන තිබ්බ කතාවක්. පොතේ තිබ්බ පින්තූරයක් නම් දැනුත් මයියා ට බොද වෙලා වගේ මැවිලා පේනවා. ඒත් කතන්දරය නම් හරියට මොකක්ද කියලා නම් මතක නැ. මේක මං හිතන්නේ දෙක වසරේ හරි තුන වසරේදි හරි කියවපු පොතක් වෙන්න ඇති.මයියාට මතක් ගෙදර සාලයේ තිබ්බ සැටියේ වාඩි වෙලා මේ පොත කියවනවා තමයි. මොනා උනත් 'දීප්ති' කියන නමට නම් තාමත් මයියා ගේ විශේෂ කැමත්තක් තියෙන විත්තිය කියන්න ඕනා. සමහර විට මේ කතන්දරය ඒකට බලපාලා ඇති. ඊට පස්සේ යාළුවෙක් ගාව තිබබ 'ලස්සන වසිලිස්සා ' පොත ගෙදර ගෙනත් කියවනවා මයියා ට මතකයි. මේකේ ලස්සන සුරංගනා කතා ගොඩාක් තිබ්බ විත්තිය මතක නමුත් ඒ කතා නම් මතක් කරලා ගන්න හරිම අමාරුයි. එත් ඊයේ පෙරේදා දවසක මයියා ගේ බිරිද මයිලේඩි, මයිපැටවුනට කියලා දුන්න කතාවක් නම් මේ පොතේ තිබ්බ විත්තිය මයියාට එක පාර මතක් උනා, ඒ කුමරිකාව හා කුමාරවරු හත් දෙනාගේ කථාව තමයි.අර කුමාරවරු හත් දෙනා හංසයෝ වෙන්නේ.

ඊලගට මයියා ගෙ මතකයට එන්නේ මයියා පහ වසරේදි විතර කියෙව්ව 'වන ගත ලමෝ' කියන ලමා කතන්දර පොතයි. ඒක ලියලා තිබ්බේ කතොලික පිය නමක්. මෝලේ කොච්චර මලකඩ කාල ද කියනව නම් දහ පාරක් විතර කියවලා තියෙන මේ පොත ලියපු, ඒ පියතුමාගේ නම මයියා ගේ මතකෙට එන්නේම නැ. මොනා උනත් මේක මයියා හරි ආසවෙන් කියවපු පොතක්. මේ කාලෙම මයියා කියවපු පොතක් තමයි ලෙටීශියා බොතේජු ගේ ' පාර දිගේ' නවකාථාව. අම්මෝ මේ පොතත් මයියා 15 පාරක් පමණ කියවලා ඇති. දැන් හම්බ උනත් ආයේත් කියවන්න පුලුවන් ලස්සන පොතක්. මේ පොතේ කථා නායකයා පොඩි කාලේ ගෙදරින් පැනලා ගිහිල්ලා, ඊට පස්සේ ජීවිතේ සිදුවන හැල හැප්පිලි තමයි මේ කථා පොතේ තියෙන්නේ. ඉදලා හිටලා ගමනක් යන කොට , පොතුහැර ප්‍රදේශය පහු කර ගෙන යන කොට මයියා ට මේ පොත තාමත් මතකෙට නැගෙන්නේ, මේ පොතේ කථා නායකයා ගේ ගමත් පොතුහැර වීම නිසයි. මේ කාලේදිම මයියා 'බද්දේගම' නවකතාවත් කියෙව්වත්, ඒ පොඩි වයසට ඒ පොත ඒච්චර අල්ලලා ගිය නැති විත්තිය නම් තාමත් මයියාට මතකයි.මේ කාලේම තමයි මයියා 'නිරුවත් වානරයා' පොත පුස්තකාලෙන් ගෙනල්ලා කියවන්නේ. පොතේ තිබ්බ දේවල් මෙලෝ හසරක් නොතේරුනාට , ලිංගිකත්වය ගැන ලියලා තිබ්බ පි‍ටු කීපය ඒ දවස් වල මයියාත් මයියගේ යාලුවෝ අතරත් ගොඩක් ජනප්‍රිය උනා. වැල පත්තර එන්න කලින් , නිරුවත් වානරයා ගේ පොත, ලිංගික අධ්‍යාපනය සම්භ්න්දයේන් කරපු මෙහෙය ඉතා වටිනවා. ඒත් ඉතින් වැල පත්තර ඉදිරියේ , නිරුවත් වානරයා කියන්නේ ලොරියක් ගාව බයිසිකලයක් හේත්තු කලා වගේ තමයි.

ඊට පස්සේ මයියා අලුත් ඉස්කෝලෙකට යනවා. මේත් එක්කම මයියා ට ගොඩක් පොත පත කියවන්න අවස්ථාව ලැබෙනවා. ටීබී ඉලංගරත්නගේ තිලක, තිලක හා තිලකා ඒතනින් එහාට ගියාම අඹ යාළුවෝ එහෙම කියවන්න හම්බ වෙන්නේ මේ කාලේදි තමයි. අනිත් පොත් වගේ නොවෙයි මේ පොත් නම් මයියා කියවලා තියෙන්නේ එක පාර ම තමයි. පොතක් මෙහෙම ඒක පාරක් විතරක් කියවන්න වෙන්නේ ඒ පොත මයියාගේ යාලුවෙක්ගේ, යාලුවෙක්ගේ යාලුවෙක්ගේ පොතක් වෙන හින්දා තමයි. ඒ හින්දා ඒ වගේ තිබ්බ දේවලුත් මයියාට එච්චර මතකයක් නැ. ඒත් අඹ්යාලුවෝ කතාව නම් මයියා ට හොදට මතකයි. ඒ සමහර විට අඹයාලුවෝ ටෙලි නාට්‍ය නිසා වෙන්න ඇති. ඒතනින් එහාට ගියාම ෂර්ලොක් හෝම්ස් ගේ සිංහල පරිවර්තනයත් මේ දවස් වල මයියා ගොඩාක් පාරක් කියවපු පොතක්. පස්සේ කාලෙක සිරස ගුවන් විදුලියේත් මේ කතා මාලාව ඒ ආකාරයෙන්ම විකාශනය උන හින්දා මේ වගේ තිබ්බ කතා ටික නම් මයියා ට දැනුත් හොදට මතකයි.

මේ කාලේ වෙන කොට මයියා අතට අහු වෙන ඕනෑම දෙයක් කියවන හින්දා, කියවපු පොත් පිලිවෙලකට ගලපගන්න අමාරුයි. ඒහෙම උනත් හොදින් හිතට කා වැදිලා ගිය පොත් කීපයක් ගැන නම් කතා නොකරම ඉන්න බෑ. ' ජෙන් අයර්' සිංහල පරිවර්තනයත් මේ වගේ පොතක් තමයි. මේක මයියගේ උපන් දිනේකට මයිඅක්කා මයිය ට දුන්න තෑග්ගක්. තරුණ ගුරුවරියක් පෝසත් පවුලක දරුවෙකුට උගන්නන්න යනාතරේ ඒ නිවාසය අශ්‍රිතව මෙ කතාව ගොඩ නගලා තියෙනවා. ඉතා සරල කථා වස්තුවක් උනත්, තාමත් ඒක මේ තරම් මතකේ තියෙන්න, ඒ සිංහල පරිවර්තනයේ ගුණාත්මක බව ගොඩක් හේතු වෙන්න ඇති. පස්සේ කාලේක මයියා මේකේ සම්පූරණ ඉංග්‍රිසි පොතත් කියවලා තියෙන හින්දා ඒ මේ සිංහල පරිවර්තනය ගැන මයියා ට තියෙන්නේ උසස් හැගීමක්. මෙ ගණ්යේම තවත් පොතක් වන්නේ 'සුදු වත හැදි කත' කියන පොතයි. මේකත් ' ද ලේඩී විත් ද වයිට්' කියන ප්‍රසිද්ධ ඉංග්‍රීසි පොතේ පරිවර්තනයක්. මේ පරිවර්තනයත් ලෙසටම ලියලා තියෙනවා කියලා මයියා ට හිතෙනවා.

මයියා කොච්චර පොත් කියවලා තියෙන නමුත් අද වෙනකන් අතට අරං කියවලා සම්පූර්න කර ගන්න බැරි වෙච්ච පොත් කීපයකුත් තියෙනවා. මේ අතරින් සුගතපාල ද සිල්වා ගේ 'ඇට මැස්සා' පොත විශේෂයි. මයියා මේ පොත කොච්චර කියවන්න ට්‍රයි කලත් අතර මැදදි මේක නතර කරන්න මයියා ට හිතෙනව. ඒත් ඔය පොත් රසිකයක්ගෙන් 'ඇට මැස්සා' ගැන ඇහුවොත් කවුරුත් ඉහලිම වර්ණනා කරන පොතක් තමයි මේක. සුගතපාලද සිල්වා මහත්තයගේ 'හිට්ලර් එල්ලා මරයි' කියන පොත තුන් හතර පාරක් කියවලා තියෙද්දි, ඒයාගේම 'ඇට මැස්සා' එහෙම කියවන්න හිතෙන්නේ නැති එක නම් මයියා ටත් පුදුමයක්.

පොත් ගැන තව ගොඩක් දේවල් ලියන්න තිබ්බත්, මේ පෝස්ට් එක දිග වැඩි වෙන නිසාත්, ලියලා ලියලා මයියා ට ම ඇති වෙලා නිසාත් ඊලග පෝස්ට් එකෙනුත් මේ මාතෘකාවම කථා කරන අදහසින් මේ ඇදගෙන ආපු කතාව මෙතනින් ඉවර කරනවා.

Monday 29 August 2011

සමතැනද? නිසිතැනද?


source: http://www.israelnewsagency.com/unwomenhumanrightsgenderequalityisraeldemocracyunitednations48150111.html

කාන්තා අයිතිවාසිකම් කිව්වම ඉතින් මාර ලොකු වපසරියක් ඇති මාතෘකාවක් නේ.සමහර අය කියන විදිහට කාන්තාවන්ට සමතැන දෙන්න ඕනා. තවත් අය කියන විදිහට කාන්තාවට දෙන්න ඕනා සමතැන නොවෙයි නිසි තැනයි.මයියා ට තේරෙන්නේ නැත්තේ මේ සමතැන ඉල්ලන අය ඉල්ලගෙන නා ගන්න හදන්නේ ඇයි කියලා. ගෙදර ගෑනිට බය නැති පිරිමියෙක් නෑ කියලා තමයි මයියා අදුනන විශේශඥ වෛද්‍යවරයෙක් කියන්නේ. ගෙදර මිනිහව කොන්ට්‍රෝල් කරන් ඉන්න ගැනූ සමතැන ඉල්ලන්න ගිහිල්ල නිකං පල්ලෙහට වැටෙන්නේ ඇයි කියල නම් මයිය ට තේරෙන්නේ නැ.

ඒවා එහෙම උනාට මයියා ට නම් ඔයමොන ප්‍රශ්ණයක්වත් නෑ. මොකද මයියත් , මායියාවත් ( මයි ලේඩී) ඕනෑම දෙයක් කරන්නේ බෙදා හදා ගෙන වීම නිසයි. කොටින්ම ඔය ඩිශිෂ්න් මේකීන් ඒ කියන්නේ තීන්දූ තීරණ ගන්නේත් ඉතින් අපි දෙන්නා බෙදා හදා ගෙන තමයි. මේ කාරණාවේදී මායියාව ඉතාම ත්‍යාගශීලී වී තියෙනවා. ඇය ස්වකැමැත්තෙන්ම ලොකු ලොකු තීරණ ගැනීමේ අයිතිය මයියා ට පවරලා තියෙන අතර , ඔය පොඩි පොඩි තීරණ ගැනීම ඇය භාරගෙන තියෙනවා. උදාහරණයක් ලෙස ගෙදරට ගාන තීන්ත වල පාට, ලමයාව දාන ඉස්කෝලේ, අවුරුද්ද අවසානයේ යන විනෝද චාරිකාව යන්නේ කොහෙද, වීක් එන්ඩ් එකේ බලන ‍ෆිල්ම් එක මොකක්ද, අටට ටීවී එකේ නිව්ස් බලනවද නැත්නම් වෙන මෝකක් හරි බලනවද , පාටී එකකදී කාලා බොනවද නැත්නම් බීලා කනවද වගේ පොඩි පොඩි ප්‍රශ්ණ වලට අදාල තීන්දූ තීරන ගන්නේ ඉතින් මායියාව තමයි. එකත් ඉතින් මයියා ට කරන උදව්වක් ලෙස තමයි. මොකද මයියා ට විසදන්න තියෙන්නේ ඊට වඩා ගොඩක් ලොකු ප්‍රශ්ණ නිසා.ලොකු ලොකු ප්‍රශ්න කිව්වම ඉතින් ඔය ඇමරිකාව ඉරානයට අත තියයි ද, මානව හිමිකම් සම්ලුවෙදි ලංකාවට ගැටලුවක් ඇති වෙයිද, ඉදිරි දශකය තුල ඩොලරය කඩා වැටෙයිද ආදී ලොකු ලොකු ප්‍රශන සම්භ්න්දයෙන් ඉතින් තීන්දු තීරන ගන්නේ මයියා තමයි.

හැමදේම බදාගෙන කන්නේ නැතිව මේ වගේ බෙදා හදාගෙන කැවම කොච්චර ලොකු පහසුවක්ද? අනිත් එක කාන්තාවට සමතැන නොවෙයි නිසිතැන දෙන එකෙත් කොච්චර ලොකු ඵලප්‍රයෝජන තියෙනවද?

Tuesday 16 August 2011

හෙජින් හෙවත් චීත්තෙට යට වීමේ ආදීනවය.

හෙජින් යන ආර්ථික කලමණාකරන ක්‍රමවේදය කුමක්ද යන්න නොදන්නා නමුත් 'හෙජින්' යන වචනය පහුගිය දොහේ ලංකාවේ බොහෝ දෙනා දැන හදුනා ගත් වචනයක් උනා. 'සුනාමි' යන යෙදුමට පසුව ජනතාව අතර හිට් උන ඊලග අන්තර්ජාතික යෙදුම 'හෙජින්' කියලයි මයියාට නම් කල්පනා වෙන්නේ. ලෝක වෙලදපොලේ තෙල් බැරලයේ මිල පහල යද්දී ලංකාවේ තෙල් මිල පහල නොයා, පැවති ඉහල මිලටම තෙල් ටික පාවිච්චි කිරීමට ලැබීමේ 'අධික ප්‍රීතිය' ජනතාවට හෙජින් හරහා ජීරනය කරවීමට ආන්ඩුව කටයුතු කල අතර දේශප්‍රේමියකු වීමේ පරම පවිත්‍ර චේතනාවෙන් බහුතර ජනතාව මේ 'අධික ප්‍රීතිය' නිහඩවම විද දරා ගත්තා. මහබැංකුවේ වැඩකරු වෙලා ඉන්න අජිත් කබරාල් මහත්තයා හෙජින් නිසා බැංකු වලට ගෙවන්න වෙලා තියෙන මුදල , ලංකාව වැනි ශක්තිමත් ආර්ථිකයකට මහ ලොකු දෙයක් නොවෙන බව කිව්වම ඇති උන ප්‍රීතිය ඊටත් වඩා ආතල් බව නොකියාම බෑ.

දැන් මේ ප්‍රීතිය දෙගුණ තෙගුණ කරමින් ලංඩනයේ අධිකරනයක් , මේ හෙජින් උර චක්කරමාලයෙන් ගැලවීමට අධිකරණ තීන්දුවක් ලබා දී තිබෙනවා. ඒ මේ හෙජින් ගණුදෙනුව සිදු නොවුනා සේ සලකා රජය හා බැංකුව හා සංසරනය උන මුදල් නැවත එකිනෙකා වෙත ලබා දෙන මෙන් ලබා දුන් තීන්දුවත් සමගයි. ලංකාවට වාසිදායක මේ තීන්දුව ලබා ගැනීමට රජය පාවිච්චි කලේ ඉතා සරල තර්කයක්. ඒ මේ ගනුදෙණුව ශ්‍රීලංකා නීතීපද්ධතිය අනුව නීතීවිරෝධි බව කියා සිටීමයි. මේ බව තහවුරු කිරීමට යාමේදී මේ ගණුදෙනුවට සම්භන්ධ රජයේ නිලධාරින් අදාල බැංකු වලින් නීතීවිරෝධි ලෙස ප්‍රතිලාභ ලබා ඇති බව රජය කියා සිටියා.

මෙහිදී රජය තමන්ට වාසි තීන්දුවක් ලබා ගැනිමට ජාත්‍යන්තර තලයේදී තම නිලධාරීන් වරදක් කර ඇති බව පිලිගෙන තිබෙනවා. දැන් මේ සමගම නැගෙන ඊලග කාරනය වන්නේ දේශීය තලයේදී මෙම නිලධාරීන් හට දඩුවම් කෙරී ඇත්දයි යන්න යි.උත්තරය ඔවුන් නිදැල්ලේ සිටින අතර ඔවුනට ලබා දී ඇති එකම දඩුවම තෙල් අදිකාරියේ තනතුරු දැරිය නොහැකි බවට ලබා දී ඇති තීන්දුව පමණක් වීමයි. ජනතාවට හිමි අතිවීශාල මුදල් සම්භාරයක් කාබාසිනීයා කර දැමු මේ නිලදාරීන් මෙසේ නිදහසේ සිටින්නේ කෙසේද?.

මොවුනට දඩුවම් නොකලොත් , මේ නුසුදුසු පුද්ගලයන් රටේ හදවත බදු ආයතන වලට පත්කල පුද්ගලයනුත් නෛතික වශයෙන් කෙසේ වෙතත් එතිකල් වශයෙන්වත් වරදකරුවන් නොවන්නේද?

රස්සාවයි , පරස්තාවයි පටලවා ගත යුතු නැතිබව කවුරු කවුරුත් දන්නා කියමනකි. නෑකමට සැලකිමට ගොස් තෙල් ටික පමනක් නොව, ක්‍රිකට් ක්‍රීඩාවටද කෙල වී හමාරය. රටේ නීතිය වැරදිකරුවන් උදෙසා තරාතිරම නොබලා ක්‍රියාත්මක විය යුතුය. ආශ්චර්යයේ පාර වැටී ඇත්තේ සුදුස්සාට සුදුසු තැන දීම හා රටේ නීතීය හරිහැටි උස් පහත් බේදයක් නොබලා ක්‍රියාත්මක වීම හරහාය. රටේ සුභසිද්දිය චීත්ත කෑල්ලකට යට කල යුතු නැති බව තේරුම් ගැනීමට දේශපාලන්යේ මහ ලොකු මුහුකුරා යෑමක් අත්‍යවශ්‍ය නැත. හොර නින්දෙන් අවදීවීම හොදටම ප්‍රමානවත්ය.

ප:ලි:
මෙහි චීත්තය යන්න ඔසරිය වෙනස් විය යුතුය

Tuesday 9 August 2011

ජනරාල්ගේ කටේ මසුරන් දෑමීම

2008 දෙසැම්බර් මාසයේදී එවකට ශ්‍රී ලංකා යුධහමුදාපතිවරයා උන ජනරාල් සරත් ෆොන්සේකා මහතා ලේක්හවුස් පත්තරයකට සම්මුඛ සාකච්චාවක් ලබා දෙමින් ඉතා නිවැරදි කරුණක් ලුණු අඹුල් සහිතවම කියා සිටියා. ඒ වෙනකක් නොව වයිකෝ, නැදුමරන් වැනි තමිල්නාඩු දේශපාලකයන් 'දේශපාලන විහිලුකරුවන්' බවත් ඔවුන් එල්ටිටීඊ සංවිධානයේ මුදල් මත යැපෙන්නන් බවත් ය. මේ කාරණය ඒ දිනවල මහත් ආන්දෝලනයක් ඇති කල ප්‍රකාශයක් උන අතර ඉන්දීය රාජ්‍ය ත්‍රාන්තිකයන් රෙද්ද උස්සගෙන ශ්‍රී ලාංකාවට එරෙහිව තරව‍ටු කිරීමටත් එය හේතූ උනා. මේ ප්‍රකාශයම මුල් කරගෙන මංගල සමරවීර මහතාද, ශ්‍රී ලංකා පාර්ලිමේන්තුවේ ප්‍රකාශයක් කරමින් සරත් ෆොන්සේකා මහතා යුධ හමුදා නායකත්වයට නොව ගැලවීමේ හමුදා නායකත්වයටවත් සුදුසු නැති පුද්ගලයෙකු බව ප්‍රකාශ කරන්නට යෙදුනා.

ඒ කෙසේ වෙතත්, සරත් ෆොන්සේකා මහතාගේ කියමන සියයට සියයක් සනාථ කරමින් , වර්තමානයේ තමිල්නාඩු දේශපාලකයන් භායානක එහෙත් දේශපාලන විහිලු නිර්මාණය කිරීමේ කටයුත්ත මැනවින් හා දැඩි උද්යෝගයකින් යුක්තව කරගෙන යනවා. මොවුන්ගේ ජාතිවාදී දේශපාලන විහිලු වලට පින්සිද්ධ වෙන්නට, මේ වනවිට ශ්‍රී ලාංකික බෞද්ධ නඩයකට තමිල්නාඩුවේ නිදහසේ ගමන් කිරීමේ නිදහස මෙන්ම තමන් අතින් මුදල් ගෙවා හෝටල් කාමරයක් වෙන් කරගැනීමේ නිදහස ද නැති කර දමා තිබෙනවා.

මේ දේශපාලන විහිලු නාටකයේ නළුවන් බොහෝ ගනනක් මෙන්ම නම ගිය නිලියන්ද රගපානු ලබනවා. නාටකයේ මූල්‍ය බරපැන නම් දෙමල ඩයස්පෝරාව දරන අතර මිලීයන 65ක් පමන උන තමිල්නාඩු වැසියන් මේහි උද්යෝගීමත් ප්‍රේක්ශකයන්. ලංකාවේ දිග හැරෙන මෙගා ටෙලියක් මෙන් මෙහිද දවසින් දවස ප්‍රේක්ශකයා කුල්මත් කරමින් ජවනිකා දිග හැරෙනවා.


මේ නාටකයේ අළුත්ම ජවනිකාව වෙන්නේ එම්ඩීඑම්කේ නායක වයිකො විසින් ඉන්දියාවේ අගනගරය උන දිල්ලි නුවර දියත් කිරීමට සැරසෙන උද්ඝෝශනයයි. මොහුගේ ඉල්ලීම වන්නේ ශ්‍රී ලංකාවේ දෙමල ඊලමක් සදා දීම හා ඒ වෙනුවෙන් ශ්‍රී ලාංකීක දෙමල වැසියන් අතර ජනමත විමසුමක් ඒක්සත් ජාතීන්ගේ සංවිධානය මැදිහත් වී පැවැත්විය යුතුයි යන්නයි. අන්තර්ජාතීක රාජ්‍ය ත්‍රාන්තික දේශපාලනය ගැන අඹමල් රේනුවක හෝ දැනුමක් ඇත්තෙකුට මේවන් ජවනිකාවකට මුල් උන මෙවන් දේශපාලකයකු ගැන 'දේශපාලන් විහිලුකරුවෙක්' යන්නට වඩා වෙනත් හොද යෙදුමක් නම් මයියා ට සිහියට නැගෙන්නේ නැහැ.

මීට පෙර සතියේ ඉහත ජවනීකාවේම වීරයා උන එම්ඩීඑම්කේ නායක වී.ගෝපාල්ස්වාමි හෙවත් වයිකෝම, ඉන්දීය අගමැතිවරයා උන මනමෝහන් සින් මහතා හමුවී ප්‍රකාශ කර සිටියේ ඉන්දියාව ලංකාවට එරෙහිව ආර්ථික සම්බාදක පැනවිය යුතු බවයි. ශ්‍රී ලංකාව ඉන්දියාවේ තවත් එක් ප්‍රාන්තයක් නොවන බව දන්න උගත් අගමැතිවරයා එය ප්‍රතික්ශේප කරමින් කියා සිටියේ ශ්‍රී ලංකාව යනු ස්වෛරී රටක් බවත්, එයට අන්තර්ජාතික ක්‍රම උපායන් ඉක්මවා බලපෑම් කල නොහැකි බවත් ය.

මේ නාටකයේ හැඩිදැඩි නළුවන් මෙන්ම , කලෙක දකුනු ඉන්දීය සිනමාව අමන්දානදයට පත් කල සුරූපි නිලියන්ද රග දක්වනවා. වර්තමාන තමිල්නාඩු මහා ඇමතිනී ජෙයලලිතා ජයරාම් මෙසේ ශ්‍රී ලංකාවට එරෙහිව අවිඅමොරාගත් හිටපු සුරූපී නිලියයි. මහාඇමතිනී ලෙස පත් වූ විගසම ඇය කල එක් කාර්යක් උනේ ශ්‍රී ලංකාවට එරෙහිව , යුද අපරාද සම්භන්දව , පියවර ගත යුතු යැයි තමිල්නාඩු පාර්ලිමේන්තුව ලවා යෝජනාවක් සම්මත් කර ගැනීමයී. ඇයගේ ආශීර්වාදය යටතේ දකුණූ ඉන්දීය සිනමා කරුවන්ගේ සංගමය ශ්‍රි ලංකාවට එරෙහිව උද්ඝෝශන සංවිදානය කිරීමටත් පටන් අරගෙන තියෙනවා. ශ්‍රී ලංකාවට පවරා දුන් කච්චතිව් දූපත යලි ඉන්දීයාවට පවරා ගැනීමට ඉන්දීය මධ්‍යම රජයට බල කිරීමත් මේ නාටකයේ ඇය පණපොවන භූමිකාවක්.


මීට අමතරව දකුනු ඉන්දීය සිනමා කරුවෙක් උන සෙබෙස්තියන් සීමන් ද මෙම නාටකයේ ප්‍රබල චරිතයක්. 'අපි දෙමල' ලෙස සිංහලයට පරිවර්තනය වෙන නාම් තමිලයාර් ඉලක්කෛම් සංවිදානයේ සභාපතිවරයා උන මොහු, මිට දින කීපයකට ඉහතදී බෞද්ධ නඩ කීපයකට පහර දීමට මතවාදීමය නායකත්වය ලබා දුන් බව පැවසේනවා. ඔහු එය ප්‍රතික්ශේප කර තිබුනත් මේ පිලිබද විශ්වාසනීය සාක්ශී පවතිනවා.

මේ අයුරින් ඉන්දීය මධ්‍යම රජයට ද පාලනය කල නොහැකි අයුරින් මුලු තමිල්නාඩුවම ශ්‍රී ලංකාවට එරෙහි ජාතිවාදී ස්ථාවරත්වයකට ගමන් කරමින් පවතිනවා. තමිල්නාඩු වැසියන්ගේ දැවෙන ප්‍රශ්න විසදනු වෙනුවට, ඔවුනට රස කර කර හප හපා ඉදීමට, ශ්‍රී ලංකා සිංහල විරෝධය නැමැති ලොසින්ජරය, තමිල්නාඩු දේශපාලකයන් විසින් එහි ජනතාව වෙත විසි කරමින් පවතිනවා. මෙහි භායානකම තත්වය වෙන්නේ මේ කරුන පෙන්වා දීමට සමත් දේශපාලන බලවේගයක් තමිල්නාඩුව තුල නොමැති වීමයි. මේ තත්වය ප්‍රයෝජනයට ගනිමින් දෙමල ඩයස්පෝරාව, තමිල්නාඩුව වෙත මුදල් පොම්ප කරමින් එල්ටිටීඊ කන්ඩායම් නැවත ඇතිකිරීමේ උත්සහයක යෙදෙනවා. රාජිව් ගාන්දි ඝාතනයත් සමග උඩු යටිකුරු උන එල්ටිටීඊ පිලිබදව තමිල්නාඩු ස්ථාවරය මේ වනවිට එල්ටිටීඊ හිතවාදී ස්ථාවරයකට යෑමේ දැඩි අවදානමක් පවතිනවා.

මේ සිද්ධි දාමය තුල ඉන්දීය මධ්‍යම රජය ද පෙර නොවි වීරු අභියෝගවලට මුහුන දෙමින් පවතිනවා. එක් පැත්තකින් ශ්‍රී ලංකාව යුද්ධය නිමාකර චීනයත් ලංකරගෙන කලාපය තුල වේගවත් ආර්ථික ගමනකට අර අදින අතර තව පැත්තකින් තමිල්නාඩුව තුල ශ්‍රී ලංකා විරෝදය මුල් කරගෙන දෙමල බෙදුම්වාදය හිස ඔසවනවා. ඒ අස්සේ ඉන්දීය මධ්‍යම රජයේ ස්ථාවරත්වයට තමිල්නාඩු බලපැමද ක්‍රම ක්‍රමයෙන් වැඩිවෙනවා. මේ අභියෝග හමුවේ දකුනු ඉන්දීය දේශපාලන විහිලුකරුවන්ගේ විහිලුව කාගේ කාගේත් ඇස් රතුවන විහිලුවක් වන බවනම් ඕනේවටත් වඩා ඔප්පු වෙමින් පවතිනවා. කෙසේ නමුත්, යුද්ධය මෙන් නොව, තමිල්නාඩූ දේශපාලකයන්ට ආමන්ත්‍රනය කල හැකි හොදම වචනය සොයා ගැනීම වෙනුවෙන් නම් සරත් ෆොන්සේකා මැතිතුමාට සියයට සියයක් එහි පූර්ණ ගරුත්වය හිමි විය යුතු බව මයියා ගේ හැගීමයි.

Saturday 9 July 2011

කාණුවේ ගසා ගෙන යන චැනල් 4 මාධ්‍ය අපක්ෂපාතීත්වය : Chanel 4s’ media impartiality is questioned. Is it flowing in a sinuous Channel of rubbish?

බ්‍රිතාන්‍යයේ 'චැනල් 4' නාලිකාව මගින් නිෂ්පාදන කරන ලද ' ශ්‍රී ලංකා කිලින් ෆීල්ඩ්' ( Sri Lanka Killing fields ) වාර්තා චිත්‍රපටිය මේ වන විට ලංකාව තුලත්, ඉන් පිටත අන්තර්ජාතික මානව හිමිකම් ක්ශේත්‍රය තුලත් දැඩි කථාබහට ලක් වෙන ආන්දෝලාත්මක චිත්‍රපටියක් බවට පත් වී තිබෙනවා. මෙම චිත්‍රපටිය මුල් වරට එලිදක්වනු ලැබුවේ ජූනි මස 3 වෙනි දින ( 2011), ජිනීවා නුවර, එක්සත් ජාතින්ගේ ලෝක මානව හිමිකම් සමුළුවට සමගාමීව 'ඇමනස්ටි' සංවිධානය මගින් සංවිධානය කරන ලද වැඩමුළුවකදී ය. ඉන්පසුව මෙම චිත්‍රපටිය, චැනල් 4 නාලිකාව මගින් ජූනි 14 වෙනි දින බ්‍රිතාන්‍ය තුලත් , ABC මාධ්‍ය ජාලය මගින් ජූලි මස 4 වෙනි දින ඕස්ට්‍රේලියාව තුලත් සාමාන්‍ය මහජනතාව සදහා විකාශනය කරනු ලැබුවා. මීට අමතරව ග්ලොබල් ටැමිල් ෆොරම් සංවිධානයේ මැදිහත් වීම මත ඉන්දියාවේ රූපවාහිනී නාලිකා කීපයක් ඔස්සේද මෙම චිත්‍රපටිය විකාශනය කර හා කිරීමට නියමිතව තිබෙනවා. කැලම් මැක්‍රේ නැමති අධ්‍යක්ෂවරයා විසින් අධ්‍යක්ෂනය කරන ලද, ජෝන් ස්නො නැමැති 'චැනල් 4' මාධ්‍යවේදීයා ඉදිරිපත් කරනු ලබන මෙම වාර්තා චිත්‍රපටිය, 2009 වසරේදී ශ්‍රී ලංකා හමුදා හා එල්ටිටීඊය අතර සිදුවු යුද්ධයේ සිදූ වූ සිදුවීම් පාදක කොට නිශ්පාදනය කර තිබෙනවා. කෙසේ නමුත් විනාඩි 50 ක් පමණ දිවෙන මෙම වාර්තා විත්‍රපටියෙන් ඉතා වැඩි කාලයක් වැය කරන්නේ, ශ්‍රී ලංකා රජය හා රජයේ හමුදා විසින් සිදු කරනු ලැබුවා යැයි පවසන යුද අපරාධ විස්තර කිරීමටයි.




මෙම චිත්‍රපටියේ පසුබිම් කථනය ඉතා පැහැදිලිවම දැඩි ලෙස ඒක පාර්ශවීය, ශ්‍රී ලංකා වීරෝධී ස්භාවයක් ගනු ලබනවා. ඇතැම් අවස්ථාවක මෙය කොතරම් අන්තවාදී ස්භාවයක් ගන්නේද කියතොත්, රජය මගින් යුධ මුක්ත කලාපයක් ඇති කීරීමේ අරමුණ, දෙමල ජනතාව කුඩා ඉඩ ප්‍රමාණයකට ගාල් කර, ඔවුන්ව සමූහ වශයෙන් ඝාතනය කීරීම යැයි ඔවුන් එක අවස්ථාවක පවසනවා. අහිංසක දෙමල ජනතාව මිනිස් පලිහක් ලෙස යොදා ගනිමින් ඔවුන්ව බලහත්කාරයෙන් යුධ කටයුතු වල යොදවා ගැනීම, සිවිල් ජනතාව අතර සිටිමින් බර ආයුධ භාවිතා කිරීම ආදී යුධමුක්ත කලාපය ආශ්‍රිත ප්‍රදේශ තුල එල්ටිටීඊ සංවිධානය විසින් සිදුකරන ලද බරපතල බිහිසුනු අපරාධ පසෙක තිබියදී, මෙසේ සත්‍ය විකෘති කොට, යුද මුක්ත කලාප පිලිබදව ඉතා වැරදී චිත්‍රයක් ප්‍රේක්ශක මනසේ ඇදීමට මෙම චිත්‍රපටිය උත්සහ කරනවා. මෙවන් අන්තගාමී පසුබිම් කථනයට අමතරව, මෙම නිර්මානය තුල ඇසින් දු‍ටු සිවිල් සාක්ෂී ලෙස පුද්ගල ප්‍රකාශ කීපයක්ද අඩංගු වෙනවා. මෙහිදී වනී කුමාර් ලෙස ඇසින් දුටු සාක්ශී සපයන, බ්‍රිතාන්‍ය පුරවැසි දෙමල තරුණියගේ ප්‍රකාශවලට වැඩි ඉඩකඩක් මෙම වැඩසටහන තුල වෙන්කෙරෙනවා. ඇයව වැඩසටහන තුල හදුන්වා දෙන්නේ සාමාන්‍ය සිවිල් පුද්ගල චරිතයක් ලෙසයි. නමුත් ඇය එල්ටිටිරී සන්නද්ධ පුහුණුව ලැබූ, එල්ටිටීඊ හිටපු විදෙස් සම්භන්ධතා නායක කැස්ත්‍රෝ යටතේ වැඩ කල එල්ටිටීඊ සාමාජිකාවක්. නමුත් වැඩසටහන තුල මේ පිලිබදව කිසිදු සදහනක් නොකරනවා පමනක් නොව, ඇයව සාමාන්‍ය සිවිල් චරිතයක් ලෙසද ඉදිරිපත් කරනවා.ඇයව සාමාන්‍ය සිවිල් පුද්ගලයකු සේ ඉදිරිපත් කිරීම තුල ඇයගේ ප්‍රකාශ වලට පිලිගැනීමක් ලබාදීමට චිත්‍රපටිය තුල උත්සහ ගැනෙනවා. මෙය චැනල් 4 නාලීකාවේ අපක්ෂපාතී මාධ්‍ය භාවිතය දැඩි ලෙස ප්‍රශ්ණ කරන්නක් මෙන්ම ප්‍රේක්ශකයාව නොමග යැවීමක්ද ඉන් සිද්ධ වෙනවා.


තමිල්වනී ඥානකුමාර් ( වනී කුමාර් ලෙස චිත්‍රපටියේ පෙන්වනු ලබන කාන්තාව)

මෙම චිත්‍රපටිය මගින් ශ්‍රී ලංකා රජයට එරෙහිව එල්ල වන තවත් චෝදනාවක් වන්නේ, යුධ මුක්ත කලාපය තුල සිරවී සිටි ජනතාවට අවශය්‍ය ප්‍රමානවත් ආහාර හා බෙහෙත් ද්‍රවය නොසැපයීමට ක්‍රියා කල බවයි. මෙම කාරනාවේදීද, චිත්‍රපටියේ ඒක පාර්ශවීය පසුබිම් කථනය, එල්ටීටීරී සංවිධානය විසින් යුධ මුක්ත කලාපය වෙත රජය මගින් සැපයූ ආහාර හා බෙහෙත් ද්‍රවය්‍ය පැහැර ගත් බවට සදහන් කිරීම අතපසු කරනවා. යුධමුක්ත කලාපයේ අවසාන අවස්ථාව දක්වා ‍රැදී සිටිය , එල්ටිටීඊ සංවිධානය සමගද වැඩ කර තිබූ, මෙම චිත්‍රපටියේද පෙන්වනු ලබන වෛද්‍ය ෂන්මුගරාජා, 2009 ජූලි 8 වෙනි දා පැවැත්වූ මාධ්‍ය හමුවේ දී ප්‍රකාශ කර සිටියේ, ලෝක රතු කුරුස සංවිධානය හරහා රජය විසින් යුදමුක්ත කලාපයේ සාමාන්‍ය සිවිල් ජනතාව වෙනුවෙන් සපයන ලද බෙහෙත් හා ආහාර ද්‍රච්‍ය, එල්ටිටීඊ සංවිධානය තම සාමාජිකයන්ගේ ප්‍රයෝජනය සදහා පැහැර ගත් බවයි. යුදමුක්ත කලාපය තුල වූ ආහාර හා බෙහෙත් ද්‍රව්‍ය හිගය ගැන කථා කරන මෙම චිත්‍රපටිය, මෙම වැදගත් සාක්ශිය නොසලකා හැරීම, මෙම චිත්‍රපටියේ ඒක පාර්ශවීය බවට තවත් එක් කදිම උදාහරණයක් සපයනවා. ඉහත කාරණයම යුදමුක්ත කලාපයේ සිටි තවත් වෛද්‍යවරයෙක් උන වෛද්‍ය වර්ධරාජා විසින්ද සනාථ කරනවා. ඔහු පවසන අන්දමට යුධමුක්ත කලාපය තුල ආහාර හා බෙහෙත් ද්‍රව්‍ය හිගයක් තිබී ඇති අතර , එයට හේතුව වන්නේ, 8 වතාවකදී රජය විසින් යුධ මුක්ත කලාපය වෙත එවන ලද සම්පූර්ණ වෛද්‍ය ආධාර ප්‍රමාණයම එල්ටිටීඊ සංවිධානය විසින් පැහැර ගැනීමයි.


( යුධමුක්ත කලාපයේ අවසන් අවස්ථාව වනතෙක් තම සේවය අහිංසක ජනතාව වෙත ලබා දුන් වෛද්‍ය ෂන්මුගරාජා )



( වෛද්‍ය වර්ධරාජා )

ඉතා පැහැදිලිව ලේඛනගත වී ඇති ආකාරයට , යුද්ධයේ අවසාන කාලය වන විට, යුධ මුක්ත කලාපයේදී, එල්ටිටීඊ සමාජිකයන් තම නිල ඇදුම් ඉවත ලා, සාමාන්‍ය ජනතාව සමග මිශ්‍ර වී , සාමාන්‍ය ඇදුමින් සැරසී ලංකා යුද හමුදාවට එරෙහිව යුද වැදී තිබෙනවා. මෙසේ තම නිල ඇදුම් ඉවතලා සාමාන්‍ය ජනතාව හා සමානව පෙනී සිටිමින් යුද වැදීම, එල්ටිටීඊ විසින් සිදුකරන ලද බරපතල යුද නීතී උල්ලංගණය කිරීමක්. මෙසේ තමන් නියෝජනය කරනු ලබනවා යැයි පවසන ජනතාවම අනතුරේ වැටෙන ආකාරයට, ඔවුන් අතර සිටිමින් යුධ වැදීම එල්ටිටීඊ සැබැ අරමුන විමුක්තිවාදය නොව ත්‍රස්තවාදයම බව මොනවට කියා පාන්නක්. කෙසේ නමුත් මේ වැදගත් කාරණාව මෙම චිත්‍රපටියේ කිසිම තැනක සදහන් වන්නේ නැ. මේ වැදගත් කාරණාව චිත්‍රපටිය තුල සදහන් නොකිරීම තුල, එහි පෙන්වනු ලබන සියලු මලසිරුරු සාමාන්‍ය ජනතාවගේ මලසිරුරු යැයි වැරදි අදහසක් ප්‍රේක්ෂකයාගේ මනසට ඇතුලු කරනවා. එල්ටිටීඊ මිලේජ්‍යත්වය නොදන්නා බහුතරයක් වූ යුරෝපීය ප්‍රේක්ශකයන් තුල මෙවැනි මලසිරුරු දැකීම තුල ඇතිවන තිගැස්සීම, එක එල්ලේ ශ්‍රී ලංකා රජය වෙතත්, පොදුවේ ශ්‍රී ලංකාව හා එහි ජීවත්වන්නවුන් වෙතත් එල්ල වෙන අප්‍රසාදයකට පත්වීම නොවැලක්විය හැක්කක්.

තවද මෙම චිත්‍රපටිය තුල , පසුබිම් කථනයෙන් රජයේ හමුදා රෝහල් වෙත ෂෙල් වෙඩි ප්‍රහාර එල්ල කර ඇති බව පවසන අතරතුර, මියගිය, තුවාල ලැබූ අසරණ දරුවන්ගේ, කාන්තාවන් හා පුරුශයින්ගේ මල සිරුරු පෙන්වනු ලබනවා. එම නිසා ප්‍රේක්ශකයකුට හැගී යන්නේ මෙම මල සිරුරු ස්ථිර ලෙසම රජයේ හමූදාවල ෂෙල් වෙඩි ප්‍රහාර වලින් මියගිය සාමාන්‍ය ජනතාවගේ මලසිරුරු ලෙසයි. රජයේ හමූදා එල්ල කරනු ලබන කාලතුව්ක්කු හා ෂෙල් වෙඩි ප්‍රහාර දර්ශනත්, මියගිය මල සිරුරු වල දර්ශනත්, වෙනවෙනම, නමුත් මාරුවෙන් මාරුවට පෙන්වීම තුල මෙම අදහස ප්‍රේක්ෂකයාගේ මනස තුල විශ්වාසනීය ලෙස තහවුරු කරනවා. නමුත් සත්‍ය කාරණාව නම් මෙම මලසිරුරු වලට සැබෑ හේතුව රජයේ හමුදාවල ෂෙල් වෙඩි ප්‍රහාර බවට තහවුරු කල නොහැකි වීමයි. උදාහරණයක් ලෙස එල්ටීටීඊ පාලන ප්‍රදේශයේ සිට රජයේ හමුදා පාලන ප්‍රදේශ වලට පැන යාමට උත්සහ කල සාමාන්‍ය සිවිල් වැසියන්ට එල්ටිටීඊය මගින් වෙඩි තැබු අතර ඇතැම්විට එසේ පැන යාමට උත්සහ කල අහිංසකයන් බිම්බෝම්බ හා මර උගුල් වලට අසු වී තුවාල හෝ මරණයට පත් උනා. කරුණු එසේ තිබියදී, චිත්‍රපටිය මගින් පෙන්වන මල සිරුරුවල එකම වගඋත්තරකරුවා හා හේතුව රජයේ හමුදාවල ෂෙල් වෙඩි ප්‍රහාර බව තහවුරු කිරීමට උත්සහයක යෙදෙනවා. වැඩිමනත් වශයෙන්, එල්ටිටීඊ සාමාජිකයන්ද සිවිල් ජනයා සමග මිශ්‍ර වී සාමාන්‍ය ඇදුමින් සැරසී යුධ කටයුතු වල යෙදුනු නිසා, මෙම විත්‍රපටියේ පෙන්වන මල සිරුරු සාමාන්‍ය මහජනතාවගෙන් වෙන් කර අදුනා ගැනීමේ අපහසුතාවයක් ද පවතිනවා. තවද එල්ටිටීඊ සංවිධානය සිවිල් ජනතාව බලහත්කාරයෙන් අගල් කැපීම, බන්කර් ඉදි කිරීම වැනි යුධ කටයුතු වල යොදා ගත්තා. මෙවන් යුධ කටයුතු වල යෙදෙන විටදී, යුධ හමුදාව එල්ල කරන ප්‍රහාර වලින් සාමාන්‍ය ජනතාව අසරණ ලෙස මිය යෑමේ හැකියාවක්ද තිබී පවතිනවා.

මීට අමතරව මෙම චිත්‍රපටිය මගින් ශ්‍රී ලංකා යුධ හමුදාවන් උතුරේදී යුද්ධය අතරතුරදී මාධ්‍යවේදීන් ඝාතනය කිරීම්ට ද කටයුතු කල බව කියා සිටිනවා. මේ සදහා 'ඉසේප්‍රියා' නැමැති 'කොටි හඩ' ගුවන් විදුලි හා රූපවාහීනි සේවයේ කටයුතු කල ජනමාධ්‍යවේදීනියකගේ මල සිරුරක් යොදා ගන්නවා. නමුත් ඇත්ත වශයෙන්ම් ඉසේප්‍රියා යනු එල්ටිටීඊ සංවිධානය වෙනුවෙන් වැඩ කල එල්ටිටීඊ සාමාජිකාවක්. නමුත් චැනල් 4 නාලීකාව මේ බව සගවා ඇය සාමාන්‍ය සිවිල් පුද්ගලයෙකු සේ චිත්‍රපටිය තුල මවා පෙන්වමින් ප්‍රේක්ෂකයන් නොමග යවනවා. ඉසේප්‍රියා එල්ටිටීඊ සමාජිකාවක් බව සනාථ කිරීමට, එල්ටිටිරී සංවිධානය මගින් නිකුත් කරන ලද ඇයගේ පහත හැදුනුම්පත් ඡායාරූපයම උවත් ප්‍රමාණවත්.


( එල්ටිටිරී සංවිධානය මගින් නිකුත් කරන ලද ඉසේප්‍රියාගේ හැදුනුම්පත් ඡායාරූපය )


මෙම වීඩීයෝ පටියේ එන ඇතැම් දර්ශන වල සත්‍යතාව පිලිබදව ඇතැම් අය සැක පහල කරනවා. උදාහරනයක් ලෙස ඕස්ට්‍රේලියාවේ සිටින දෘශ්‍ය මාධ්‍යය පිලිබද විශාරදයකු වන සීරී හේවාවිතාරණ මහතා මෙම වීඩීයෝ පටයේ එන ඇතැම් දර්ශන ඩිජිටල් තාක්ශණය යොදා වෙනස් කර ඇති බව එක එල්ලේ චෝදනා කරනවා.Cisco’s Global Broadcast හා Digital Video Practice division හිටපු ප්‍රධානියෙකු හා වර්තමානයේ සිඩ්නි නුවර IPTV සිස්ටම් හී ක්‍රියාකාරී අධ්‍යක්ෂකවරයෙකු වන හේවාවිතාරණ මහතා වැනි අදාල විශය සම්භන්ද පාමාණිකයකුගේ අදහස් නොසලකා හැරිය නොහැක්කක්. කෙසේ නමුත් චැනල් 4 නාලිකාව, මෙම වීඩීයෝ පටයේ එන ඇතැම් දර්ශන ( නිරායුධ, අත් පිටුපස බැද ඇති මිනිසුන් ගේ පිටුපස සිට වෙඩි තැබීම ) මීට ඉහතදී 2010 දී නොවැම්බර් මාසයේ දී එක්සත් ජාතීන්ගේ විශේෂ නියෝජිතයෙක් උන ක්‍රිස්ටොෆ් හෙයින්ස් මහතා වෙත ලබා දී තිබුනා. ඒ අනුව ඒ මහතා පත්කරන ලද සිව් පුද්ගල කමිටු වාර්තාවක් මගින් එම දර්ශන සත්‍ය ලෙස සිදු වූවා යැයි නිගමනය කර තිබෙනවා. නමුත් සීරී හේවාවිතාරණ මහතා පවසන ආකාරයට මෙම අදාල වීඩීයෝ දර්ශනය ලබා ගෙන ඇත්තේ ජංගම දුරකථනයකින් නොව කුඩා ප්‍රමාණයේ වීඩීයෝ කැමරාවක් යොදා ගෙනයි. නමුත් මෙම දර්ශනය මුලින්ම විකාශනය කරන් වේලාවේදී 'චැනල් 4' නාලිකාව ප්‍රකාශ කර සිටියේ මෙම දර්ශන හමුදා සොල්දාදුවන්ගේ ජංගම දුරකතන වලින් ලබාගත් ඒවා බවයි. හේවාවිතාරන මහතා එල්ල කරන ප්‍රබලම චෝදනාව වන්නේ මෙම දර්ශනය පරිගනකයක් යොදා ඩිජිටල වශයෙන් වෙනස් කර ඇත යන්නයි. ඊට අමතර ඔහු පෙන්වා දෙන අනෙක් වැදගත් කාරණය වන්නේ මෙම දර්ශනයේ, හඩ පටය හා විඩීයෝ දර්ශන සමගාමී (synchoronise) නොවෙන කාරනයයි. හෙයින්ස් මහතාගේ විද්වත් කමි‍ටුවද පිලිගන්නා පරිදි මෙහි තත්පර 0.068 ත් 0.122 ක පරතරයක් මෙම විඩීයෝ හා හඩ පටය අතර පවතිනවා.


එක්සත් ජාතින්ගේ සංවිධානයේ හෙයින්ස් මහතාගේ විද්වත් කමි‍ටුවද පිලිගන්නා ආකාරයට, මෙම වීඩීයෝ දර්ශනයේ අවසාන භාගයේ අවසන් රූප රාමු 17 තුල රතු පසුබිමේ දිස්වන ඉංග්‍රීසී A අකුර හා මරනු ලැබූවා යැයි පවසන පුද්ගලයින්ගේ ශරීර චලනයන් පැහැදිලි කිරීමට අපහසු බවක් පෙනී යනවා. ඊට අමතරව මෙම වීඩීයෝ පටය ග්‍රහණය කර ඇති දිනය ලෙස වීඩීයෝපටයේ අභ්‍යන්තර දත්ත වල සදහන් වෙන්නේ 2009 ජූලී 17 වෙනි දිනයි. නමුත් කවුරුත් දන්නා ආකාරයට යුද්ධය 2009 මැයි මාසය තුල සම්පූර්නයෙන් නිම කරනු ලැබුවා. වර්තමාන ශ්‍රී ලංකා සම්මත දින දර්ශනය අනුව ජූලි මස උදා වෙන්නේ මැයි මාසය නිමා වීමෙන් පසුව උනත් , කබරගොයා තලගොයා කිරීමේ න්‍යාය ට අනුව, මෙම දින ප්‍රශ්ණයද චැනල් 4 නාලිකාව වෙනස් අකාරයකට අර්ථකතනය කලොත් ඊට කිසිසේත් පුදුම විය යුතු නැහැ. කෙසේ නමුත් නවතම චැනල් 4 වීඩීයෝ පටයේ සත්‍යතාව පිලිබදව ශ්‍රි ලංකා රජය විසින් ද පරීක්ශන කටයුතු සිදු කරනවා. මොරටුව විශ්ව විද්‍යාලයේ පරිගණක අංශයේ ආචාර්ය චතුර ද සිල්වා මහතා විසින් මෙම පරීක්ශන කටයුතු සිදු කරන අතර ඔහුගේ වාර්තාව තවමත් මහජනයා වෙත හෝ මාධ්‍ය වෙත හෝ එලි දක්වා නැහැ.

මෙම වීඩීයෝ දර්ශනය ට අදාල මුල් සංස්කරණය නොකල වීඩියෝ දර්ශන පටයක්ද මේ දින වල කථාබහට ලක් වෙනවා. චැනල් 4 නාලිකාව මීට ඉහතදී විකාශනය කරන ලද මෙම දර්ශන පටයේ සෙබලුන් ගේ කථනය සිංහල භාෂාවෙන් සිද්ධ වන නමුත් , මුල් පිටපත යැයි කියනු ලබන මෙම වීඩියෝ පටයේ පසුබිම් කථනය දෙමල භාෂාවෙන් සිද්ධ වෙනවා. යටත් වූ හමුදා සෙබලු මරා දැමීම එල්ටිටීඊ සංවිධානය විසින් අනුගමනය කරන ලද බරපතල යුධ අපරාධයක්. උදාහරණයක් ලෙස , 'ඒම් වී සන් සී ' නෞකාවෙන් කැනඩාවට පැන ගිය එල්ටිටීඊ සාමාජිකයෙකුට එරෙහිව, යටත් වූ ශ්‍රී ලංකා හමුදා සෙබළුන් මරා දැමීම සම්භන්දව, කැනඩා රජය පරීක්ෂන පවත්වනවා. එම නිසා, ශ්‍රී ලංකා රජයට එරෙහිව යොදා ගැනීමේ අරමුණ සහිතව, එල්ටිටීඊ සංවිධානය හෝ එහි අනුබද්ධිත සංවිධානයක් මෙවන් වීඩීයෝ දර්ශනයක් නිපදවීමේ හැකියාවද නොසලකා නොහැරිය හැක්කක්. එල්ටිටීඊ සංවිධානය තම ප්‍රචාරක කටයුතු සදහා යොදා ගන්නා ක්‍රම හා විදි සලකා බැලීමේදී මෙම කරුණ වඩාත් තහවුරු වෙනවා. එසේ සලකනු ලැබුව හොත්, එක්සත් ජාතීන්ගේ හෙයින්ස් මහතා ගේ කමි‍ටුවට පැහැදිලි කිරීමට අපහසු වූ නිරීකශනයන්ද මෙම තර්කය මගින් පැහැදිලි වෙනවා.කෙසේ නමුත් මෙම වීඩීයෝ පටය, චැනල් 4 නාලිකාව වෙත සපයන ලද, සිංහල ජනමාධ්‍යවේදීන් කණ්ඩායමකින් සමන්විත 'ජේඩීඑස්' සංවිධානය මෙම දෙවන වීඩීයෝ පටය බොරුවක් බව පවසනවා. ඒ අනුව මෙම වීඩීයෝ පට දෙකේම සත්‍යතාව සම්භන්ධයෙන් පවතින්නේ අපැහැදිලි තත්වයක්.


(JDS සංවිධානයේ සනත් බාලසූරිය මහතා)


(JDS සංවිධානයේ මාධ්‍ය ප්‍රකාශක රෝහිත භාෂන අබේගුනවර්ධන මහතා )

මෙම චිත්‍රපටියේ කියැවෙන තවත් කරුණක් වන්නේ , නඩේසන් හා පුලිදේවන් නැමැති එල්ටිටීඊ නායකයින් යටත් වීමට කැමැත්ත පලකර සිටියදී රජයේ හමුදා විසින් ඔවුන්ව ඝාතනය කර ඇති බවයි. නමුත් වාර්තා වන අන්දමට මොවුන් දෙදෙනා ජාත්‍යන්තරය සමග සාකච්චා කර ඇත්තේ සමූහ වශයෙන්, තුන්වන පාර්ශවයක් වෙත සිදුවන එල්ටිටීඊ යටත් වීමක් ගැනයි. නමුත් පූර්ණ මිල්ටරි අධිකාරී බලයක් කිසි දා නොතිබුනු පුද්ගලයන් දෙදෙනෙක් වෙතින් කෙරෙන කොන්දේසී සහිත යටත් වීමක්, ඉතා දරුණු යුද්ධයකදී කොතෙක් දුරට විශ්වාසනීයත්වයෙන් යුක්තදැයි කාටත් නැගෙන ගැටළුවක්. මෙම කාරණය ඉතා මෑතකදී යුධ හමුදාව විසින් පවත්වන ලද ජාත්‍යන්තර යුධ සමුළුවේදී, මෙරට ඇමෙරිකානු තනාපති කාර්ය්‍යාලයේ යුද කටයුතු පිලිබද විශේශඥ නිලධාරිවරයාද ( ලුතිනන් කර්නල් ලෝරන්ස් ස්මිත්) තම පෞද්ගලික අදහසක් වශයෙන් ප්‍රකාශ කර තිබුනා.


(ලුතිනන් කර්නල් ලෝරන්ස් ස්මිත්)

කෙසේ නමුත් චිත්‍රපටිය මගින් ප්‍රේක්ෂකයා වෙත සංනීවේදනය කිරීමට උත්සහ කරන්නේ යටත් වූවන් ශ්‍රී ලංකා හමුදා මගින් මරා දැමූ බවකුයි. නමුත් ඉහල පෙලේ එල්ටිටීඊ නායකයින්ගේ දරු පන්සල් පවා ආරක්ෂක හමුදා භාරයේ සුරක්ශිතව සිටින බවට කිසිදු සදහනක් කිරීමට මෙම ඒක පාර්ශවීය වාර්තා චිත්‍රපටිය අපෝහසත් වෙනවා. එල්ටිටීඊ නාවික හමුදා නායක සුසෙයි (තිල්ලෛම්බලම් සිවනේසන්) ගේ බිරිද හා දරුවන්, එල්ටිටීඊ දේශපාලන නායක තමිල් සෙල්වම්ගේ බිරිද හා දරුවන්, එල්ටිටීඊ නායක ප්‍රබාහරන් ගේ මව හා පියා මෙසේ ආරක්ෂක හමුදා යටතේ සුරක්ශිතව සිටින විශේෂ පුද්ගලයන් හැටියට සැලකෙනවා.

මෙම චිත්‍රපටියෙන් ඒත්තු ගැන්වීමට උත්සහ කරන තවත් කාරණාවක් වන්නේ හමුදා සමාජිකයන් යටත් වූ සෙබලියන් දූෂණය කර මරා දමා ඇති බවයි. මෙවන් කරුණක් සිදු වී ඇත්නම් එය සොයාබලා අදාල අය හට දඩුවම් ලබා දීම අත්‍යවශ්‍ය කාරණයක්. නමුත් කිසිදු සැකයකින් තොරව ඉදිරිපත් කල හැකි සාක්කියකින් තොරව, මෙම චිත්‍රපටිය, ශ්‍රී ලංකා හමුදා ස්ත්‍රී දූෂණයේ යෙදුනු බව සාමාන්‍යකරණය කරනවා. මේ සදහා ඔවුන් ඉදිරිපත් කරන්නේ නිරුවත් කාන්තා මලසිරුරු හා සෙබළුන් අතර සිදුවන කථා බහයි. දූෂණයට අදාල කිසිම රූප රාමුවක් හෝ ප්‍රබල සාක්ෂියක් ඉදිරිපත් කිරීමකින් තොරව ආරක්ශක හමුදාවන්ට එරෙහිව මෙවන් චෝදනාවක් සාමාන්‍යකරණය කිරීම මාධ්‍ය සදාචාරයට කොතරම් ගැලපේදැයි නැගෙන් ප්‍රශ්ණයක්. නිරුවත් මල සිරුරක් යනු දූශණය සදහා සාක්ශියක් නම්, නිරුවත් පිරිමි මල සිරුරු සම්භ්න්දයෙන් මෙවන් චෝදනාවක් ඉදිරිපත් කිරීමට චැනල් 4 නාලිකාවට අමතක වෙනවා. කෙසේ නමුත් පුපුරණ ද්‍රව්‍ය පරීක්ශා කිරීම සදහා මල සිරුරු වල ඇදුම ඉවත් කර පරීක්ශා කිරීම ප්‍රශ්ණ කල නොහැකි උපාය මාර්ගයක්.

කෙසේ නමුත් පැවති ත්‍රස්ත්‍රවාදී අරගලය හා ඒ හා බැදුනු ප්‍රශ්ණ ගැන සෙවීමට ශ්‍රී ලංකා රජය විසින් පත් කරන ලද ' උගත් පාඩම් හා සංහිදියා කමි‍ටුව' , මෙම චැනල් 4 වීඩීයෝ විකාශනය තම සැලකිල්ලට ගන්නා බවක් මෑත දී ප්‍රකාශ කර තිබුනා. මෙය ඇත්ත වශයෙන්ම පැසසිය යුත්තක්. ශ්‍රී ලංකා රජය මෙම විඩීයෝ පටය තරයේ ප්‍රතික්ශේප කරද්දී, මෙම කොමිසම මෙම වීඩියෝව ගැන තම සැලකිල්ල යෙදවීම, එම කමි‍ටුවේ ස්වාදීනත්වය ගැන ප්‍රශ්න කරන බොහෝ අයෙකුගේ ඇස් අරවන සිද්ධියක් බවට කිසිම අනුමානයක් නැහැ.

යුද්ධය බිහිසුණුය. ජීවීතයත්, මරණයත් අතර සැබැ ජීවීතයේදී කෙරෙන යුද්ධයකදී, බටහිර හොලිවුඩ් චිත්‍රපටි වල දක්නට ලැබෙන සාමාන්‍ය වෙඩිතබා ගැනීම් අභිබවා ගිය සිදූවීම් බලාපොරොත්තු විය යුතුය, ඒ කෙසේ නමුත්, මනුෂ්‍යත්වයට නිගා දෙන යම් ක්‍රියාවක් සිදුකිරීම එමගින් සධාරනීයකරණය කල නොහැකිය. කිසියම් අයෙක් වරදක් කල ඇත්නම් එය සොයා බලා දඩුවම් කිරීම සාධාරන සමාජයක් ශ්‍රී ලංකාව තුල ගොඩ නැංවීමෙහි ලා අත්‍යවශ්‍ය කාරණයකි. නමුත් මෙම චැනල් 4 නාලිකාවේ වාර්තා චිත්‍රපටිය මගින් එවැන්නක් ඉ‍ටු කරනු වෙනුවට, බිදී ඉරි තලා ගිය ජාතින් දෙකක් අතර සුහදතාවය තව තවත් ඈත් කිරීමේ කටයුත්තට අත ගසා ඇතිබව පැහැදිලිය. අපක්ෂපාතී මාධ්‍යකරනය මගින් අදාල සිදුවීම හා අදාල පුද්ගලයින් නිරාවරනය කරනු වෙනුවට, කරුනු සැගවීම්, කරුනු වෙනස් කිරීම් මගින්, දෙමල ජනයා අතර ශ්‍රී ලංකා ආරක්ශක හමුදා වෛරයට භාජනය කිරීම මෙමගින් සිදු කරනවා.රුදුරු ත්‍රස්තවාදයකින් අහිංසක සිංහල, දෙමල,මුස්ලිම් හා අනෙකුත් ශ්‍රී ලංකා වැසියන් මුදා ගැනීම වෙනුවෙන් ආරක්ශක හමුදා වෙත තුති පුදනු වෙනුවට සහ උතුරේ අහිංසක ජනතාවගේ අසරණ තත්වය සලකා ඔවුන් හට උපකාර කරනු වෙනුවට, 30 වසරක් තිස්සේ ලංවීමට නොහැකිව සිටි ජාතින් දෙකක් තව තවත් විරසක කිරීමේ ප‍ටු අරමුණක් මෙම චිත්‍රපටිය මගින් ඉ‍ටු කරනවා.

කවුරු කෙසේ කීවත්, ශ්‍රී ලාංකික දෙමල ජනතාවගේත්, සිංහල ජනතාවගේත් අනාගතය වැටී ඇත්තේ බෙදී වෙන් වී යෑම තුල නොව, සහජීවනයෙන් අන්‍යා කෙරෙහි විශ්වාසයෙන් ජීවත් වීම තුලයි. ශ්‍රී ලංකාව සම්භන්ධ ඉන්දියානු ප්‍රතිපත්තිය තුල කැබලි වී ගිය ලංකාවකට ඉඩක් නොමැති අතර, ජාත්‍යන්තර ප්‍රජාවද ශ්‍රී ලංකාව සම්භන්ධ ඉන්දියානු අවශ්‍යතාවයට එරෙහිව යාමක් අපේකෂා කල නොහැකිය. මෙවන් පසුබිමක් යටතේ, විවිධ අරමුනු සහිත ලංකාවෙන් පිටත සිටින අන්තවාදී අදහස් ඇති කීප දෙනෙක් සිදු කරන මෙවන් ප්‍රකෝප කිරීම්, භෙද කිරීම්, 30 වසරක යුද්දය අවසානයේ දෙමල ජනතාවට වැඩි වශයෙනුත්, අනෙකුත් ජනතාවට අඩු වැඩි වශයෙනුත් ලබා දුන් අසරණ තත්වයට වඩා වැඩි යමක් ලබා දේ යැයි අපේක්ශා කිරීම ඉතා අපහසුය.


ආශ්‍රිත ලිපි:

Aranze, J. (2011). Forensic Video Experts Confirm Authenticity Of Channel 4 Video. Sunday Leader, from http://www.thesundayleader.lk/2011/06/12/forensic-video-experts-confirm-authenticity-of-channel-4-video/

BBC (2011). JDS challenges Sri Lanka 'new video' Retrieved 01/07/2011, from http://www.bbc.co.uk/sinhala/news/story/2011/07/110704_video_jds.shtml

Hewawitharana, S. (2011). Channel 4 Video is Fake, Edited and Video taken by Video Camera Retrieved 01/07/2011, from http://www.asiantribune.com/news/2011/06/05/channel-4-video-fake-edited-and-video-taken-video-camera

Hewawitharana, S. (2011). Is British Broadcasting getting funds from Terror groups? Retrieved 30/03/2011, from http://www.asiantribune.com/news/2011/06/25/british-broadcasting-getting-funds-terror-groups

Jayasuriya, R. (2011). Channel 4 war crimes video: believable or bunk? Colombo: Sumathi Publications.

JDS (2010). UN experts concludes that Sri Lankan vedio is authentic Retrieved 01/07/2011, from http://www.jdslanka.org/2010/01/un-expert-concludes-that-sri-lankan.html

Macrae., C. (2011). Sri Lanka's Killing fieilds. Retrieved from http://www.channel4.com/programmes/sri-lankas-killing-fields/4od

MCNS (2009). Channel 4 video a fake Retrieved 01/07/2011, from http://www.lankapuvath.lk/index.php/latest-news/security/3416-channel-4-video-a-fake-mcns-

MOD (2011). 'CHANNEL-4, FACEOFF' - Exposing the appalling truth Retrieved 01/07/2011, from http://www.defence.lk/new.asp?fname=20110619_01Up28

Quan, D. (2011). Tamil migrant may have taken part in shooting of soldiers, hearing told Retrieved 01/07/2011, from http://www.globalnews.ca/world/Tamil+migrant+have+taken+part+shooting+soldiers+hearing+told/4643627/story.html

Wijayapala, R. (2009). The Ultimate Truth as told by Tamil Doctors. Retrieved from http://www.lankamission.org/content/view/2420/9/

Wijewardana, D. (2011). US suspicions of credibility of LTTE surrender offer make sense Retrieved 01/07/2011, from http://donwije.wordpress.com/articles-2/

Saturday 14 May 2011

සුද්දගේ හූරා කෑම හා අපේ ලෙව කැවිල්ල...


සුද්දගේ ප්‍රශ්නය;

සම්පත් සීමිතය - අසාවන් අසීමිතය - සීමීත සම්පත් වලින් අසීමිත ආසාවන් තෘප්ත කිරීම ලෝකයේ ප්‍රශ්ණයයි.
මේ ප්‍රශ්නේ විසදන්න තමයි සුද්දා, විද්‍යාව, ආර්ථික විද්‍යාව,කලමණාකරනය ඇතුලු විෂයන් පමනක් නොව තමන්ලගේ ආගමත් හදලා තියෙන්නේ.....

අපේ ප්‍රශ්නය;

සම්පත් සීමිතය - අසාවන් අසීමිතය - සම්පත් සීමිත නිසා අසාවන් සීමීත කර ගැනීම ලෝකයේ ප්‍රශ්නයයි. මේ ප්‍රශ්නේ විසදන්න තමයි බුද්ධාගම වගේ පෙරදිග ආගම් හදලා තියෙන්නේ.....

Tuesday 26 April 2011

බැන් කී මූන් අක්කා පෙන්නා නංගී දීම


එක්සත් ජාතීන්ගේ සංවිධානයේ මහලේකම්වරයා වන බෑන් කී මූන් මහතා විසින් ශ්‍රි ලංකාව සම්භන්ධයෙන් පත් කර ඇති ත්‍රි පුද්ගල උපදේශක කමි‍ටුව හා ඔවුන්ගේ වාර්තාව පිලිබදව මේ වනවිට ලංකාව තුල ඉමහත් ආන්දෝලනයක් ඇති කරමින් පවතිනවා. පවතින අසීරු ආර්ථික තත්වය යටතේ, සාමාන්‍ය ජනතාව තම එදිනෙදා ජීවිතය ගැට ගසා ගැනීමට මහත් වෙහෙසක් දරන අතර තුර ලාංකික දේශපාලනයේ මහා මොලකරුවන් මේ වන විට මෙකී ත්‍රි පුද්ගල කමි‍ටු වර්තාව සම්භන්ධයෙන් අනුගමනය කල යුතු ක්‍රම උපායන් පිලිබදව හදාරමින් සිටිනවා. මෙවන් වතාවරනයක් තුල මෙකී කමි‍ටු වාර්තාව හා එහි දේශපාලන ප්‍රතිවිපාක පිලිබදව කතා කීරීම කාලෝචිත මාතෘකාවක්.

2010 ජූනි 22 වෙනි දින එක්සත් ජාතින්ගේ මහලේකම්වරයා පත් කරන ලද මේ උපදේශක මණ්ඩලය තම අවසන් නිගමන ඇතුලත් කමි‍ටු වාර්තාව, 2011 අප්‍රියෙල් 12 වෙනි දින මහලේකම්වරයා වෙත භාරදුන්නා. එදිනම මහලේකම්වරයාගේ දෙවෙනියා උන විජය නම්බියාර් මහතා විසින් මෙහි පිටපතක් එක්සත් ජාතින්ගේ ශ්‍රි ලංකා කාර්‍යාලයේ උප නියෝජිතයා වුන මේජර් ජනරාල් ශවේන්ද්‍ර සිල්වා මහතා අතට නිල වශයෙන් ලබා දුන්නා. මේ වාර්ථාව සම්භන්දයෙන් වැදගත් කරුනක් වන්නේ මෙය තාක්ෂනික වශයෙන් එක්සත් ජාතින්ගේ ලියැවිල්ලක් ලෙස හුවා දැක්වීමට ඇති නොහැකියාවයි. නමුත් ඇතැමුන් මෙය එක්සත් ජාතින්ගේ සංවිධානයේ වාර්තාවක් ලෙස නාමිකව හදුන්වනවා.මෙය වැරදි යෙදීමක්. එසේ වන්නේ, මෙම වාර්ථාව ඒක්සත් ජාතින්ගේ සංවිධානය හෝ එහි අනුබද්ධිත සංවිධානයක් තම සමාජික රටක් අරඹයා කරන ලද වර්තාවක් නොවෙන්නක් වන නිසායි. මෙය හුදෙක් මහලේකම්වරයා විසින් තමන්ට වැඩිදුර කරුනු ලබා ගැනීම සදහා පත් කරන ලද පෞද්ගලික කමි‍ටුවක්. මෙම කමි‍ටුව පත් කිරීමද විවාදසම්පන්නයි. මෙවැනි කමි‍ටුවක් පත් කිරීමට මහලේකම්වරයාට ඇති නෛතිකම හිමිකම පිලිබදවද විවිද මතිමතාන්තර පවතිනවා. ඒ කුමන මතිමතාන්තරයක් පිහිටියත් මෙම ලියවිල්ල එක්සත් ජාතීන්ගේ ලියවිල්ලක් ලෙස නාමිකව හැදින්වීම තාක්ශනික වැ‍රැද්දක්.

මෙම ත්‍රි-පුද්ගල කමි‍ටුව සමන්විත වන්නේ හිටපු ඉන්දුනීසියානු නීතිපතිවරයෙක් උන මාර්සුකි දරුස්මාන් (සභාපති), දකුනු අප්‍රිකානු මානව හිමිකම් උල්ලංගනය පිලිබද කමි‍ටු සමාජිකාවක් උන යැස්මින් සූකා සහ ජාතීන් අතර ගැ‍ටුම් වලදී සිදුවන මානව හිමිකම් කඩවීම් පිලිබදව පොතක් ලියා පල කර ඇති ඇමරිකානු ජාතික ස්ටීවන් ‍රැට්නර් යන අයවලුන්ගෙනුයි. මොවුන් අතරින් කමි‍ටු සභාපති මාර්සුකි දරුස්මාන් මහතා ගේ පත් කිරීම අතිශය විවාද සම්පන්නයි. මේකට ප්‍රධානතම හේතුව වන්නේ 2006 වසරේදී ඒවකටත් ලංකා ජනපති වූ මහින්ද රාජපක්ෂ මහතා පත් කල කමි‍ටුවකුයි. මෙකල සිදු වී ඇතයි චෝදනා කරන ලද මානව හිමිකම් කඩවීම් සිදුවීම් 15 ක් පිලිබදව විමර්ශනය කිරීමට ජනපති විසින් 2006 වසරේදී කමි‍ටුවක් පත් කෙරුවා. මේකේ විශේෂත්වය උනේ මේ කමි‍ටුවේ කටයුතු නිරීක්ශනය කිරීමට ජාත්‍යන්තර නිරීක්ෂන කණ්ඩායමක්ද සහභාගී කර ගැනීමයි. මර්සුකී දරුස්මාන් යනු මේ කමි‍ටුවේ ප්‍රබල සමාජිකයෙක්. ඒවකට ශ්‍රී ලංකාවේ නීතිපතිවරයා උනේ සී.ආර්.ඩි සිල්වා මහතායි. ( හිටපු රාජකීය රගර් කණ්ඩායම් නායකයෙකි. හිතවතුන් ආමන්ත්‍රනය කරන්නේ 'බුල්ලා' ලෙසය). නමුත් මේ ජනපති කමි‍ටු ‍රැස්වීම් වලදී හිටපු නීතිපතීවරයා ගේ ක්‍රියාකාලපයන් කීපයක් සමග ඇති කරගත් ප්‍රශ්න කීපයක් මුල් කරගෙන, ඉහත විස්තර කරන ලද ජාත්‍යන්තර නිරීක්ශන කන්ඩායම එම කමි‍ටු නීරික්ශනයෙන් ඉවත් උනා. මේ ඉවත් වීම සදහා දරුස්මාන් මහතා විශාල බලපැමක් කර තියෙනවා. මෙය එක්තරා අකාරයක ප්‍රසිද්ධ රහසක්. මේම ජාත්‍යනතර නිරීකශකයන්ගේ ඉවත් වීම ජනපති කමි‍ටුවේ පිලිගැනීමට විශාල ලෙස බලපැවා. කෙසේ නමුත් වඩා වැදගත්ම ඝට්ටනය මීට වඩා පුද්ගලික කරුනක්. ඒ බැන් කී මූන් මහතාගේ කමි‍ටුවට ලංකාවේ රජයේ පිලිතුර වන 'පාඩම් ඉගැනුම් හා සංහිදියා' කමි‍ටුවේ සභාපති වන්නේ සී.ආර්.ඩී සිල්වා (බුල්ලා) වීමයි. කෙසේ නමුත් 2006 කමි‍ටුව සම්භන්දයේන් දරුස්මාන් මහාතා ගේ ඒක පාර්ශවීයභාවය හා ඔහු නැවත ලංකාව සම්භන්ද කමි‍ටුවකට පත් කිරීම, බන් කී මූන් මහතාගේ කමි‍ටුවේ ස්වාදීනත්වය පිලිබද දැඩි සැකයක් මතු කරනවා. කමි‍ටුවේ අනිකුත් සමාජිකයන්ගේ ස්වාදීනත්වය පිලිබදවද ප්‍රශ්න ඇතත් එවා ඔප්පු කර පෙන්වීමට තරම් ප්‍රභල නෑ.මේ කරුන පෙන්වා දීමේදී ඇතැම් අයෙක් පෙන්වා දෙන්නේ ' පනිවිඩය මිස පනිවිඩකරුවා වැදගත් නොවන බවයි' . එහෙත් මෙහිදී මතක් කල යුතු කාරනය වන්නේ, මෙම කාරනාවේදී පනිවුඩකරුවා මෙන්ම් පනිවුඩ නිර්මානකරුවාද වන්නේ එක් අයෙකු බවයි.

බැන් කී මහතාගේ මෙම කමි‍ටුව පත් කිරීමේ නිල අරමුන ගැන කතා කිරීමේදී, එය 2009 වසරේ මැයි මාසය තුල සිදු වු මහලේකම්වරයාගේ ශ්‍රී ලාංකික සංචාරය හා ඇදෙනවා. මෙම සංචාරය අවසානයේ මහලේකම්වරයා හා ශ්‍රි ලංකා ජනාධිපතිවරයා හවුල් ප්‍රකාශනයක් නිකුත් කලා. මේ හවුල් ප්‍රකාශනය මෙම ත්‍රි පුද්ගල කමිටුව පත් කිරීමේ මූලික හේතුව ලෙස මහලේකම්වරයාගේ පාර්ශවයෙන් සදහන් කර තිබෙනවා.මෙම ත්‍රී පුද්ගල කමි‍ටුව පත් කිරීමේදී මහලේකම් ප්‍රකාශකවරයා ඉදිරිපත් කර ඇති හේතු පාඨය වන්නේ මෙයයි.

The panel will advise the Secretary-General on the implementation of the commitment on human rights accountability made in the Joint Statement issued by President [Mahinda] Rajapaksa of Sri Lanka and the Secretary-General during the latter’s visit to Sri Lanka in May 2009. It will look into the modalities, applicable international standards and comparative experience with regard to accountability processes, taking into account the nature and scope of any alleged violations in Sri Lanka. It will be available as a resource to Sri Lankan authorities should they wish to avail themselves of its expertise in implementing the comittment”

මෙයට අනුව මෙම කමි‍ටුව මහලේකම්-ජනපති හවුල් ප්‍රකාශනයේ සදහන් වන මානව හිමිකම් පිලිවද ව ශ්‍රී ලංකා රජය ගන්නා ක්‍රියා මාර්ගයන් පිලිබදව සෙවීමට පත් කරන ලද්දක්.

දැන් අපි මේ මහලේකම්- ජනපති හවුල් ප්‍රකාශනය දෙසට හැරෙමු. මේ ප්‍රකාශනයේ 'මානව හිමිකම්' යනු තවත් විවිද කාරනා 6 ක් අතුරෙන් එකකි. දැන් අපි ඒ ප්‍රකාශයේ 'මානව හිමිකම්' පිලිබද සදහන් කාරනාව විශ්ලේශනය කර බලමු. මෙය කොටස් තුනකින් යුක්තය.


1.) 'Sri Lanka reiterated its strongest commitment to the promotion and protection of human rights in keeping with international human rights standards and Sri Lanka’s international obligations’. ( ලංකා රජය මානව හිමිකම් පිලිබද ජාත්‍යන්තර නීති රීතී ‍රැකීමට කැප වී සිටී.)

2.) the 'Secretary General underlined the importance of an accountability process for addressing violation of international humanitarian and human rights law’.(මානව හිමිකම් උල්ලංගනය සම්භන්ද කරුනු කාරනා විමසීමේදී එහි පාරදෘශ්‍යභාවය පිලිවදව මහලේකම් වරයා අවදාරනය කරයි.)

3.)the Govrernment undertook ‘to address those grievances’. (ශ්‍රී ලංකා රජය මෙම කාරනාව ඉ‍ටු කිරීම භාරගනී.)


මේ කාරනා සැලකීමේදී පෙනී යන පැහැදිලි කාරනාව වන්නේ මහලේකම්වරයා - ජනපති හවුල් ප්‍රකාශනය තුල, මහලේකම්වරයාගේ ත්‍රීපුද්ගල කමි‍ටු පත් කිරීමට අනුබල දෙන කිසිම කාරනාවක් ඇතුලු නොවන බවයි. මෙම ප්‍රකාශය තුල ක්‍රියාමාර්ග ගැනීමට එකග වී ඇත්තේ ලංකා රජයේ පාර්ශවයෙන් පමනකි.

කෙසේ නමුත් මහලේකම් වරයා මෙම ගන්නා ක්‍රියාමාර්ග පිලිවද ව සෙවීම වෙනුවට, ඒයට කිසීසේත්ම අදාල නොවන ලෙස 'යුද්ධයේ අවසන් අදියරදී සිදුවූවා යැයි කියන ' මානව හිමිකම් උල්ලංගන හා ඒ පිලිබද සෙවීමට කමි‍ටුවක් පත් කර ගන්නවා. එය මහලේකම්වරයා දක්වන්නේ පහත ආකාරයටයි.

‘The Secretary General had decided to establish a panel of experts to advise him on the implementation of the said commitment with respect to the final stages of war’.

මෙය එක්තරා අකාරයකට නංගී පෙන්වා අක්කා දීමකට සමානයි.

කොටින්ම මහලේකම්-ජනපති එකගතා ප්‍රකාශයේ 'යුද්ධය අවසාන කාලය' යනුවෙන් වෙන් කර මානව හිමිකම් ගැන කතා කර නැහැ. නමුත් කමි‍ටුව පත් කිරීමේදී ඔහු එය ඉතා ඕනෑ කමින් වෙන් කර දක්වා තිබෙනවා.

ශ්‍රී ලංකා රජය මානව හිමිකම් කඩවීම් විමර්ශනය විනිවිද අකාරයකින් සිදුකරනවාද යන්න සොයා බලනු වෙනුවට, ඔහු මානව හිමිකම් කඩවීම විමර්ශනය කිරීම තමන්ම භාර ගන්නවා.මෙහිදී ඔහු තමන්ට අදාල නැති රජකාරියකට අත ගසන ගමන්, එකගතා ප්‍රකාශනයේ කිසි සේත් සදහන් නොවන 'යුද්ධයේ අවසාන කාලය' වෙන කර අවධාරණය කර දක්වනවා.

කියන්නේ එකක් - කරන්නේ වෙන එකක් ජාතියේ වැඩ ලංකාවේ ජීවත්ව්වෙන අපට නම් එක්තරා අරුම වැඩකුත් නෙවේ.එසේ නමුත් නාමික වශයෙන් හරි ලෝකයේ නායකයා වන එක්සත් ජාතීන්ගේ මහලේකම්වරයාත් එවැනි ගනයේ අයෙකු වීම පුදුමයට කාරනාවක් නොව, එසේ වීමට හේතුව කුමක්දැයි සෙවීමට තරම් කරුනකි

Sunday 17 April 2011

ජෙ.වී.පී බිය නොවන්න..දිනපු හැටි මයියා පෙන්වන්නම්...( JVP you are a winner)


picture source: lanaka e news


හැමෝටම සුභ අලුත් අවුරුද්දක් ප්‍රාර්තනා කරන ගමන්, මයියා ගොඩ කාලෙකට පස්සෙ ඔන්න ලියන්න සෙට් උනා. මේ ටික කාලේදි සිංහල බ්ලොග් වලත් ලොකු වෙනස් කම් කීපයක් උනා. වැඩිය සද්ද බද්ද නැති උනත් මයියාත් වෙන දේවල් දිහා විපරමින් බලා ගෙන උන්නා. ( ආන්ඩුව විපක්ශය උඩ පැන පැන තලද්දී මහජනතාව අවදියෙන් බලාගෙන උන්නා.. හි හි...ඇම්ඩන් ගේ පොඩි කථාවක් මතක් උනා)

ලංකාවෙන් එලියෙ හිටියත්, අන්තර්ජාලෙට පින් සිද්ද වෙන්න ලංකාවේ වෙන දේවල් ගැන නම් මයියා අප්ඩේට්. පහුගිය දවස් වල තිබ්බ ඡන්දය ගැන ලංකාවේ කට්ටියගේ වගේම , මයියා ගෙත් තිබ්බේ අඩු උනන්දුවක්.අඩු උනන්දුවට හේතුව..සමහර විට ඡන්ද ප්‍රතිපලය ගැන හැමෝම දැනගෙන හිටිය නිසා වෙන්න ඇති. අනිත් එක කවුරු දින්නත් වැඩි වෙනසක් වෙන්නැති බව අපි හැමෝම දන්නවනේ..හැබයි අපේ දේශපාලුවෝ නම් මේ අඩු උනන්දුවත් සංවර්ධනයේ ලක්ෂණයක් විදිහටත් අර්ථකතනය කරන්න ඉඩ තියෙනවා. මොකද ඔය බටහිර සංවර්දිත රටවල මහජනතාවටත් ඡන්ද ගැන තියෙන්නේ ඉතාම ස්වල්ප උනන්දුවක් නිසා ( මෑත කාලයේ ඇමරිකානු මැතිවරණය හැරුනු කොට). ඇත්තටම සමහර රටවල චන්දය පාවිච්චි කලේ නැතිනම් දඩයක් ගැසීමට තරම්, චන්ද පිලිබද ජනතාවට තියෙන්නේ අඩු උනන්දුවක්..

මයියා ගේත් මේවර චන්දය ගැන උනන්දුව අඩු උනාට චන්දේන් පස්සේ ජේවීපී අයියා ලගේ කතාවක් ගැන නම් මයියා ට ටිකක් ෆීල් උනා. ඒ ගොල්ලො කියන විදිහට පැරදිලා තියෙන්නේ ඒගොල්ලෝ නෙවෙයිලු. පැරදිලා තියෙන්නේ ජනතාවලු. මයියාට හිතෙන විදිහට නම් ඒ කතාවේ දෙවෙනි කොටස නම් ටක්කේටම හරි. ඒ උනාට මොකද, ජෙවිපි දින්නයි කියලා ජනතාවත් දිනුම් කියලා නම් හරියටම කියන්න බැ.... ? ඕක ගැන කතා කරන්න ගියොත් ඉතින් විවිද අයට විවිධ මත තියෙනවනේ. ලෝකය ගෝලාකාරයි අදහස් විවිධාකරයි කියලා මහාමූකලන්යායේ මුදලිහාමි කියලා තියෙන්නේ ඒකනේ.

හරි, ඒකට කමක් නැ.මොනා උනත් මෙහෙම කථාවක් ජෙවීපී මහත්තුරු ටික කිව්වෙ මොකද කියලා මයියා කල්පන කලාම තමයි මයියට තේරුනේ මේක මේ පැරදුන හින්ද කියපු හෝ එහෙමත් නැත්නම් නරියා මිදි තිත්තයි කියපු ජාතියේ කතාවක් නොවන වග..

ටිල්වින් මහත්තයාගේ මේ දාර්ශනික කථාවට යටින් තියෙන තියරිය මයියා තේරුම් ගත්තේ මෙහෙමයි.

අපි හිතමු මිනිස්සු තුන් දෙනෙක් ඉන්නවා කියලා. ඒ එක් එක් අයගේ දෙශපාලන කැමැත්ත මෙන්න මෙහමලු....

පලමු මනුස්සයගේ දේශපාලන කැමැත්ත මෙහෙමයිලු
සංධානේ > යු එන් පී > ජේවීපී -----------------------(1)

ඒතකොට අනිත් මනුස්සය ගත්තොත් එයා කැමති මෙහෙමලු
යු එන් පී >ජෙවීපි > සංධානේ ------------------(2)

අන්තිම මනුස්සයා නම් හාර්ඩ් කොර් ජේප්පෙක්. ඒ ම්නුස්සයගේ කැමැත්ත මෙහෙමලු
ජෙවීපී > සංධානේ > යුඑන්පි ----------(3)



දැන් මේතැන ' > 'කියන සලකුණ දාලා තියෙන්නේ ගණිතයේ එන අදහසින්ම තමයි...ඒ කියන්නේ...  ' > ' එකේ කට  ඇරිලා තියෙන පැත්තෙ ගොඩ ලොකුයි....කට වැහිලා තියෙන පැත්තේ ගොඩ පොඩියි......


ලංකාවේ වර්තමාන දේශපාලන රටාව බලද්දි බහුතරයක් මිනිස්සු මේ කැටගරි තුනෙන් එකකට වැටෙන බව , මයියා ඉතින් අමුතුවෙන් මතක් කරන්න ඕනේ නැනේ.

හරි ඒකෙන් කමක් නැ..දැන් මේ 1,2,3 කාරණා තුන පොඩ්ඩක් ඕන කමින් බලන්නකෝ.. අහන්න දෙයක් නෑනේ......තාමත් ලංකාවේ 1 කේ කට්ටියයි 2 කේ කට්ටියයි නේ වැඩි....... එහෙම බලද්දි පැහැදිලි වන දෙයක් තමයි බහුතර කැමැත්ත තියෙන්නේ පහත කාරනා වලට කියන එක..

සංධානේ > යූඑන් පී
යුඑන්පී > ජෙවීපී .


ඉතින් ඒ අනුව ගොඩ නගන්න පුලුවන් තර්කය තමයි.....

සංධානේ > ජෙවීපි ......කියන කතාව.

ඒතකොට චන්ද ප්‍රතිපලේ හරි...

නමුත් ඇත්තටම මේ මිනිස්සු තුන් දේනාගේම කැමැත්ත දිහා ආයෙමත් ඕනකමින් බලන්නකෝ...
අනං මනං වල්බූත නැතුව 1 ,2  හා 3 තනිකරම  ගණිතමය ප්‍රකාශයන් විදිහට බලන්නකෝ.....එහෙම බැලුවොත් බහුතර කැමැත්ත වෙලා තියෙන්නේ ,

ජේවීපී > සංධානේ කියන කතාව. ( 2 හා 3 අනුව)

ජෙවීපී > සංධානේ කියන එක 2 හා 3  ගණිත ප්‍රකාශ වල පැහැදිලිවම දෙපාරක් තියෙනවා...ඒත් සංධානේ > ජෙවීපි කියන එක තියෙන්නේ එක පාරයි....ඒකත් අනියමින් 1 ප්‍රකාශනයේදි විතරයි.....

ඒ කියන්නේ මිනිස්සු මොනා කිව්වත් ගණිතය අනුව ජෙප්පො දිනුම්......

මේක තවදුරටත් පැහැදිලි කරන්වා නම් ප්‍රජාත්‍රන්තවාදයට අනුව සංදානේ ජයග්‍රහනය කලාට ඇත්ත්ටම් වෙන්න ඔනේ ජෙවිපී එක දිනන එක. ඒනිසා ජෙවීපී පැරදිලා ම නෙමේ...මේක මේ සිස්ටම් එකේ අවුලක්...

දැන් තේරෙනවනේ දිනනකන් (Till+Win) මහත්තයා කියලා තියෙන්නේ එසේ මෙසේ කතාවක් නොවන විත්තිය.මාර විදිහට හිතලා බලලා කියපු කතාවක්.. හිකිස්..

බලං ගියාම ටිල්විනයත් කැහැට්ටා වගේ හිටියට 'ගණංකාරයෙක්'..........

ප:ලි : 1. මේක කියවලා මොලේ පොඩ්ඩක් කොලොප්පන් උනා නම් මයියාට සමා වෙලා ටිකිරි මාරි එකක් කාල පොඩි ඇලර්ට් එකක් දාන්න හොදේ..අත්දු‍ටුවයි ප්‍රත්‍යක්ශයි..



Reference : Condorcet's Proof : http://en.wikipedia.org/wiki/Condorcet%27s_jury_theorem

Tuesday 1 February 2011

සත්‍යයේ චක්‍රය : ගග දෙවරක් නොගලයි...තවත් එක් පාපොච්චාරණයක් ?


සත්‍යට ප්‍රිය කරමි. එය හොදයි.

සත්‍යයේ මග බොහෝ විට දුෂ්කරය. ඒත් එය හොදය.

විටෙක සත්‍යය පැහැදිලි නැත. කාලය බොහෝ විට විසදුමයි.

ඇතැම් විට අසත්‍යට ප්‍රිය කරමි. ඒත් ඒ වෙනුවෙන් කථා නොකරමි. අසත්‍යට ප්‍රිය කරන බව පමනක් මෙනෙහි කරමි. අකමැත්තෙන් සත්‍ය වෙනුවෙන් කථා කරන්නේ කොහොමද? මගේ කැමැත්තට බොරු කරන්නේ කොහොමද? නිහඩ බව විසදුමයි. කාලය මා නිවැරදි කරයි.

ලොකුම ගැට‍ලුව නම් සත්‍යයයේ සාපේක්ශ බවයි. එකෙකුගේ සත්‍යය තව එකෙකුගේ සත්‍යට වෙනස් වීමයි. ඒත් සමහර වෙලාවට ඒක හැමවිටම වෙන්නේ නැත. ඒක හොදයි. එතකොට ගැටලු අඩුයි.

එකම එක නිරපේක්ෂ සත්‍යක් අනුමාන කරමි. ඒ වෙනස් වීම නොවෙනස් වීමයි. ගගක් දෙවරක් ගලා නොබසී. එහෙම කිව්වේ මා නොවේය. සත්‍යය එයයි.....

Tuesday 18 January 2011

මයියා ගේ ලෝකයෙන් ඔහුගේ ලෝකයට : මහාචාර්‍ය නලින් ද සිල්වා ගැන මයියා ට හිතෙන දේ: Prof. Nalin De Silva


මයියා, මහාචාර්ය නලින් ද සිල්වා රසිකයෙක්ද නොවේද යන්න මයියා හට හරියටම කීමට අපහසුයි. ඒ සම්භන්දයෙන් මයියා ට ඇත්තේ මිශ්‍ර හැගීමක්. එනමුත් මයියා ඔහු ලියා ඇති ලිපි බොහෝමයක් අධ්‍යනය කිරීම කෙසේ වෙතත් අඩු තරමින් කියවා හෝ බලා තිබෙනවා. පසුගිය දොහේ ඔහු අරභයා ලියා තිබුනු ලිපි කීපයක් නිසා ( 1, 2) මෙවන් ලිපියක් ලිවීමට මයියා කල්පනා කලා.

නලීන් මහතා සි0හල පාඨකයාට ගෙන හැර දක්වන ඇතැම් අදහස්, බටහිර ලෝකයේ විද්වතුන් අතර සාකච්චාවට ගැනෙන පැරඩයිම ( සුසමාදර්ශන) පිලිබද කථිකාවතේ දිගුවක් හෝ කොපි කිරීමක් ලෙස ඇතැමුන් ඉගි කරනු මයියා දැක තිබෙනවා. ක්වොන්ටම් විද්‍යාවේ ඇතැම් නිරීක්ෂණ පැහැදිලි කිරීම සදහා, එකී විෂයේ විද්වතුන් මෙම පැරඩයිම ආශ්‍රිතව කරනු ලබන තර්ක විතර්ක, නලීන් මහතාව උත්තේජනය නොකෙරුවා යැයි හෝ ඒවායින් ඔහු අභාශය නොලැබුවායයි හෝ, වෙන අයෙකුට තියා ඒ මහතාටවත් කිව නොහැකි යැයි මයියා සිතනවා.ඒසේ උවත් ඒ පිලිබදව ප්‍රමානාත්මකව සදහන් කිරීම නලින් මහතා සිතා මතා මග හරින බවක් පේනවා. ඒ නිසාම ඇතැම් අයෙකුට, නලීන් මහතා ලියන ඇතැම් දේ කොපි කිරීමක් ලෙස පෙනී යෑමට ඉඩ කඩක් තියෙනවා. කෙසේ උවත් මයියා ගේ පෞද්ගලික අදහස නම් නලීන් මහතා ගේ නිර්මාණාත්මක සාපේක්ශතාවාදයේ එන බොහෝ අදහස්, ඉන්දියාවේ ක්‍රි.ව 2 වන සියවසේ ( කාල සීමාව ගැන එකගතාවයක් නැත ) සිටි නාගර්ජුන හිමියන්ගේ ප්‍රශ්ණ කිරීම් හමුවේ , මහාවිහාරික භික්ෂූන්ගේ ප්‍රතිතර්ක වලට වඩා සමාන කමක් දක්වන බවක්ය. කෙසේ නමුත් නලීන් මහතා තම ලිපි වලට අදාල වූ මූලාශ්‍ර පිලිබදව ඉගි නොකීරීම තුල , ඒ මහාතාගේ පාඨකයිනට වඩා පුලුල් වූ දැනුම් සම්භාරයකට ලගා වීමේ අවස්ථාව මග හැරී යනවා.ඒනිසාම නලීන් මහතාගේ පාඨකයින් , ඒ මහතා පවසන දේම පවසන ගිරා පෝතකයින් පිරිසක් ලෙස ඇතැමෙකුගේ චෝදනාවටලක් වෙන අතර, ඒයට නලින් මහතාත් යම් තරමකට හෝ වැරදි කරුවෙක් බව මයියා ගේ හැගීමයි.

නලීන් මහතා, බටහිරයන් අප මත පටවනු ලැබු මථවාද දැඩිව ප්‍රශ්ණ කරන්නෙකි. ග්‍රීක, යුදෙව්, ක්‍රිස්තියානී චින්තනය මත පදනම්ව බටහිරයන් ගොඩනOවන ලද දැනුම වෙනුවට සිOහල බෞද්ධ චින්තනය මත පදනම් වූ දැනුමක් වෙනුවෙන් තම පරිකල්පනය මෙහෙය වන්නෙකි. එහෙත් පුදුමයට කාරණය නම් ඇතැම් අවස්ථාවන් හීදී නලීන් මහතා තමන් විසින් දැඩිව ප්‍රශ්ණ කරන බටහිර ප්‍රවාද ම, තමන්ගේ ප්‍රවාද ගොඩනOවා ගැනීමට යොදා ගැනීමයි. උදාහරනයක් ලෙස කිසිවිටෙක පුරාවිද්‍යා සාක්ශි මගින් සනාථ කර නැති, ජර්මානූ විද්වතුන් කීප දෙනෙකුගේ පරිකල්පනයක් උන 'ආර්‍ය සOකල්පය', ඒ මහතා කිසිදු ප්‍රශ්ණ කිරීමකින් තොරව තම ප්‍රවාදය ඉදිරිපත් කිරීමට යොදා ගන්නවා. ස0ස්කෘත හා යුරෝපීය භාශා අතර ඉතා ලග සමාන කමක් දුටු බටහිර විද්වතුන් කීප දෙනෙකුගේ ඔලුවේ පහල උන අදහසක් උන "ආර්ය සOක්‍රමණය", පුරාවිද්‍යා සාක්ශි නොමැතිකම නිසාම මෑත කාලීන බටහිර විද්වතුන් අතින්ම දැඩිව ප්‍රශ්ණ කෙරෙන්නෙකි. කොටින්ම කියතොත් මෙම අදහස ඇති කලෙත් බටහිරයෝමය. දැන් එම සOකල්පය විවේචනය කරන්නේත් ඔවුන්මය. නලීන් මහතා, පැත්තක සිට එම සOකල්පය ඔහුගේ ප්‍රවාදය නිර්මාණය කිරීමට ඉතා අලOකාර ලෙස යොදා ගන්න බවක් පේනවා.කිසියම් චින්තන ප්‍රවාහයක දැනුම, නිසි අයුරින් කලමනා කර, සිOහල බෞද්ධ ප්‍රවාද ගොඩ නැOවීමට යොදා ගැනීම ට නලීන් මහතා විරුද්ධ නොමැති බව මයියා කියවා ඇතත්, අර්‍ය සOක්‍රමනය පිලිබද අදහස දී මේ පිලිවබදව විචාරාත්මකව විමසීම ඒ මහතා මග හර ඇත බවක් මයියා ට පෙනි යනවා. බ්‍රිතාන්‍ය යටත් විජිත පාලකයන් ඉන්දියාවේ භේද ඇති කිරීම සදහා ආර්ය සා0ක්‍රමණය පිලිවද මතවාද ඉතා සියුම්ව හා දක්ශව යොදා ගැනුනා. නලීන් මහතා ගේ පරමාර්ථය එවැනි එකක් නොවේවායි මයියා ගේ පැතුමයි.

නලීන් මහතාගේ නිර්මානාත්මක සාපේක්ශතාවාදය .( දැනුම මනස ට සාපේකශ බව හා යමෙකු හැදී වැඩුනු පරිසරයට, සOස්කෘතියට සාපේක්ශ බව) අගේ කරනු ලබන ඇතැමෙක්, ඒතුමා ගේ දේශපාලනය තේරුම් ගැනීමට නොහැකිව එය විවේචනය කරනු මයියා දැක තිබෙනවා. බටහිර චින්තනයේ ඇති අඩුලුහුඩුකම් හා සිOහල බෞද්ධ වින්තනයේ ඇති ප්‍රබල කම් කීපයක් නිසා ඒ මහතා සිOහල බෞද්ධ චින්තනය අගේ කිරීමට පෙලඹී ඇතැයි මයියා ගේ තක්සේරුවයි. ඒ නිසාම ඒ මහතා එම චින්තන ප්‍රවාහය ආරක්ෂා කිරීම වෙනුවෙන් කොන්දේසී විරහිතව පෙනී සිටින බවක් මයියා ට හැගී යනවා. මෙසේ කොන්දේසී විරහිතව ඒ වෙනුවෙන් පෙනී සිටීම තුල ඇතැම් කාරනා සදහා කබරගොයා තලගොයා කර පෙන්වීමට පවා, එතුමා ගේ විශිෂ්ට තාර්කික හැකියාව ( වාචික හැකියාව නොව, ලිඛිත හැකියාව) යොදා ගැනීමට සිදු වෙනවා මයියා දැක තිබෙනවා. මෙයට එක් උදාහරණයක් නම් නලීන් මහතා ගේ කෘතියක් වන 'ප්‍රභකරන් - ඔහුගේ සීයලා, බාප්පලා හා මස්සිනාල' කෘතියේ දක්වෙන්නක් ගත හැකියි. බණ්ඩාරණායක-චෙල්වනායගම් ගිවිසුම අවලOගු වීමට හේතුවූයේ සිOහල ජාතික ව්‍යපාරයේ බලපැම හා බලය රැක ගනීමට බණ්ඩාරනායක මහතා තුල තිබු කැමැත්ත යන්න ඉස්මතු නොකර, වෙල්වනායගම් මහතාගේ ශ්‍රි ව්‍යපාරය බව ඉස්මතු කිරීම සත්‍යට ඉතා දුරස් බව මයියා ගේ හැගීමයි. බන්ඩාරනායක මහතා තුලද කලෙක ෆෙඩරල් අදහස් තිබුනු බව ප්‍රතික්ශේප කිරීමද මෙයටම ඇදේනවා.

කෙසේ උවත් ව්‍යාජ ඉතිහාසයක් නිර්මාණය කිරීමට උත්සහ දරන ඇතැම් විද්වතුන් කීප දෙනෙකුගේ උත්සහයට නලීන් මහතා ඉතා තර්කානූකූල අදහස් කීපයක් ඒම කෘතිය මගින් එලි දක්වා ඇති බව පිලිගැනිමට මයියා මැලි වන්නේ නැ. චන්ද්‍රිකා මහත්මියගේ මුල් පාලන කාලයේදී, 'සිOහල' යන වචනය උච්චාරනය පවා, යමෙක් සිOහල ජාතිවාදීයෙක් ලෙස හOවඩු ගැසීමට හේතු උනා. මෙකල මෙන් නොව ජාතිකත්වය ගැන කථා කිරීම ඉතා දුශ්කර වූ, අපකීර්තියට පත් වීමට හේතු වූ යුගයක පවා, නලීන් මහතා ඒ වෙනුවෙන් පෙනී සිටි අතර මෙකල ඇතමුන් කරන සේ වාසියට තමන්ගේ මථවාද ය වෙනස් කිරීම වැනි වැඩ ඒ මහතා අතින් සිදු නොවීම අගය කල යුත්තක්. කෙසේ උවත් 30 වසරක දරුණු යුද්ධයක් අවසානයේ සිOහල ජාතික ව්‍යාපාරය වර්තමානයේ නව සOධිස්ථානයකට පැමින ඇති බව මයියා ගේ හැගීමයි. බුදුදහමේ මූලික සOකල්ප ඇසුරින් සිOහල ජාතික ව්‍යාපාරය විප්ලවීය වෙනසක් කරා යැම , එම දේශපාලනය ඉදිරියට ගෙන යාමට අත්‍යවශ්‍ය සාදකයක් බව මයියා ගේ විශ්වාසයි. කෙසේ උවත් මේවන් වෙනසක් කෙරෙහි හැගීමක් වත් නලීන් මහතා තුල(හෝ සිOහල ජාතික ව්‍යාපාරය තුල ) නැති බව ඒ මහතාගේ වර්ථමාන ලිපි දෙස බැලීමේදී පෙනී යන්නක්.

විදුසර පුවත්පතට ඒ මහතා 2004 වර්ෂයේ සැපයු ලිපි මාලාවේ ( විශේෂයෙන් 99,100,101 වෙනි ලිපි) , ඒතුමා බිහි කර ඇති විශිෂ්ඨතම ප්‍රවාදය අඩOගු වන බව මයියා ගේ හැගීමයි. මහාවිහාරික ථේරවාදී භික්ෂුව ගත් ගමන් මග යමින් එතුමා මනස පිලිබද විග්‍රහයක යෙදෙන අතර, මුල් සදහන් කල අයට විස්තර කිරීමට අපහසු වු මනසට පමණක් ගෝචර වන 'චිත්තයක' පැවත්ම ගැන එතුමා නව අර්ථකතනයක් ලබාදෙනවා. එහෙත් එම කාරනා පිලිබදව සමාජය තුල කතිකාවතාවතක් සිදුනොවීම අවාසනාවක්. කෙසේ උවත් 'චිත්තයක' පවතින කාල පරාසය විග්‍රහ කිරීමේදී, ඒනම් 'චිතක්ෂණය' විග්‍රහ කිරීමේදී , ඒතුමා මහත් අගය කරමින් කතා කරන 'චක්‍රීය චින්තනය' වෙනුවට 'රේඛීය චින්තනයට' යොමු වී ඇත්දැයි මයියා ට සිතෙනවා. එසේ නොකීමට එකම හේතුව නම් 'සියලු දේ මැවුම්කරු දේවියන් වහන්සේ' වැනි මූල හේතුවක් ඒයට ලබා දී නොමැති වීම පමනක් බව මයියා ගේ හැගීමයි.

නලීන් මහතා ගේ දැනුම පිලිබද කථිකාවත දේශපාලනය, බුදුදහම,ඉතිහාසය, දර්ශනය,විද්‍යාව වැනි විශයන්ට අමතරව සාහිත්‍ය, නාට‍ය්‍ය, සOගීතය වැනි විෂයපතයන් කරාද ගමන් කරනවා. සාහිත්‍යකරුවකුගේ සාහිත්‍යකරන හැකියාව වෙනුවට හෝ සOගීතකරුවකුගේ සOගීත හැකියාව වෙනුවට, ඔවුන්ගේන් සමාජයේ දැනුම නිශ්පාදනය කිරිමේ හෝ දැනුම හදුන්වා දීමේ ක්‍රියා පිලිවෙත, මේහිදී නලීන් මහතාගේ අවධානය ලබා ගත් බවක් පෙනී යනවා. ඒ අනුව පියදාස සිරිසේන, මාර්ටින් වික්‍රමසිOහ, සරච්චන්ද්‍ර, අමරදේව වැනි ඒ ඒ ක්ෂෙත්‍ර වල දැවන්තයින් නලීන් මහතාගේ විභාගනයට කලක් වෙනවා. නලීන් මහතා ඉහත කී පුද්ගලයින් සම්භන්දව දක්වන අදහස් , ඔවුන් පිලිබදව වෙනස් කෝණයකින් බැලීමට පාඨකයා වෙත දැඩි බලපැමක් එල්ල කරනවා. කරුනු කාරනා මධ්‍යස්තව විමසා බලන පුද්ගලයකුට නලීන් මහතාගේ මෙම් අදහස් ඉතා වැදගත් බව මයියා හැගීමයි. කේසේ උවත් අනෙක් කාරණා සම්භන්දයෙන් මෙන්ම , මේ කාරනාවේදීත් , සමාජයේ ඒ පිලිබදව කථිකාවතක් සිදු නොවීම අවාසනාවක්.

කවුරු කොහොම කීවත් නලීන් මහතා ගේ අදහස් හා ලිපි ලාOකික සමාජය මත කර ඇති බලපැම අති විශාල බව මයියා ගේ හැගීමයි. ඒතුමාගේ අදහස් අනුමත කරන්නවුන් අතර සමාජයේ උගත් යැයි සම්මත වෘතීයවේදීන් මේන්ම නවයොවුන් වයසේ සිටින දැනුම පිපාසිතයන් ද වන බව මයියා ගේ නිරීක්ෂනයයි. ඔහුව ප්‍රතික්ශේප කරන්නවුන් අතර සිටින උගත් පිරිස ද බොහෝමැයි. ඔහුව අනුමත කරන, ඔහු වෙනුවෙන් කථා කරන බොහෝ දෙනෙකු කරන වරදක් ලෙස මයියා හට පෙනී යන්නේ, ඔහු කියා දෙන මාර්ගය ඔස්සේ යමින් තම තම් ප්‍රවීනතා විශය ඔස්සේ නව දැනුම බිහි කරනු වෙනුවට, ඔහුගේ ම ප්‍රවාද, විචාරණයකින් තොරව( හෝ මද විචාරනයකින්) , එම වචනම නැවත නැවත මතුරන තත්වයකට විහින් පත් වී ඇති වීමයි.

ඔහුව විවේචනය කරන්නවුන් සම්භන්දයෙන් මයියා ට ඇති විවේචනය නම් ඔහු පල කරන දර්ශනය ආශ්‍රිත කරනා විවේචනය කරනු වෙනුවට, පරිධියේ පවතින කාරනා අල්ලා ගෙන ඔහු ව විවේචනය කිරීමට උත්සහ දැරීමයි. මේවන් කාරනා වලට තරහා ගෙන , තරහෙන් යුතුවම එවාට පිලිතුරු බදින්න යැම, මයියා දකින මහාචාර්‍ය නලීන් ද සිල්වා සතු දුර්වල කමයි.
(He who angers you conquers you.
- Elizabeth Kenny )



ප: ලි: නලීන් මහතාගේ ලිපි පහත වෙබ් අඩවියෙන් කියවිය හැක
http://www.kalaya.org/home.html

2222